Read in తెలుగు / ಕನ್ನಡ / தமிழ் / देवनागरी / English (IAST)
|| విశ్వామిత్రధనుర్వేదాధిగమః ||
తతస్తానాకులాన్దృష్ట్వా విశ్వామిత్రాస్త్రమోహితాన్ |
వసిష్ఠశ్చోదయామాస కామధుక్సృజ యోగతః || ౧ ||
తస్యా హుంభారవాజ్జాతాః కాంభోజా రవిసన్నిభాః |
ఊధసస్త్వథ సంజాతాః పప్లవాః శస్త్రపాణయః || ౨ ||
యోనిదేశాచ్చ యవనాః శకృద్దేశాచ్ఛకాస్తథా |
రోమకూపేషు చ మ్లేచ్ఛా హారీతాః సకిరాతకాః || ౩ ||
తైస్తైర్నిషూదితం సర్వం విశ్వామిత్రస్య తత్ క్షణాత్ |
సపదాతిగజం సాశ్వం సరథం రఘునందన || ౪ ||
దృష్ట్వా నిషూదితం సైన్యం వసిష్ఠేన మహాత్మనా |
విశ్వామిత్రసుతానాం తు శతం నానావిధాయుధమ్ || ౫ ||
అభ్యధావత్సుసంక్రుద్ధం వసిష్ఠం జపతాం వరమ్ |
హుంకారేణైవ తాన్సర్వాన్దదాహ భగవానృషిః || ౬ ||
తే సాశ్వరథపాదాతా వసిష్ఠేన మహాత్మనా |
భస్మీకృతా ముహూర్తేన విశ్వామిత్రసుతాస్తదా || ౭ ||
దృష్ట్వా వినాశితాన్పుత్రాన్బలం చ సుమహాయశాః |
సవ్రీడశ్చింతయావిష్టో విశ్వామిత్రోఽభవత్తదా || ౮ ||
సముద్ర ఇవ నిర్వేగో భగ్నదంష్ట్ర ఇవోరగః |
ఉపరక్త ఇవాదిత్యః సద్యో నిష్ప్రభతాం గతః || ౯ ||
హతపుత్రబలో దీనో లూనపక్ష ఇవ ద్విజః |
హతదర్పో హతోత్సాహో నిర్వేదం సమపద్యత || ౧౦ ||
స పుత్రమేకం రాజ్యాయ పాలయేతి నియుజ్య చ |
పృథివీం క్షత్రధర్మేణ వనమేవాన్వపద్యత || ౧౧ ||
స గత్వా హిమవత్పార్శ్వం కిన్నరోరగసేవితమ్ |
మహాదేవప్రసాదార్థం తపస్తేపే మహాతపాః || ౧౨ ||
కేనచిత్త్వథ కాలేన దేవేశో వృషభధ్వజః |
దర్శయామాస వరదో విశ్వామిత్రం మహాబలమ్ || ౧౩ ||
కిమర్థం తప్యసే రాజన్బ్రూహి యత్తే వివక్షితమ్ |
వరదోఽస్మి వరో యస్తే కాంక్షితః సోఽభిధీయతామ్ || ౧౪ ||
ఏవముక్తస్తు దేవేన విశ్వామిత్రో మహాతపాః |
ప్రణిపత్య మహాదేవమిదం వచనమబ్రవీత్ || ౧౫ ||
యది తుష్టో మహాదేవ ధనుర్వేదో మమానఘ |
సాంగోపాంగోపనిషదః సరహస్యః ప్రదీయతామ్ || ౧౬ ||
యాని దేవేషు చాస్త్రాణి దానవేషు మహర్షిషు |
గంధర్వయక్షరక్షఃసు ప్రతిభాంతు మమానఘ || ౧౭ ||
తవ ప్రసాదాద్భవతు దేవదేవ మమేప్సితమ్ |
ఏవమస్త్వితి దేవేశో వాక్యముక్త్వా గతస్తదా || ౧౮ ||
ప్రాప్య చాస్త్రాణి రాజర్షిర్విశ్వామిత్రో మహాబలః | [దేవేశాత్]
దర్పేణ మహతా యుక్తో దర్పపూర్ణోఽభవత్తదా || ౧౯ ||
వివర్ధమానో వీర్యేణ సముద్ర ఇవ పర్వణి |
హతమేవ తదా మేనే వసిష్ఠమృషిసత్తమమ్ || ౨౦ ||
తతో గత్వాశ్రమపదం ముమోచాస్త్రాణి పార్థివః |
యైస్తత్తపోవనం సర్వం నిర్దగ్ధం చాస్త్రతేజసా || ౨౧ ||
ఉదీర్యమాణమస్త్రం తద్విశ్వామిత్రస్య ధీమతః |
దృష్ట్వా విప్రద్రుతా భీతా మునయః శతశో దిశః || ౨౨ ||
వసిష్ఠస్య చ యే శిష్యాస్తథైవ మృగపక్షిణః |
విద్రవంతి భయాద్భీతా నానాదిగ్భ్యః సహస్రశః || ౨౩ ||
వసిష్ఠస్యాశ్రమపదం శూన్యమాసీన్మహాత్మనః |
ముహూర్తమివ నిఃశబ్దమాసీదీరిణసన్నిభమ్ || ౨౪ ||
వదతో వై వసిష్ఠస్య మా భైరితి ముహుర్ముహుః |
నాశయామ్యద్య గాధేయం నీహారమివ భాస్కరః || ౨౫ ||
ఏవముక్త్వా మహాతేజా వసిష్ఠో జపతాం వరః |
విశ్వామిత్రం తదా వాక్యం సరోషమిదమబ్రవీత్ || ౨౬ ||
ఆశ్రమం చిరసంవృద్ధం యద్వినాశితవానసి |
దురాచారోసి యన్మూఢ తస్మాత్త్వం న భవిష్యసి || ౨౭ ||
ఇత్యుక్త్వా పరమక్రుద్ధో దండముద్యమ్య సత్వరః |
విధూమమివ కాలాగ్నిం యమదండమివాపరమ్ || ౨౮ ||
ఇత్యార్షే శ్రీమద్రామాయణే వాల్మీకీయే ఆదికావ్యే బాలకాండే పంచపంచాశః సర్గః || ౫౫ ||
బాలకాండ షట్పంచాశః సర్గః (౫౬) >>
సంపూర్ణ వాల్మీకి రామాయణే బాలకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
