Read in తెలుగు / ಕನ್ನಡ / தமிழ் / देवनागरी / English (IAST)
brahmā yasya ṛṣiḥ svayaṃ nigaditaśchando mataṃ traiṣṭubhaṃ
svarṇākarṣaṇabhairavo hariharabrahmātmako devatā |
hrīṃ bījaṃ bhṛguśaktirityabhihitaṃ tasyaiva sūtrātmanaḥ
stotraṃ dhyāna puraḥsaraṃ manumayaṃ brūmo vayaṃ pratyaham || 1 ||
mandāradrumamūlapūjitamahāmāṇikyasiṃhāsane
saṃviṣṭo darabhinna campakarucā devyā samāliṅgitaḥ |
bhaktebhyo vararatna pātra bharitaṃ svarṇaṃ dadāno’niśaṃ
svarṇākarṣaṇabhairavo vijayate svargāpavargapradaḥ || 2 ||
oṃ aiṃ klāṃ klīṃ klūmiti vyāharan
yo bhaktaḥ svarṇākarṣaṇam |
kāruṇyābdhiḥ kalpamūlādhivāsaḥ
svarṇākarṣo bhairavo me’stu bhūtyai || 3 ||
hrāṃ hrīṃ hūṃ saḥ santataṃ jāpakānāṃ
varṣantaṃ taṃ svarṇavṛṣṭiṃ samagrām |
antaḥ svāntaṃ sūryakoṭiprakāśaṃ
svarṇākarṣaṃ bhairavaṃ bhāvayāmi || 4 ||
marakatamaṇipātre sambhṛtaṃ svarṇapūrṇaṃ
kṛpaṇatarajanebhyastārataḥ sampradātuḥ |
kuru hṛdaya saparyāṃ sevamānāya nityaṃ
suravaramanujendrasyāpaduddhāraṇāya || 5 ||
namo’jāmalabaddhāya brahmasūtrādhivāsase |
svarṇākarṣaṇaśīlāya sādhakānāṃ kṛtātmane || 6 ||
lokeśvarādyarcitapādukāya
dāridryanirmūlanakāraṇāya |
svarṇādi dānakaraṇodyata bhairavāya
kāruṇyavārānnidhaye namaste || 7 ||
dīnānātha vipannarakṣaṇaparai rājyapratīkṣāparaiḥ
siddhaiḥ sādhyagaṇaiḥ surāsuragaṇairbhuktiprayuktātmabhiḥ |
mūle kalpatarormahāmaṇimaye mārtaṇḍatejojuṣe
svarṇākarṣaṇabhairavāya satataṃ kurmo namasyāṃ vayam || 8 ||
svarṇākarṣisvarṇadevyāśritāya
svarṇārūḍhodārasiṃhāsanāya |
kurmo nityaṃ svarṇadātre namasyāṃ
dāridryadveṣi śrīmate bhairavāya || 9 ||
svarṇapradānādhvaradīkṣitāya
svatejasākrāntajagattrayāya |
audāryasampatsadanāya nityaṃ
oṃ śrīmahābhairava te namo’stu || 10 ||
cintāmaṇisthitamahānidhikāmadhenu-
-mandāramūlamaṇimaṇḍapamadhyagāya |
svarṇapradānaniratāya sadā saparyāṃ
kurmo vayaṃ trikaraṇaiḥ parabhairavāya || 11 ||
mūle kalpataroḥ prabhāparimale bhadrāsane saṃsthito
hastāmbhoruharatnapātrabharitaiḥ kārtasvarairbhāsvaraiḥ |
nirmūlīkṛtadurgato viracayan vidyuddineśadyutiḥ
svarṇākarṣaṇabhairavo bhavatu no dāridryavidveṣaṇaḥ || 12 ||
dugdhādyārādhya svarṇākṛti kanakamaye dvīpavarye sudhābdhau
kāpitthe tatra ramye maṇimayavilasadbhittipāścātyabhāge |
yadvattaṃ sarvavāñchādhikavasunicayaṃ mantriṇāṃ saṃsarantaṃ
dhyāyecchrībhairavaṃ taṃ sakalasuvasudaṃ duḥkhadāridrya śatrum || 13 ||
suvarṇamaṇḍape dhyāyet suvarṇarucibhiryutam |
mahātmānaṃ sukhāsīnaṃ prasannavaradāyakam || 14 ||
sarvaratnavibhūṣāḍhyaṃ surāsuranamaskṛtam |
maṇihārakasampūrtiṃ dadataṃ svakaraiḥ sadā || 15 ||
suvarṇavṛṣṭirūpaiśca dhanasārairnirantaram |
dāridryanāmasaṃhāraṃ kuṇḍalollāsasamyutam || 16 ||
evaṃ dhyātvā mahātmānaṃ mahādāridryanāśanam |
staumi mandāramūlasthaṃ brahmasūtrādhivāsanam || 17 ||
svarṇasiddhiṃ karaireva dadānaṃ svarṇabhairavam |
ṛṇaṃ na jāyate tasya dhanaṃ śīghramavāpnuyāt || 18 ||
svarṇādimadhyamaṇimaṇḍapa kalpavṛkṣe
pītāruṇāmbujaniviṣṭasuvarṇavarṇam |
māṇikyapātramabhayaṃ dadhataṃ ca dorbhyāṃ
svarṇādikarṣaṇavinodanidhiṃ namāmi || 19 ||
suvarṇakarṣakaṃ nityaṃ ṛṇahartāramīśvaram |
bhajato na ṛṇaṃ tasya dhanaṃ śīghraṃ prajāyate || 20 ||
pītavarṇaṃ caturbāhuṃ trinetraṃ pītavāsasam |
akṣadvayaṃ svarṇamayaṃ taḍitpūritapātrakam || 21 ||
atitīkṣṇamahāśūlaṃ tomaraṃ cāmaradvayam |
satataṃ cintayedyastu bhairavaṃ svarṇasiddhidam || 22 ||
svarṇākarṣaṇabhairavamantrāḍhyaṃ stotramuttamam |
paṭhatāṃ nidhisiddhiśca svarṇasiddhiśca jāyate || 23 ||
anena stavarājena nityaṃ brahmaharīśvarāḥ |
svarṇākarṣaṇanāmāni stuvanti jagadīśvarāḥ || 24 ||
phalaśrutiḥ –
yaḥ paṭhet paramaṃ stotramidaṃ nityaṃ narottamaḥ |
sa martyo mandabhāgyo’pi bhairavasya prasādataḥ || 25 ||
icchato’pyadhikāṃ lakṣmīṃ labhate nātra saṃśayaḥ |
rasasiddhirbhavecchīghraṃ nidhīnāmadhipo bhavet || 26 ||
sarvān kāmānavāpnoti daivatairapi durlabham |
etajjapairmahālakṣmīścañcalāpyacalā bhavet || 27 ||
ratnānyaśvān gajān bhūtīrlabhate śīghrameva hi |
svarṇarāśimavāpnoti cākṣayāṃ nātra saṃśayaḥ || 28 ||
dhenuṃ cintāmaṇiṃ kalpadrumaṃ śīghramavāpnuyāt |
nityamaṣṭottaraśataṃ yo japet stotramuttamam || 29 ||
maṇḍalārdhācca prāgeva svarṇarāśimanuttamam |
satataṃ dhyāyate tasmai darśayatyeva niścayaḥ || 30 ||
nityaṃ ca tripurābhaktaiḥ svarṇākarṣaṇabhairavaḥ |
yatnena sarvadopāsyaḥ sarvakāmapradāyakaḥ || 31 ||
iti śrīrudrayāmale śrītripurāsiddhānte dakṣiṇāmūrti proktaṃ śrī svarṇākarṣaṇa bhairava stotram ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
