Read in తెలుగు / ಕನ್ನಡ / தமிழ் / देवनागरी / English (IAST)
॥ மாரீசாஶ்ரமபுநர்க³மநம் ॥
தத꞉ ஶூர்பணகா²வாக்யம் தச்ச்²ருத்வா ரோமஹர்ஷணம் ।
ஸசிவாநப்⁴யநுஜ்ஞாய கார்யம் பு³த்³த்⁴வா ஜகா³ம ஸ꞉ ॥ 1 ॥
தத்கார்யமநுக³ம்யாத² யதா²வது³பலப்⁴ய ச ।
தோ³ஷாணாம் ச கு³ணாநாம் ச ஸம்ப்ரதா⁴ர்ய ப³லாப³லம் ॥ 2 ॥
இதி கர்தவ்யமித்யேவ க்ருத்வா நிஶ்சயமாத்மந꞉ ।
ஸ்தி²ரபு³த்³தி⁴ஸ்ததோ ரம்யாம் யாநஶாலாமுபாக³மத் ॥ 3 ॥
யாநஶாலாம் ததோ க³த்வா ப்ரச்ச²ந்நோ ராக்ஷஸாதி⁴ப꞉ ।
ஸூதம் ஸஞ்சோத³யாமாஸ ரத²꞉ ஸம்யோஜ்யதாமிதி ॥ 4 ॥
ஏவமுக்த꞉ க்ஷணேநைவ ஸாரதி²ர்லகு⁴விக்ரம꞉ ।
ரத²ம் ஸம்யோஜயாமாஸ தஸ்யாபி⁴மதமுத்தமம் ॥ 5 ॥
காஞ்சநம் ரத²மாஸ்தா²ய காமக³ம் ரத்நபூ⁴ஷிதம் ।
பிஶாசவத³நைர்யுக்தம் க²ரை꞉ கநகபூ⁴ஷணை꞉ ॥ 6 ॥
மேக⁴ப்ரதிமநாதே³ந ஸ தேந த⁴நதா³நுஜ꞉ ।
ராக்ஷஸாதி⁴பதி꞉ ஶ்ரீமாந் யயௌ நத³நதீ³பதிம் ॥ 7 ॥
ஸ ஶ்வேதவாலவ்யஜந꞉ ஶ்வேதச்ச²த்ரோ த³ஶாநந꞉ ।
ஸ்நிக்³த⁴வைடூ³ர்யஸங்காஶஸ்தப்தகாஞ்சநகுண்ட³ல꞉ ॥ 8 ॥
விம்ஶத்³பு⁴ஜோ த³ஶக்³ரீவோ த³ர்ஶநீயபரிச்ச²த³꞉ ।
த்ரித³ஶாரிர்முநீந்த்³ரக்⁴நோ த³ஶஶீர்ஷ இவாத்³ரிராட் ॥ 9 ॥
காமக³ம் ரத²மாஸ்தா²ய ஶுஶுபே⁴ ராக்ஷஸேஶ்வர꞉ ।
வித்³யுந்மண்ட³லவாந் மேக⁴꞉ ஸப³லாக இவாம்ப³ரே ॥ 10 ॥
ஸஶைலம் ஸாக³ராநூபம் வீர்யவாநவலோகயந் ।
நாநாபுஷ்பப²லைர்வ்ருக்ஷைரநுகீர்ணம் ஸஹஸ்ரஶ꞉ ॥ 11 ॥
ஶீதமங்க³ளதோயாபி⁴꞉ பத்³மிநீபி⁴꞉ ஸமந்தத꞉ ।
விஶாலைராஶ்ரமபதை³ர்வேதி³மத்³பி⁴ ஸமாவ்ருதம் ॥ 12 ॥
கத³ல்யா(ஆ)ட⁴கிஸம்பா³த⁴ம் நாலிகேரோபஶோபி⁴தம் ।
ஸாலைஸ்தாலைஸ்தமாலைஶ்ச புஷ்பிதைஸ்தருபி⁴ர்வ்ருதம் ॥ 13 ॥
நாகை³꞉ ஸுபர்ணைர்க³ந்த⁴ர்வை꞉ கிந்நரைஶ்ச ஸஹஸ்ரஶ꞉ ।
ஆஜைர்வைகா²நஸைர்மாஷை꞉ வாலகி²ல்யைர்மரீசிபை꞉ ॥ 14 ॥
அத்யந்தநியதாஹாரை꞉ ஶோபி⁴தம் பரமர்ஷிபி⁴꞉ ।
ஜிதகாமைஶ்ச ஸித்³தை⁴ஶ்ச சாரணைருபஶோபி⁴தம் ॥ 15 ॥
தி³வ்யாப⁴ரணமால்யாபி⁴ர்தி³வ்யரூபாபி⁴ராவ்ருதம் ।
க்ரீடா³ரதிவிதி⁴ஜ்ஞாபி⁴ரப்ஸரோபி⁴꞉ ஸஹஸ்ரஶ꞉ ॥ 16 ॥
ஸேவிதம் தே³வபத்நீபி⁴꞉ ஶ்ரீமதீபி⁴꞉ ஶ்ரியாவ்ருதம் ।
தே³வதா³நவஸங்கை⁴ஶ்ச சரிதம் த்வம்ருதாஶிபி⁴꞉ ॥ 17 ॥
ஹம்ஸக்ரௌஞ்சப்லவாகீர்ணம் ஸாரஸை꞉ ஸம்ப்ரணாதி³தம் ।
வைடூ³ர்யப்ரஸ்தரம் ரம்யம் ஸ்நிக்³த⁴ம் ஸாக³ரதேஜஸா ॥ 18 ॥
பாண்டு³ராணி விஶாலாநி தி³வ்யமால்யயுதாநி ச ।
தூர்யகீ³தாபி⁴ஜுஷ்டாநி விமாநாநி ஸமந்தத꞉ ॥ 19 ॥
தபஸா ஜிதலோகாநாம் காமகா³ந்யபி⁴ஸம்பதந் ।
க³ந்த⁴ர்வாப்ஸரஸஶ்சைவ த³த³ர்ஶ த⁴நதா³நுஜ꞉ ॥ 20 ॥
நிர்யாஸரஸமூலாநாம் சந்த³நாநாம் ஸஹஸ்ரஶ꞉ ।
வநாநி பஶ்யந் ஸௌம்யாநி க்⁴ராணத்ருப்திகராணி ச ॥ 21 ॥
அகு³ரூணாம் ச முக்²யாநாம் வநாந்யுபவநாநி ச ।
தக்கோலாநாம் ச ஜாத்யாநாம் ப²லாநாம் ச ஸுக³ந்தி⁴நாம் ॥ 22 ॥
புஷ்பாணி ச தமாலஸ்ய கு³ள்மாநி மரிசஸ்ய ச ।
முக்தாநாம் ச ஸமூஹாநி ஶுஷ்யமாணாநி தீரத꞉ ॥ 23 ॥
ஶங்கா²நாம் ப்ரஸ்தரம் சைவ ப்ரவாளநிசயம் ததா² ।
காஞ்சநாநி ச ஶைலாநி ராஜதாநி ச ஸர்வஶ꞉ ॥ 24 ॥
ப்ரஸ்ரவாணி மநோஜ்ஞாநி ப்ரஸந்நாநி ஹ்ரதா³நி ச ।
த⁴நதா⁴ந்யோபபந்நாநி ஸ்த்ரீரத்நை꞉ ஶோபி⁴தாநி ச ॥ 25 ॥
ஹஸ்த்யஶ்வரத²கா³டா⁴நி நக³ராண்யவலோகயந் ।
தம் ஸமம் ஸர்வத꞉ ஸ்நிக்³த⁴ம் ம்ருது³ஸம்ஸ்பர்ஶமாருதம் ॥ 26 ॥
அநூபம் ஸிந்து⁴ராஜஸ்ய த³த³ர்ஶ த்ரிதி³வோபமம் ।
தத்ராபஶ்யத்ஸ மேகா⁴ப⁴ம் ந்யக்³ரோத⁴ம்ருஷிபி⁴ர்வ்ருதம் ॥ 27 ॥
ஸமந்தாத்³யஸ்ய தா꞉ ஶாகா²꞉ ஶதயோஜநமாயதா꞉ ।
யஸ்ய ஹஸ்திநமாதா³ய மஹாகாயம் ச கச்ச²பம் ॥ 28 ॥
ப⁴க்ஷார்த²ம் க³ருட³꞉ ஶாகா²மாஜகா³ம மஹாப³ல꞉ ।
தஸ்ய தாம் ஸஹஸா ஶாகா²ம் பா⁴ரேண பதகோ³த்தம꞉ ॥ 29 ॥
ஸுபர்ண꞉ பர்ணப³ஹுளாம் ப³ப⁴ஞ்ஜ ச மஹாப³ல꞉ ।
தத்ர வைகா²நஸா மாஷா வாலகி²ல்யா மரீசிபா꞉ ॥ 30 ॥
அஜா ப³பூ⁴வுர்தூ⁴ம்ராஶ்ச ஸங்க³தா꞉ பரமர்ஷய꞉ ।
தேஷாம் த³யார்த²ம் க³ருட³ஸ்தாம் ஶாகா²ம் ஶதயோஜநாம் ॥ 31 ॥
ஜகா³மாதா³ய வேகே³ந தௌ சோபௌ⁴ க³ஜகச்ச²பௌ ।
ஏகபாதே³ந த⁴ர்மாத்மா ப⁴க்ஷயித்வா ததா³மிஷம் ॥ 32 ॥
நிஷாத³விஷயம் ஹத்வா ஶாக²யா பதகோ³த்தம꞉ ।
ப்ரஹர்ஷமதுலம் லேபே⁴ மோக்ஷயித்வா மஹாமுநீந் ॥ 33 ॥
ஸ தேநைவ ப்ரஹர்ஷேண த்³விகு³ணீக்ருதவிக்ரம꞉ ।
அம்ருதாநயநார்த²ம் வை சகார மதிமாந் மதிம் ॥ 34 ॥
அயோஜாலாநி நிர்மத்²ய பி⁴த்த்வா ரத்நமயம் க்³ருஹம் ।
மஹேந்த்³ரப⁴வநாத்³கு³ப்தமாஜஹாராம்ருதம் தத꞉ ॥ 35 ॥
தம் மஹர்ஷிக³ணைர்ஜுஷ்டம் ஸுபர்ண க்ருதலக்ஷணம் ।
நாம்நா ஸுப⁴த்³ரம் ந்யக்³ரோத⁴ம் த³த³ர்ஶ த⁴நதா³நுஜ꞉ ॥ 36 ॥
தம் து க³த்வா பரம் பாரம் ஸமுத்³ரஸ்ய நதீ³பதே꞉ ।
த³த³ர்ஶாஶ்ரமமேகாந்தே ரம்யே புண்யே வநாந்தரே ॥ 37 ॥
தத்ர க்ருஷ்ணாஜிநத⁴ரம் ஜடாவள்கலதா⁴ரிணம் ।
த³த³ர்ஶ நியதாஹாரம் மாரீசம் நாம ராக்ஷஸம் ॥ 38 ॥
ஸ ராவண꞉ ஸமாக³ம்ய விதி⁴வத்தேந ரக்ஷஸா ।
மாரீசேநார்சிதோ ராஜா ஸர்வகாமைரமாநுஷை꞉ ॥ 39 ॥
தம் ஸ்வயம் பூஜயித்வா து போ⁴ஜநேநோத³கேந ச ।
அர்தோ²பஹிதயா வாசா மாரீசோ வாக்யமப்³ரவீத் ॥ 40 ॥
கச்சித் ஸுகுஶலம் ராஜந் லங்காயாம் ராக்ஷஸேஶ்வர ।
கேநார்தே²ந புநஸ்த்வம் வை தூர்ணமேவமிஹாக³த꞉ ॥ 41 ॥
ஏவமுக்தோ மஹாதேஜா மாரீசேந ஸ ராவண꞉ ।
தம் து பஶ்சாதி³த³ம் வாக்யமப்³ரவீத்³வாக்யகோவித³꞉ ॥ 42 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ பஞ்சத்ரிம்ஶ꞉ ஸர்க³꞉ ॥ 35 ॥
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
