Read in తెలుగు / ಕನ್ನಡ / தமிழ் / देवनागरी / English (IAST)
kalpānte śamitatrivikramamahākaṅkālabaddhasphurat
śeṣasyūtanṛsiṃhapāṇinakhara protādi kolāmiṣaḥ |
viśvaikārṇavatāvihāramuditau yau matsyakūrmāvubhau
karṣandhīvaratāṃ gato’syatu sa no mohaṃ mahābhairavaḥ || 1 ||
nīlaruci vedakaravahni nayanaṃ sat
śūlakakapālaḍamaruṃ ca sahapāśam |
nagnaśunavāhanasakiṅkiṇivibhūṣaṃ
proccagati keśadharasarpavarahāram || 2 ||
paścimābhimukhaṃ raudraṃ kṣetrapālaṃ samarcayet |
bhairavaṃ bhairavīyuktaṃ anyaiśca nijakiṅkaraiḥ || 3 ||
kalpavṛkṣasya mūle tu ratnamaṇṭapamadhyame |
maṇisiṃhāsanāsīnaṃ nānābharaṇabhūṣitam || 4 ||
taruṇādityasaṅkāśaṃ raktamālyāmbarojjvalam |
udyatpiṅgajaṭābaddha cārucandrakalādharam || 5 ||
kamalaṃ svarṇapātraṃ ca varaṃ cābhayameva ca |
śaṅkhaṃ pīyūṣakumbhaṃ ca bibhrāṇaṃ karapaṅkajaiḥ || 6 ||
devyā campakavarṇāṅgyā samāliṅgitavigraham |
svapādapadmabhaktānāṃ varṣantaṃ svarṇadhārayā || 7 ||
karuṇāsāgaraṃ devaṃ svarṇākarṣaṇabhairavam |
siddhavidyādharairnityaṃ stūyamānaṃ samāśraye || 8 ||
svarṇapradaḥ svarṇavarṣī svarṇākarṣaṇabhairavaḥ |
bhaktapriyo bhaktavaśyo bhaktābhīṣṭaphalapradaḥ || 9 ||
siddhidaḥ karuṇāmūrtiḥ praṇatābhīṣṭapūrakaḥ |
nidhisiddhipradaḥ svarṇasiddhido rasasiddhidaḥ || 10 ||
etaiḥ padaiḥ śubhairdivyairyo’rcayet svarṇabhairavam |
svarṇasiddhimavāpnoti bhairavasya prasādataḥ || 11 ||
gāṅgeyapātraṃ ḍamaruṃ triśūlaṃ
pāśaṃ karaiḥ sandadhataṃ triṇetram |
devyā yutaṃ śvānavarāśritaṃ taṃ
svarṇābhidhaṃ bhairavamāśraye’ham || 12 ||
brahmā yasya manormuniḥ nigaditastriṣṭhup ca chandaḥ svayaṃ
svarṇākarṣaṇabhairavo harihara brahmātmako devatā |
āṃ bījaṃ saha śaktirityabhihitastasyaiva sūtrātmanaḥ
stotradhyānapuraḥsaraṃ manuvaraṃ vakṣyāmi sampratyaham || 13 ||
mandāradrumamūlabhāji mahite māṇikyasiṃhāsane
divye ratnamaye sucampakarucā devyā samāliṅgitaḥ |
bhaktebhyo vararatnapātrabharitaṃ svarṇaṃ dadhāno’niśaṃ
svarṇākarṣaṇabhairavo vijayate svargāpavargaikabhūḥ || 14 ||
oṃ aiṃ klāṃ klīṃ klūṃ iti vyāharadbhyo
bhikṣāṃ haimīṃ yaḥ svayaṃ samprayacchan |
kāruṇyābdhiḥ kalpamūlādhivāsaḥ
svarṇākarṣo bhairavo no’stu bhūtyai || 15 ||
oṃ hrāṃ hrīṃ hrūṃ ityanvahaṃ jāpakānāṃ
varṣantaṃ drāk svarṇavṛṣṭiṃ samagrām |
nityaṃ svacchaṃ sūryakoṭiprakāśaṃ
svarṇākarṣaṃ bhairavaṃ bhāvayāmi || 16 ||
marakatamaṇipātre sambhṛtaṃ svarṇapūraṃ
svamanumananakṛdbhyaḥ sādaraṃ sampradātre |
kuru hṛdaya saparyāṃ sevyamānāya nityaṃ
suravarabhujagendrairāpaduddhāraṇāya || 17 ||
namo’jāmalabaddhāya kalpamūlanivāsine |
svarṇākarṣaṇaśīlāya sādhakānāṃ hitātmane || 18 ||
lokeśvarāyāmburuhāsanādyaiḥ
barhirmukhairarcitapādukāya |
dāridryanirmūlanakarmaṭhāya
kāruṇyavārāṃ nidhaye namaste || 19 ||
dīnānāthavipannarakṣaṇaratairājñāpratīkṣākaraiḥ
siddhaiḥ sādhyanṛkinnaroragasuraiḥ nityaṃ parītātmane |
sānandāya samullasadvaramaṇipradyotatejojuṣe
svarṇākarṣaṇabhairavāya satataṃ kurmo namasyāṃ vayam || 20 ||
svarṇākarṣiṇyā svadevyā”śritāya
svairārāvodārasiṃhāsanāya |
kurmo nityaṃ śarmadātre namasyāṃ
maddāridrya dveṣiṇe bhairavāya || 21 ||
svarṇapradānādhvaradīkṣitāya
svatejasākrāntadigantarāya |
saubhāgyasampatsadanāya nityaṃ
śrīṃ hrīṃ mahābhairava te namo’stu || 22 ||
cintāmaṇi svajanakalpitapārijāta-
-mandāra vītamaṇimaṇṭapamadhyagāya |
svarṇapradānaniratāya sadā saparyāṃ
kurmo vayaṃ trikaraṇairvarabhairavāya || 23 ||
mūle kalpataroḥ prabhāmaṇikṛte bhadrāsane saṃsthito
hastāmbhoruha ratnapātrabharitaiḥ kārtasvarairbhāsuraiḥ |
arthīn vidrutadurgatīn viracayannudyaddineśadyutiḥ
svarṇākarṣaṇabhairavo bhavatu me dāridryavidrāvakaḥ || 24 ||
kanakamaṇivirājadbhūṣaṇairbhūṣitāṅgaṃ
sakalamunijanānāṃ svarṇadātāramīśam |
nigama śunakavāhaṃ bhairavaṃ śūlapāṇiṃ
vipulavarajaṭālaṃ santataṃ bhāvaye’ham || 25 ||
svarṇākarṣaṇabhairava mantramayaṃ stotramanvahaṃ japatām |
nidhisiddhirasasvarṇasiddhayaśca jhaḍiti jāyate puṃsām || 26 ||
iti śrīvijayāsārāvalītaḥ śrī svarṇākarṣaṇa bhairava stotram ||
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
