Brahmadi Deva Krita Mahadeva Stuti – శ్రీ మహాదేవ స్తుతిః (బ్రహ్మాదిదేవ కృతమ్)


దేవా ఊచుః –
నమో భవాయ శర్వాయ రుద్రాయ వరదాయ చ |
పశూనాం పతయే నిత్యముగ్రాయ చ కపర్దినే || ౧ ||

మహాదేవాయ భీమాయ త్ర్యంబకాయ విశాంపతే |
ఈశ్వరాయ భగఘ్నాయ నమస్త్వంధకఘాతినే || ౨ ||

నీలగ్రీవాయ భీమాయ వేధసాం పతయే నమః |
కుమారశత్రువిఘ్నాయ కుమారజననాయ చ || ౩ ||

విలోహితాయ ధూమ్రాయ ధరాయ క్రథనాయ చ |
నిత్యం నీలశిఖండాయ శూలినే దివ్యశాలినే || ౪ ||

ఉరగాయ సునేత్రాయ హిరణ్యవసురేతసే |
అచింత్యాయాంబికాభర్త్రే సర్వదేవస్తుతాయ చ || ౫ ||

వృషధ్వజాయ చండాయ జటినే బ్రహ్మచారిణే |
తప్యమానాయ సలిలే బ్రహ్మణ్యాయాజితాయ చ || ౬ ||

విశ్వాత్మనే విశ్వసృజే విశ్వమావృత్య తిష్ఠతే |
నమోఽస్తు దివ్యసేవ్యాయ ప్రభవే సర్వసంపదామ్ || ౭ ||

అభిగమ్యాయ కామ్యాయ సవ్యాపారాయ సర్వదా |
భక్తానుకంపినే తుభ్యం దిశ మే జన్మనో గతిమ్ || ౮ ||

ఇతి శ్రీమత్స్యపురాణే బ్రహ్మాదిదేవకృత మహాదేవస్తుతిః |


మరిన్ని శ్రీ శివ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

error: Not allowed