Aranya Kanda Sarga 6 – அரண்யகாண்ட³ ஷஷ்ட²꞉ ஸர்க³꞉ (6)

॥ ரக்ஷோவத⁴ப்ரதிஜ்ஞாநம் ॥

ஶரப⁴ங்கே³ தி³வம் யாதே முநிஸங்கா⁴꞉ ஸமாக³தா꞉ ।
அப்⁴யக³ச்ச²ந்த காகுத்ஸ்த²ம் ராமம் ஜ்வலிததேஜஸம் ॥ 1 ॥

வைகா²நஸா வாலகி²ல்யா꞉ ஸம்ப்ரக்ஷாலா மரீசிபா꞉ ।
அஶ்மகுட்டாஶ்ச ப³ஹவ꞉ பத்ராஹாராஶ்ச தா⁴ர்மிகா꞉ ॥ 2 ॥

த³ந்தோலூக²லிநஶ்சைவ ததை²வோந்மஜ்ஜகா꞉ பரே ।
கா³த்ரஶய்யா அஶய்யாஶ்ச ததை²வாப்⁴ராவகாஶகா꞉ ॥ 3 ॥

முநய꞉ ஸலிலாஹாரா வாயுப⁴க்ஷாஸ்ததா²பரே ।
ஆகாஶநிலயாஶ்சைவ ததா² ஸ்த²ண்டி³லஶாயிந꞉ ॥ 4 ॥

வ்ரதோபவாஸிநோ தா³ந்தாஸ்ததா²ர்த்³ரபடவாஸஸ꞉ ।
ஸஜபாஶ்ச தபோநித்யாஸ்ததா² பஞ்சதபோந்விதா꞉ ॥ 5 ॥

ஸர்வே ப்³ராஹ்ம்யா ஶ்ரியா ஜுஷ்டா த்³ருட⁴யோகா³꞉ ஸமாஹிதா꞉ ।
ஶரப⁴ங்கா³ஶ்ரமே ராமமபி⁴ஜக்³முஶ்ச தாபஸா꞉ ॥ 6 ॥

அபி⁴க³ம்ய ச த⁴ர்மஜ்ஞா ராமம் த⁴ர்மப்⁴ருதாம் வரம் ।
ஊசு꞉ பரமத⁴ர்மஜ்ஞம்ருஷிஸங்கா⁴꞉ ஸமாஹிதா꞉ ॥ 7 ॥

த்வமிக்ஷ்வாகுகுலஸ்யாஸ்ய ப்ருதி²வ்யாஶ்ச மஹாரத² ।
ப்ரதா⁴நஶ்சாஸி நாத²ஶ்ச தே³வாநாம் மக⁴வாநிவ ॥ 8 ॥

விஶ்ருதஸ்த்ரிஷு லோகேஷு யஶஸா விக்ரமேண ச ।
பித்ருப⁴க்திஶ்ச ஸத்யம் ச த்வயி த⁴ர்மஶ்ச புஷ்கள꞉ ॥ 9 ॥

த்வாமாஸாத்³ய மஹாத்மாநம் த⁴ர்மஜ்ஞம் த⁴ர்மவத்ஸலம் ।
அர்தி²த்வாந்நாத² வக்ஷ்யாமஸ்தச்ச ந꞉ க்ஷந்துமர்ஹஸி ॥ 10 ॥

அத⁴ர்மஸ்து மஹாம்ஸ்தாத ப⁴வேத்தஸ்ய மஹீபதே꞉ ।
யோ ஹரேத்³ப³லிஷட்³பா⁴க³ம் ந ச ரக்ஷதி புத்ரவத் ॥ 11 ॥

யுஞ்ஜாந꞉ ஸ்வாநிவ ப்ராணாந்ப்ராணைரிஷ்டாந்ஸுதாநிவ ।
நித்யயுக்த꞉ ஸதா³ ரக்ஷந்ஸர்வாந்விஷயவாஸிந꞉ ॥ 12 ॥

ப்ராப்நோதி ஶாஶ்வதீம் ராம கீர்திம் ஸ ப³ஹுவார்ஷிகீம் ।
ப்³ரஹ்மண꞉ ஸ்தா²நமாஸாத்³ய தத்ர சாபி மஹீயதே ॥ 13 ॥

யத்கரோதி பரம் த⁴ர்மம் முநிர்மூலப²லாஶந꞉ ।
தத்ர ராஜ்ஞஶ்சதுர்பா⁴க³꞉ ப்ரஜா த⁴ர்மேண ரக்ஷத꞉ ॥ 14 ॥

ஸோ(அ)யம் ப்³ராஹ்மணபூ⁴யிஷ்டோ² வாநப்ரஸ்த²க³ணோ மஹாந் ।
த்வந்நாதோ²(அ)நாத²வத்³ராம ராக்ஷஸைர்பா³த்⁴யதே ப்⁴ருஶம் ॥ 15 ॥

ஏஹி பஶ்ய ஶரீராணி முநீநாம் பா⁴விதாத்மநாம் ।
ஹதாநாம் ராக்ஷஸைர்கோ⁴ரைர்ப³ஹூநாம் ப³ஹுதா⁴ வநே ॥ 16 ॥

பம்பாநதீ³நிவாஸாநாமநுமந்தா³கிநீமபி ।
சித்ரகூடாலயாநாம் ச க்ரியதே கத³நம் மஹத் ॥ 17 ॥

ஏவம் வயம் ந ம்ருஷ்யாமோ விப்ரகாரம் தபஸ்விநாம் ।
க்ரியமாணம் வநே கோ⁴ரம் ரக்ஷோபி⁴ர்பீ⁴மகர்மபி⁴꞉ ॥ 18 ॥

ததஸ்த்வாம் ஶரணார்த²ம் ச ஶரண்யம் ஸமுபஸ்தி²தா꞉ ।
பரிபாலய நோ ராம வத்⁴யமாநாந்நிஶாசரை꞉ ॥ 19 ॥

பரா த்வத்தோ க³திர்வீர ப்ருதி²வ்யாம் நோபபத்³யதே ।
பரிபாலய ந꞉ ஸர்வாந்ராக்ஷஸேப்⁴யோ ந்ருபாத்மஜ ॥ 20 ॥

ஏதச்ச்²ருத்வா து காகுத்ஸ்த²ஸ்தாபஸாநாம் தபஸ்விநாம் ।
இத³ம் ப்ரோவாச த⁴ர்மாத்மா ஸர்வாநேவ தபஸ்விந꞉ ॥ 21 ॥

நைவமர்ஹத² மாம் வக்துமாஜ்ஞப்தோ(அ)ஹம் தபஸ்விநாம் ।
கேவலேநாத்மகார்யேண ப்ரவேஷ்டவ்யம் மயா வநம் ॥ 22 ॥

விப்ரகாரமபாக்ரஷ்டும் ராக்ஷஸைர்ப⁴வதாமிமம் ।
பிதுஸ்து நிர்தே³ஶகர꞉ ப்ரவிஷ்டோ(அ)ஹமித³ம் வநம் ॥ 23 ॥

ப⁴வதாமர்த²ஸித்³த்⁴யர்த²மாக³தோ(அ)ஹம் யத்³ருச்ச²யா ।
தஸ்ய மே(அ)யம் வநே வாஸோ ப⁴விஷ்யதி மஹாப²ல꞉ ॥ 24 ॥

தபஸ்விநாம் ரணே ஶத்ரூந்ஹந்துமிச்சா²மி ராக்ஷஸாந் ।
பஶ்யந்து வீர்யம்ருஷய꞉ ஸப்⁴ராதுர்மே தபோத⁴நா꞉ ॥ 25 ॥

த³த்த்வா(அ)ப⁴யம் சாபி தபோத⁴நாநாம்
த⁴ர்மே த்⁴ருதாத்மா ஸஹ லக்ஷ்மணேந ।
தபோத⁴நைஶ்சாபி ஸபா⁴ஜ்யவ்ருத்த꞉
ஸுதீக்ஷ்ணமேவாபி⁴ஜகா³ம வீர꞉ ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஷஷ்ட²꞉ ஸர்க³꞉ ॥ 6 ॥

Facebook Comments

You may also like...

error: Not allowed
%d bloggers like this: