Aranya Kanda Sarga 34 – அரண்யகாண்ட³ சதுஸ்த்ரிம்ஶ꞉ ஸர்க³꞉ (34)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ சதுஸ்த்ரிம்ஶ꞉ ஸர்க³꞉ (34)

॥ ஸீதாஹரணோபதே³ஶ꞉ ॥

தத꞉ ஶூர்பணகா²ம் க்ருத்³தா⁴ம் ப்³ருவந்தீம் பருஷம் வச꞉ ।
அமாத்யமத்⁴யே ஸங்க்ருத்³த⁴꞉ பரிபப்ரச்ச² ராவண꞉ ॥ 1 ॥

கஶ்ச ராம꞉ கத²ம் வீர்ய꞉ கிம் ரூப꞉ கிம் பராக்ரம꞉ ।
கிமர்த²ம் த³ண்ட³காரண்யம் ப்ரவிஷ்ட꞉ ஸ து³ராஸத³ம் ॥ 2 ॥

ஆயுத⁴ம் கிம் ச ராமஸ்ய நிஹதா யேந ராக்ஷஸா꞉ ।
க²ரஶ்ச நிஹத꞉ ஸங்க்²யே தூ³ஷணஸ்த்ரிஶிராஸ்ததா² ॥ 3 ॥

இத்யுக்தா ராக்ஷஸேந்த்³ரேண ராக்ஷஸீ க்ரோத⁴மூர்சி²தா ।
ததோ ராமம் யதா²தத்த்வமாக்²யாதுமுபசக்ரமே ॥ 4 ॥

தீ³ர்க⁴பா³ஹுர்விஶாலாக்ஷஶ்சீரக்ருஷ்ணாஜிநாம்ப³ர꞉ ।
கந்த³ர்பஸமரூபஶ்ச ராமோ த³ஶரதா²த்மஜ꞉ ॥ 5 ॥

ஶக்ரசாபநிப⁴ம் சாபம் விக்ருஷ்ய கநகாங்க³த³ம் ।
தீ³ப்தாந் க்ஷிபதி நாராசாந் ஸர்பாநிவ மஹாவிஷாந் ॥ 6 ॥

நாத³தா³நம் ஶராந் கோ⁴ராந் ந முஞ்சந்தம் ஶிலீமுகா²ந் ।
ந கார்முகம் விகர்ஷந்தம் ராமம் பஶ்யாமி ஸம்யுகே³ ॥ 7 ॥

ஹந்யமாநம் து தத்ஸைந்யம் பஶ்யாமி ஶரவ்ருஷ்டிபி⁴꞉ ।
இந்த்³ரேணேவோத்தமம் ஸஸ்யமாஹதம் த்வஶ்மவ்ருஷ்டிபி⁴꞉ ॥ 8 ॥

ரக்ஷஸாம் பீ⁴மரூபாணாம் ஸஹஸ்ராணி சதுர்த³ஶ ।
நிஹதாநி ஶரைஸ்தீக்ஷ்ணைஸ்தேநைகேந பதா³திநா ॥ 9 ॥

அர்தா⁴தி⁴கமுஹூர்தேந க²ரஶ்ச ஸஹதூ³ஷண꞉ ।
ருஷீணாமப⁴யம் த³த்தம் க்ருதக்ஷேமாஶ்ச த³ண்ட³கா꞉ ॥ 10 ॥

ஏகா கத²ஞ்சிந்முக்தா(அ)ஹம் பரிபூ⁴ய மஹாத்மநா ।
ஸ்த்ரீவத⁴ம் ஶங்கமாநேந ராமேண விதி³தாத்மநா ॥ 11 ॥

ப்⁴ராதா சாஸ்ய மஹாதேஜா꞉ கு³ணதஸ்துல்யவிக்ரம꞉ ।
அநுரக்தஶ்ச ப⁴க்தஶ்ச லக்ஷ்மணோ நாம வீர்யவாந் ॥ 12 ॥

அமர்ஷீ து³ர்ஜயோ ஜேதா விக்ராந்தோ பு³த்³தி⁴மாந் ப³லீ ।
ராமஸ்ய த³க்ஷிணோ பா³ஹுர்நித்யம் ப்ராணோ ப³ஹிஶ்சர꞉ ॥ 13 ॥

ராமஸ்ய து விஶாலாக்ஷீ பூர்ணேந்து³ஸத்³ருஶாநநா ।
த⁴ர்மபத்நீ ப்ரியா ப⁴ர்துர்நித்யம் ப்ரியஹிதே ரதா ॥ 14 ॥

ஸா ஸுகேஶீ ஸுநாஸோரு꞉ ஸுரூபா ச யஶஸ்விநீ ।
தே³வதேவ வநஸ்யாஸ்ய ராஜதே ஶ்ரீரிவாபரா ॥ 15 ॥

தப்தகாஞ்சநவர்ணாபா⁴ ரக்ததுங்க³நகீ² ஶுபா⁴ ।
ஸீதா நாம வராரோஹா வைதே³ஹீ தநுமத்⁴யமா ॥ 16 ॥

நைவ தே³வீ ந க³ந்த⁴ர்வீ ந யக்ஷீ ந ச கிந்நரீ ।
நைவம் ரூபா மயா நாரீ த்³ருஷ்டபூர்வா மஹீதலே ॥ 17 ॥

யஸ்ய ஸீதா ப⁴வேத்³பா⁴ர்யா யம் ச ஹ்ருஷ்டா பரிஷ்வஜேத் ।
அதிஜீவேத் ஸ ஸர்வேஷு லோகேஷ்வபி புரந்த³ராத் ॥ 18 ॥

ஸா ஸுஶீலா வபு꞉ ஶ்லாக்⁴யா ரூபேணாப்ரதிமா பு⁴வி ।
தவாநுரூபா பா⁴ர்யா ஸ்யாத் த்வம் ச தஸ்யாஸ்ததா² பதி꞉ ॥ 19 ॥

தாம் து விஸ்தீர்ணஜக⁴நாம் பீநஶ்ரோணீபயோத⁴ராம் ।
பா⁴ர்யார்தே² து தவாநேதுமுத்³யதாஹம் வராநநாம் ॥ 20 ॥

விரூபிதா(அ)ஸ்மி க்ரூரேண லக்ஷ்மணேந மஹாபு⁴ஜ ।
தாம் து த்³ருஷ்ட்வா(அ)த்³ய வைதே³ஹீம் பூர்ணசந்த்³ரநிபா⁴நநாம் ॥ 21 ॥

மந்மத²ஸ்ய ஶராணாம் வை த்வம் விதே⁴யோ ப⁴விஷ்யஸி ।
யதி³ தஸ்யாமபி⁴ப்ராயோ பா⁴ர்யார்தே² தவ ஜாயதே ॥ 22 ॥

ஶீக்⁴ரமுத்³த்⁴ரியதாம் பாதோ³ ஜயார்த²மிஹ த³க்ஷிண꞉ ।
குரு ப்ரியம் ததா² தேஷாம் ரக்ஷஸாம் ராக்ஷஸேஶ்வர ॥ 23 ॥

வதா⁴த்தஸ்ய ந்ருஶம்ஸஸ்ய ராமஸ்யாஶ்ரமவாஸிந꞉ ।
தம் ஶரைர்நிஶிதைர்ஹத்வா லக்ஷ்மணம் ச மஹாரத²ம் ॥ 24 ॥

ஹதநாதா²ம் ஸுக²ம் ஸீதாம் யதா²வது³பபோ⁴க்ஷ்யஸி ।
ரோசதே யதி³ தே வாக்யம் மமைதத்³ராக்ஷஸேஶ்வர ॥ 25 ॥

க்ரியதாம் நிர்விஶங்கேந வசநம் மம ராவண ।

விஜ்ஞாயேஹாத்மஶக்திம் ச ஹ்ரியதாமப³லா ப³லாத் ।
ஸீதா ஸர்வாநவத்³யாங்கீ³ பா⁴ர்யர்தே² ராக்ஷஸேஶ்வர ॥ 26 ॥

நிஶம்ய ராமேண ஶரைரஜிஹ்மகை³-
-ர்ஹதாந் ஜநஸ்தா²நக³தாந்நிஶாசராந் ।
க²ரம் ச பு³த்⁴வா நிஹதம் ச தூ³ஷணம்
த்வமத்ர க்ருத்யம் ப்ரதிபத்துமர்ஹஸி ॥ 27 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ சதுஸ்த்ரிம்ஶ꞉ ஸர்க³꞉ ॥ 34 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

---