Bhagavat Pratah Smarana Stotram – భగవత్ప్రాతస్స్మరణ స్తోత్రమ్

ప్రాతస్స్మరామి ఫణిరాజతనౌ శయానం
నాగామరాసురనరాదిజగన్నిదానం |
వేదైస్సహాగమగణైరుపగీయమానం
కాం తారకేతనవతాం పరమం విధానమ్ || ౧ ||

ప్రాతర్భజామి భవసాగరవారిపారం
దేవర్షిసిద్ధనివహైర్విహితోపహారం |
సందృప్తదానవకదంబమదాపహారం
సౌందర్యరాశి జలరాశి సుతావిహారమ్ || ౨ ||

ప్రాతర్నమామి శరదంబరకాంతికాంతం
పాదారవిందమకరందజుషాం భవాంతమ్ |
నానావతారహృతభూమిభరం కృతాంతం
పాథోజకంబురథపాదకరం ప్రశాంతమ్ || ౩ ||

శ్లోకత్రయమిదం పుణ్యం బ్రహ్మానందేన కీర్తితం |
యః పఠేత్ప్రాతరుత్థాయ సర్వపాపైః ప్రముచ్యతే || ౪ ||

ఇతి శ్రీమత్పరమహంసస్వామి బ్రహ్మానందవిరచితం శ్రీభగవత్ప్రాతస్స్మరణస్తోత్రమ్ |