Read in తెలుగు / ಕನ್ನಡ / தமிழ் / देवनागरी / English (IAST)
|| rakṣōvadhapratijñānam ||
śarabhaṅgē divaṁ yātē munisaṅghāḥ samāgatāḥ |
abhyagacchanta kākutsthaṁ rāmaṁ jvalitatējasam || 1 ||
vaikhānasā vālakhilyāḥ samprakṣālā marīcipāḥ |
aśmakuṭ-ṭāśca bahavaḥ patrāhārāśca dhārmikāḥ || 2 ||
dantōlūkhalinaścaiva tathaivōnmajjakāḥ parē |
gātraśayyā aśayyāśca tathaivābhrāvakāśakāḥ || 3 ||
munayaḥ salilāhārā vāyubhakṣāstathāparē |
ākāśanilayāścaiva tathā sthaṇḍilaśāyinaḥ || 4 ||
vratōpavāsinō dāntāstathārdrapaṭavāsasaḥ |
sajapāśca tapōnityāstathā pañcatapō:’nvitāḥ || 5 ||
sarvē brāhmyā śriyā juṣṭā dr̥ḍhayōgāḥ samāhitāḥ |
śarabhaṅgāśramē rāmamabhijagmuśca tāpasāḥ || 6 ||
abhigamya ca dharmajñā rāmaṁ dharmabhr̥tāṁ varam |
ūcuḥ paramadharmajñamr̥ṣisaṅghāḥ samāhitāḥ || 7 ||
tvamikṣvākukulasyāsya pr̥thivyāśca mahāratha |
pradhānaścāsi nāthaśca dēvānāṁ maghavāniva || 8 ||
viśrutastriṣu lōkēṣu yaśasā vikramēṇa ca |
pitr̥bhaktiśca satyaṁ ca tvayi dharmaśca puṣkalaḥ || 9 ||
tvāmāsādya mahātmānaṁ dharmajñaṁ dharmavatsalam |
arthitvānnātha vakṣyāmastacca naḥ kṣantumarhasi || 10 ||
adharmastu mahāṁstāta bhavēttasya mahīpatēḥ |
yō harēdbaliṣaḍbhāgaṁ na ca rakṣati putravat || 11 ||
yuñjānaḥ svāniva prāṇānprāṇairiṣṭānsutāniva |
nityayuktaḥ sadā rakṣansarvānviṣayavāsinaḥ || 12 ||
prāpnōti śāśvatīṁ rāma kīrtiṁ sa bahuvārṣikīm |
brahmaṇaḥ sthānamāsādya tatra cāpi mahīyatē || 13 ||
yatkarōti paraṁ dharmaṁ munirmūlaphalāśanaḥ |
tatra rājñaścaturbhāgaḥ prajā dharmēṇa rakṣataḥ || 14 ||
sō:’yaṁ brāhmaṇabhūyiṣṭhō vānaprasthagaṇō mahān |
tvannāthō:’nāthavadrāma rākṣasairbādhyatē bhr̥śam || 15 ||
ēhi paśya śarīrāṇi munīnāṁ bhāvitātmanām |
hatānāṁ rākṣasairghōrairbahūnāṁ bahudhā vanē || 16 ||
pampānadīnivāsānāmanumandākinīmapi |
citrakūṭālayānāṁ ca kriyatē kadanaṁ mahat || 17 ||
ēvaṁ vayaṁ na mr̥ṣyāmō viprakāraṁ tapasvinām |
kriyamāṇaṁ vanē ghōraṁ rakṣōbhirbhīmakarmabhiḥ || 18 ||
tatastvāṁ śaraṇārthaṁ ca śaraṇyaṁ samupasthitāḥ |
paripālaya nō rāma vadhyamānānniśācaraiḥ || 19 ||
parā tvattō gatirvīra pr̥thivyāṁ nōpapadyatē |
paripālaya naḥ sarvānrākṣasēbhyō nr̥pātmaja || 20 ||
ētacchrutvā tu kākutsthastāpasānāṁ tapasvinām |
idaṁ prōvāca dharmātmā sarvānēva tapasvinaḥ || 21 ||
naivamarhatha māṁ vaktumājñaptō:’haṁ tapasvinām |
kēvalēnātmakāryēṇa pravēṣṭavyaṁ mayā vanam || 22 ||
viprakāramapākraṣṭuṁ rākṣasairbhavatāmimam |
pitustu nirdēśakaraḥ praviṣṭō:’hamidaṁ vanam || 23 ||
bhavatāmarthasiddhyarthamāgatō:’haṁ yadr̥cchayā |
tasya mē:’yaṁ vanē vāsō bhaviṣyati mahāphalaḥ || 24 ||
tapasvināṁ raṇē śatrūnhantumicchāmi rākṣasān |
paśyantu vīryamr̥ṣayaḥ sabhrāturmē tapōdhanāḥ || 25 ||
dattvā:’bhayaṁ cāpi tapōdhanānāṁ
dharmē dhr̥tātmā saha lakṣmaṇēna |
tapōdhanaiścāpi sabhājyavr̥ttaḥ
sutīkṣṇamēvābhijagāma vīraḥ || 26 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē ṣaṣṭhaḥ sargaḥ || 6 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
