Read in తెలుగు / ಕನ್ನಡ / தமிழ் / देवनागरी / English (IAST)
అసిత ఉవాచ –
జగద్గురో నమస్తుభ్యం శివాయ శివదాయ చ |
యోగీంద్రాణాం చ యోగీంద్ర గురూణాం గురవే నమః || ౧ ||
మృత్యోర్మృత్యుస్వరూపేణ మృత్యుసంసారఖండన |
మృత్యోరీశ మృత్యుబీజ మృత్యుంజయ నమోఽస్తు తే || ౨ ||
కాలరూపః కలయతాం కాలకాలేశ కారణ |
కాలాదతీత కాలస్థ కాలకాల నమోఽస్తు తే || ౩ ||
గుణాతీత గుణాధార గుణబీజ గుణాత్మక |
గుణీశ గుణినాం బీజ గుణినాం గురవే నమః || ౪ ||
బ్రహ్మస్వరూప బ్రహ్మజ్ఞ బ్రహ్మభావనతత్పరః |
బ్రహ్మబీజస్వరూపేణ బ్రహ్మబీజ నమోఽస్తు తే || ౫ ||
ఇతి స్తుత్వా శివం నత్వా పురస్తస్థౌ మునీశ్వరః |
దీనవత్సాఽశ్రునేత్రశ్చ పులకాంచితవిగ్రహః || ౬ ||
అసితేన కృతం స్తోత్రం భక్తియుక్తశ్చ యః పఠేత్ |
వర్షమేకం హవిష్యాశీ శంకరస్య మహాత్మనః || ౭ ||
స లభేద్వైష్ణవం పుత్రం జ్ఞానినం చిరజీవినమ్ |
భవేద్ధనాఢ్యోఽదుఃఖీ చ మూకో భవతి పండితః || ౮ ||
అభార్యో లభతే భార్యాం సుశీలాం చ పతివ్రతామ్ |
ఇహ లోకే సుఖం భుక్త్వా యాత్యంతే శివసన్నిధిమ్ || ౯ ||
ఇదం స్తోత్రం పురా దత్తం బ్రహ్మణా చ ప్రచేతసే |
ప్రచేతసా స్వపుత్రాయాసితాయ దత్తముత్తమమ్ || ౧౦ ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే అసితకృత శివస్తోత్రమ్ |
మరిన్ని శ్రీ శివ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
అద్భుతమైన శివ స్త్రోత్రం ,