Read in తెలుగు / ಕನ್ನಡ / தமிழ் / देवनागरी / English (IAST)
darśanādabhrasadasi jananātkamalālayē |
kāśyāṁ tu maraṇānmuktiḥ smaraṇādaruṇācalē || 1 ||
karuṇāpūritāpāṅgaṁ śaraṇāgatavatsalam |
taruṇēndujaṭāmauliṁ smaraṇādaruṇācalam || 2 ||
samastajagadādhāraṁ saccidānandavigraham |
sahasrarathasōpētaṁ smaraṇādaruṇācalam || 3 ||
kāñcanapratimābhāsaṁ vāñchitārthaphalapradam |
māṁ ca rakṣa surādhyakṣaṁ smaraṇādaruṇācalam || 4 ||
baddhacandrajaṭājūṭamardhanārīkalēbaram |
vardhamānadayāmbhōdhiṁ smaraṇādaruṇācalam || 5 ||
kāñcanapratimābhāsaṁ sūryakōṭisamaprabham |
baddhavyāghrapurīdhyānam smaraṇādaruṇācalam || 6 ||
śikṣayākhiladēvāri bhakṣitakṣvēlakandharam |
rakṣayākhilabhaktānāṁ smaraṇādaruṇācalam || 7 ||
aṣṭabhūtisamāyuktamiṣṭakāmaphalapradam |
śiṣṭabhaktisamāyuktān smaraṇādaruṇācalam || 8 ||
vināyakasurādhyakṣaṁ viṣṇubrahmēndrasēvitam |
vimalāruṇapādābjaṁ smaraṇādaruṇācalam || 9 ||
mandāramallikājātikundacampakapaṅkajaiḥ |
indrādipūjitāṁ dēvīṁ smaraṇādaruṇācalam || 10 ||
sampatkaraṁ pārvatīśaṁ sūryacandrāgnilōcanam |
mandasmitamukhāmbhōjaṁ smaraṇādaruṇācalam || 11 ||
iti śrīaruṇācalāṣṭakam ||
గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.