Read in తెలుగు / ಕನ್ನಡ / தமிழ் / देवनागरी / English (IAST)
బ్రహ్మా యస్య ఋషిః స్వయం నిగదితశ్ఛందో మతం త్రైష్టుభం
స్వర్ణాకర్షణభైరవో హరిహరబ్రహ్మాత్మకో దేవతా |
హ్రీం బీజం భృగుశక్తిరిత్యభిహితం తస్యైవ సూత్రాత్మనః
స్తోత్రం ధ్యాన పురఃసరం మనుమయం బ్రూమో వయం ప్రత్యహమ్ || ౧ ||
మందారద్రుమమూలపూజితమహామాణిక్యసింహాసనే
సంవిష్టో దరభిన్న చంపకరుచా దేవ్యా సమాలింగితః |
భక్తేభ్యో వరరత్న పాత్ర భరితం స్వర్ణం దదానోఽనిశం
స్వర్ణాకర్షణభైరవో విజయతే స్వర్గాపవర్గప్రదః || ౨ ||
ఓం ఐం క్లాం క్లీం క్లూమితి వ్యాహరన్
యో భక్తః స్వర్ణాకర్షణమ్ |
కారుణ్యాబ్ధిః కల్పమూలాధివాసః
స్వర్ణాకర్షో భైరవో మేఽస్తు భూత్యై || ౩ ||
హ్రాం హ్రీం హూం సః సంతతం జాపకానాం
వర్షంతం తం స్వర్ణవృష్టిం సమగ్రామ్ |
అంతః స్వాంతం సూర్యకోటిప్రకాశం
స్వర్ణాకర్షం భైరవం భావయామి || ౪ ||
మరకతమణిపాత్రే సంభృతం స్వర్ణపూర్ణం
కృపణతరజనేభ్యస్తారతః సంప్రదాతుః |
కురు హృదయ సపర్యాం సేవమానాయ నిత్యం
సురవరమనుజేంద్రస్యాపదుద్ధారణాయ || ౫ ||
నమోఽజామలబద్ధాయ బ్రహ్మసూత్రాధివాససే |
స్వర్ణాకర్షణశీలాయ సాధకానాం కృతాత్మనే || ౬ ||
లోకేశ్వరాద్యర్చితపాదుకాయ
దారిద్ర్యనిర్మూలనకారణాయ |
స్వర్ణాది దానకరణోద్యత భైరవాయ
కారుణ్యవారాన్నిధయే నమస్తే || ౭ ||
దీనానాథ విపన్నరక్షణపరై రాజ్యప్రతీక్షాపరైః
సిద్ధైః సాధ్యగణైః సురాసురగణైర్భుక్తిప్రయుక్తాత్మభిః |
మూలే కల్పతరోర్మహామణిమయే మార్తండతేజోజుషే
స్వర్ణాకర్షణభైరవాయ సతతం కుర్మో నమస్యాం వయమ్ || ౮ ||
స్వర్ణాకర్షిస్వర్ణదేవ్యాశ్రితాయ
స్వర్ణారూఢోదారసింహాసనాయ |
కుర్మో నిత్యం స్వర్ణదాత్రే నమస్యాం
దారిద్ర్యద్వేషి శ్రీమతే భైరవాయ || ౯ ||
స్వర్ణప్రదానాధ్వరదీక్షితాయ
స్వతేజసాక్రాంతజగత్త్రయాయ |
ఔదార్యసంపత్సదనాయ నిత్యం
ఓం శ్రీమహాభైరవ తే నమోఽస్తు || ౧౦ ||
చింతామణిస్థితమహానిధికామధేను-
-మందారమూలమణిమండపమధ్యగాయ |
స్వర్ణప్రదాననిరతాయ సదా సపర్యాం
కుర్మో వయం త్రికరణైః పరభైరవాయ || ౧౧ ||
మూలే కల్పతరోః ప్రభాపరిమలే భద్రాసనే సంస్థితో
హస్తాంభోరుహరత్నపాత్రభరితైః కార్తస్వరైర్భాస్వరైః |
నిర్మూలీకృతదుర్గతో విరచయన్ విద్యుద్దినేశద్యుతిః
స్వర్ణాకర్షణభైరవో భవతు నో దారిద్ర్యవిద్వేషణః || ౧౨ ||
దుగ్ధాద్యారాధ్య స్వర్ణాకృతి కనకమయే ద్వీపవర్యే సుధాబ్ధౌ
కాపిత్థే తత్ర రమ్యే మణిమయవిలసద్భిత్తిపాశ్చాత్యభాగే |
యద్వత్తం సర్వవాంఛాధికవసునిచయం మంత్రిణాం సంసరంతం
ధ్యాయేచ్ఛ్రీభైరవం తం సకలసువసుదం దుఃఖదారిద్ర్య శత్రుమ్ || ౧౩ ||
సువర్ణమండపే ధ్యాయేత్ సువర్ణరుచిభిర్యుతమ్ |
మహాత్మానం సుఖాసీనం ప్రసన్నవరదాయకమ్ || ౧౪ ||
సర్వరత్నవిభూషాఢ్యం సురాసురనమస్కృతమ్ |
మణిహారకసంపూర్తిం దదతం స్వకరైః సదా || ౧౫ ||
సువర్ణవృష్టిరూపైశ్చ ధనసారైర్నిరంతరమ్ |
దారిద్ర్యనామసంహారం కుండలోల్లాససంయుతమ్ || ౧౬ ||
ఏవం ధ్యాత్వా మహాత్మానం మహాదారిద్ర్యనాశనమ్ |
స్తౌమి మందారమూలస్థం బ్రహ్మసూత్రాధివాసనమ్ || ౧౭ ||
స్వర్ణసిద్ధిం కరైరేవ దదానం స్వర్ణభైరవమ్ |
ఋణం న జాయతే తస్య ధనం శీఘ్రమవాప్నుయాత్ || ౧౮ ||
స్వర్ణాదిమధ్యమణిమండప కల్పవృక్షే
పీతారుణాంబుజనివిష్టసువర్ణవర్ణమ్ |
మాణిక్యపాత్రమభయం దధతం చ దోర్భ్యాం
స్వర్ణాదికర్షణవినోదనిధిం నమామి || ౧౯ ||
సువర్ణకర్షకం నిత్యం ఋణహర్తారమీశ్వరమ్ |
భజతో న ఋణం తస్య ధనం శీఘ్రం ప్రజాయతే || ౨౦ ||
పీతవర్ణం చతుర్బాహుం త్రినేత్రం పీతవాససమ్ |
అక్షద్వయం స్వర్ణమయం తడిత్పూరితపాత్రకమ్ || ౨౧ ||
అతితీక్ష్ణమహాశూలం తోమరం చామరద్వయమ్ |
సతతం చింతయేద్యస్తు భైరవం స్వర్ణసిద్ధిదమ్ || ౨౨ ||
స్వర్ణాకర్షణభైరవమంత్రాఢ్యం స్తోత్రముత్తమమ్ |
పఠతాం నిధిసిద్ధిశ్చ స్వర్ణసిద్ధిశ్చ జాయతే || ౨౩ ||
అనేన స్తవరాజేన నిత్యం బ్రహ్మహరీశ్వరాః |
స్వర్ణాకర్షణనామాని స్తువంతి జగదీశ్వరాః || ౨౪ ||
ఫలశ్రుతిః –
యః పఠేత్ పరమం స్తోత్రమిదం నిత్యం నరోత్తమః |
స మర్త్యో మందభాగ్యోఽపి భైరవస్య ప్రసాదతః || ౨౫ ||
ఇచ్ఛతోఽప్యధికాం లక్ష్మీం లభతే నాత్ర సంశయః |
రససిద్ధిర్భవేచ్ఛీఘ్రం నిధీనామధిపో భవేత్ || ౨౬ ||
సర్వాన్ కామానవాప్నోతి దైవతైరపి దుర్లభమ్ |
ఏతజ్జపైర్మహాలక్ష్మీశ్చంచలాప్యచలా భవేత్ || ౨౭ ||
రత్నాన్యశ్వాన్ గజాన్ భూతీర్లభతే శీఘ్రమేవ హి |
స్వర్ణరాశిమవాప్నోతి చాక్షయాం నాత్ర సంశయః || ౨౮ ||
ధేనుం చింతామణిం కల్పద్రుమం శీఘ్రమవాప్నుయాత్ |
నిత్యమష్టోత్తరశతం యో జపేత్ స్తోత్రముత్తమమ్ || ౨౯ ||
మండలార్ధాచ్చ ప్రాగేవ స్వర్ణరాశిమనుత్తమమ్ |
సతతం ధ్యాయతే తస్మై దర్శయత్యేవ నిశ్చయః || ౩౦ ||
నిత్యం చ త్రిపురాభక్తైః స్వర్ణాకర్షణభైరవః |
యత్నేన సర్వదోపాస్యః సర్వకామప్రదాయకః || ౩౧ ||
ఇతి శ్రీరుద్రయామలే శ్రీత్రిపురాసిద్ధాంతే దక్షిణామూర్తి ప్రోక్తం శ్రీ స్వర్ణాకర్షణ భైరవ స్తోత్రమ్ ||
మరిన్ని శ్రీ భైరవ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
