Read in తెలుగు / ಕನ್ನಡ / தமிழ் / देवनागरी / English (IAST)
|| sītāharaṇōpadēśaḥ ||
tataḥ śūrpaṇakhāṁ kr̥ddhāṁ bruvantīṁ paruṣaṁ vacaḥ |
amātyamadhyē saṅkruddhaḥ paripapraccha rāvaṇaḥ || 1 ||
kaśca rāmaḥ kathaṁ vīryaḥ kiṁ rūpaḥ kiṁ parākramaḥ |
kimarthaṁ daṇḍakāraṇyaṁ praviṣṭaḥ sa durāsadam || 2 ||
āyudhaṁ kiṁ ca rāmasya nihatā yēna rākṣasāḥ |
kharaśca nihataḥ saṅkhyē dūṣaṇastriśirāstathā || 3 ||
ityuktā rākṣasēndrēṇa rākṣasī krōdhamūrchitā |
tatō rāmaṁ yathātattvamākhyātumupacakramē || 4 ||
dīrghabāhurviśālākṣaścīrakr̥ṣṇājināmbaraḥ |
kandarpasamarūpaśca rāmō daśarathātmajaḥ || 5 ||
śakracāpanibhaṁ cāpaṁ vikr̥ṣya kanakāṅgadam |
dīptān kṣipati nārācān sarpāniva mahāviṣān || 6 ||
nādadānaṁ śarān ghōrān na muñcantaṁ śilīmukhān |
na kārmukaṁ vikarṣantaṁ rāmaṁ paśyāmi samyugē || 7 ||
hanyamānaṁ tu tatsainyaṁ paśyāmi śaravr̥ṣṭibhiḥ |
indrēṇēvōttamaṁ sasyamāhataṁ tvaśmavr̥ṣṭibhiḥ || 8 ||
rakṣasāṁ bhīmarūpāṇāṁ sahasrāṇi caturdaśa |
nihatāni śaraistīkṣṇaistēnaikēna padātinā || 9 ||
ardhādhikamuhūrtēna kharaśca sahadūṣaṇaḥ |
r̥ṣīṇāmabhayaṁ dattaṁ kr̥takṣēmāśca daṇḍakāḥ || 10 ||
ēkā kathañcinmuktā:’haṁ paribhūya mahātmanā |
strīvadhaṁ śaṅkamānēna rāmēṇa viditātmanā || 11 ||
bhrātā cāsya mahātējāḥ guṇatastulyavikramaḥ |
anuraktaśca bhaktaśca lakṣmaṇō nāma vīryavān || 12 ||
amarṣī durjayō jētā vikrāntō buddhimān balī |
rāmasya dakṣiṇō bāhurnityaṁ prāṇō bahiścaraḥ || 13 ||
rāmasya tu viśālākṣī pūrṇēndusadr̥śānanā |
dharmapatnī priyā bharturnityaṁ priyahitē ratā || 14 ||
sā sukēśī sunāsōruḥ surūpā ca yaśasvinī |
dēvatēva vanasyāsya rājatē śrīrivāparā || 15 ||
taptakāñcanavarṇābhā raktatuṅganakhī śubhā |
sītā nāma varārōhā vaidēhī tanumadhyamā || 16 ||
naiva dēvī na gandharvī na yakṣī na ca kinnarī |
naivaṁ rūpā mayā nārī dr̥ṣṭapūrvā mahītalē || 17 ||
yasya sītā bhavēdbhāryā yaṁ ca hr̥ṣṭā pariṣvajēt |
atijīvēt sa sarvēṣu lōkēṣvapi purandarāt || 18 ||
sā suśīlā vapuḥ ślāghyā rūpēṇāpratimā bhuvi |
tavānurūpā bhāryā syāt tvaṁ ca tasyāstathā patiḥ || 19 ||
tāṁ tu vistīrṇajaghanāṁ pīnaśrōṇīpayōdharām |
bhāryārthē tu tavānētumudyatāhaṁ varānanām || 20 ||
virūpitā:’smi krūrēṇa lakṣmaṇēna mahābhuja |
tāṁ tu dr̥ṣṭvā:’dya vaidēhīṁ pūrṇacandranibhānanām || 21 ||
manmathasya śarāṇāṁ vai tvaṁ vidhēyō bhaviṣyasi |
yadi tasyāmabhiprāyō bhāryārthē tava jāyatē || 22 ||
śīghramuddhriyatāṁ pādō jayārthamiha dakṣiṇaḥ |
kuru priyaṁ tathā tēṣāṁ rakṣasāṁ rākṣasēśvara || 23 ||
vadhāttasya nr̥śaṁsasya rāmasyāśramavāsinaḥ |
taṁ śarairniśitairhatvā lakṣmaṇaṁ ca mahāratham || 24 ||
hatanāthāṁ sukhaṁ sītāṁ yathāvadupabhōkṣyasi |
rōcatē yadi tē vākyaṁ mamaitadrākṣasēśvara || 25 ||
kriyatāṁ nirviśaṅkēna vacanaṁ mama rāvaṇa |
vijñāyēhātmaśaktiṁ ca hriyatāmabalā balāt |
sītā sarvānavadyāṅgī bhāryarthē rākṣasēśvara || 26 ||
niśamya rāmēṇa śarairajihmagai-
-rhatān janasthānagatānniśācarān |
kharaṁ ca budhvā nihataṁ ca dūṣaṇaṁ
tvamatra kr̥tyaṁ pratipattumarhasi || 27 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē catustriṁśaḥ sargaḥ || 34 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
