Sri Swarna Akarshana Bhairava Stotram 2 – ஶ்ரீ ஸ்வர்ணாகர்ஷண பை⁴ரவ ஸ்தோத்ரம் – 2

கல்பாந்தே ஶமிதத்ரிவிக்ரமமஹாகங்காலப³த்³த⁴ஸ்பு²ரத்
ஶேஷஸ்யூதந்ருஸிம்ஹபாணிநக²ர ப்ரோதாதி³ கோலாமிஷ꞉ ।
விஶ்வைகார்ணவதாவிஹாரமுதி³தௌ யௌ மத்ஸ்யகூர்மாவுபௌ⁴
கர்ஷந்தீ⁴வரதாம் க³தோ(அ)ஸ்யது ஸ நோ மோஹம் மஹாபை⁴ரவ꞉ ॥ 1 ॥

நீலருசி வேத³கரவஹ்நி நயநம் ஸத்
ஶூலககபாலட³மரும் ச ஸஹபாஶம் ।
நக்³நஶுநவாஹநஸகிங்கிணிவிபூ⁴ஷம்
ப்ரோச்சக³தி கேஶத⁴ரஸர்பவரஹாரம் ॥ 2 ॥

பஶ்சிமாபி⁴முக²ம் ரௌத்³ரம் க்ஷேத்ரபாலம் ஸமர்சயேத் ।
பை⁴ரவம் பை⁴ரவீயுக்தம் அந்யைஶ்ச நிஜகிங்கரை꞉ ॥ 3 ॥

கல்பவ்ருக்ஷஸ்ய மூலே து ரத்நமண்டபமத்⁴யமே ।
மணிஸிம்ஹாஸநாஸீநம் நாநாப⁴ரணபூ⁴ஷிதம் ॥ 4 ॥

தருணாதி³த்யஸங்காஶம் ரக்தமால்யாம்ப³ரோஜ்ஜ்வலம் ।
உத்³யத்பிங்க³ஜடாப³த்³த⁴ சாருசந்த்³ரகலாத⁴ரம் ॥ 5 ॥

கமலம் ஸ்வர்ணபாத்ரம் ச வரம் சாப⁴யமேவ ச ।
ஶங்க²ம் பீயூஷகும்ப⁴ம் ச பி³ப்⁴ராணம் கரபங்கஜை꞉ ॥ 6 ॥

தே³வ்யா சம்பகவர்ணாங்க்³யா ஸமாலிங்கி³தவிக்³ரஹம் ।
ஸ்வபாத³பத்³மப⁴க்தாநாம் வர்ஷந்தம் ஸ்வர்ணதா⁴ரயா ॥ 7 ॥

கருணாஸாக³ரம் தே³வம் ஸ்வர்ணாகர்ஷணபை⁴ரவம் ।
ஸித்³த⁴வித்³யாத⁴ரைர்நித்யம் ஸ்தூயமாநம் ஸமாஶ்ரயே ॥ 8 ॥

ஸ்வர்ணப்ரத³꞉ ஸ்வர்ணவர்ஷீ ஸ்வர்ணாகர்ஷணபை⁴ரவ꞉ ।
ப⁴க்தப்ரியோ ப⁴க்தவஶ்யோ ப⁴க்தாபீ⁴ஷ்டப²லப்ரத³꞉ ॥ 9 ॥

ஸித்³தி⁴த³꞉ கருணாமூர்தி꞉ ப்ரணதாபீ⁴ஷ்டபூரக꞉ ।
நிதி⁴ஸித்³தி⁴ப்ரத³꞉ ஸ்வர்ணஸித்³தி⁴தோ³ ரஸஸித்³தி⁴த³꞉ ॥ 10 ॥

ஏதை꞉ பதை³꞉ ஶுபை⁴ர்தி³வ்யைர்யோ(அ)ர்சயேத் ஸ்வர்ணபை⁴ரவம் ।
ஸ்வர்ணஸித்³தி⁴மவாப்நோதி பை⁴ரவஸ்ய ப்ரஸாத³த꞉ ॥ 11 ॥

கா³ங்கே³யபாத்ரம் ட³மரும் த்ரிஶூலம்
பாஶம் கரை꞉ ஸந்த³த⁴தம் த்ரிணேத்ரம் ।
தே³வ்யா யுதம் ஶ்வாநவராஶ்ரிதம் தம்
ஸ்வர்ணாபி⁴த⁴ம் பை⁴ரவமாஶ்ரயே(அ)ஹம் ॥ 12 ॥

ப்³ரஹ்மா யஸ்ய மநோர்முநி꞉ நிக³தி³தஸ்த்ரிஷ்டு²ப் ச ச²ந்த³꞉ ஸ்வயம்
ஸ்வர்ணாகர்ஷணபை⁴ரவோ ஹரிஹர ப்³ரஹ்மாத்மகோ தே³வதா ।
ஆம் பீ³ஜம் ஸஹ ஶக்திரித்யபி⁴ஹிதஸ்தஸ்யைவ ஸூத்ராத்மந꞉
ஸ்தோத்ரத்⁴யாநபுர꞉ஸரம் மநுவரம் வக்ஷ்யாமி ஸம்ப்ரத்யஹம் ॥ 13 ॥

மந்தா³ரத்³ருமமூலபா⁴ஜி மஹிதே மாணிக்யஸிம்ஹாஸநே
தி³வ்யே ரத்நமயே ஸுசம்பகருசா தே³வ்யா ஸமாலிங்கி³த꞉ ।
ப⁴க்தேப்⁴யோ வரரத்நபாத்ரப⁴ரிதம் ஸ்வர்ணம் த³தா⁴நோ(அ)நிஶம்
ஸ்வர்ணாகர்ஷணபை⁴ரவோ விஜயதே ஸ்வர்கா³பவர்கை³கபூ⁴꞉ ॥ 14 ॥

ஓம் ஐம் க்லாம் க்லீம் க்லூம் இதி வ்யாஹரத்³ப்⁴யோ
பி⁴க்ஷாம் ஹைமீம் ய꞉ ஸ்வயம் ஸம்ப்ரயச்ச²ந் ।
காருண்யாப்³தி⁴꞉ கல்பமூலாதி⁴வாஸ꞉
ஸ்வர்ணாகர்ஷோ பை⁴ரவோ நோ(அ)ஸ்து பூ⁴த்யை ॥ 15 ॥

ஓம் ஹ்ராம் ஹ்ரீம் ஹ்ரூம் இத்யந்வஹம் ஜாபகாநாம்
வர்ஷந்தம் த்³ராக் ஸ்வர்ணவ்ருஷ்டிம் ஸமக்³ராம் ।
நித்யம் ஸ்வச்ச²ம் ஸூர்யகோடிப்ரகாஶம்
ஸ்வர்ணாகர்ஷம் பை⁴ரவம் பா⁴வயாமி ॥ 16 ॥

மரகதமணிபாத்ரே ஸம்ப்⁴ருதம் ஸ்வர்ணபூரம்
ஸ்வமநுமநநக்ருத்³ப்⁴ய꞉ ஸாத³ரம் ஸம்ப்ரதா³த்ரே ।
குரு ஹ்ருத³ய ஸபர்யாம் ஸேவ்யமாநாய நித்யம்
ஸுரவரபு⁴ஜகே³ந்த்³ரைராபது³த்³தா⁴ரணாய ॥ 17 ॥

நமோ(அ)ஜாமலப³த்³தா⁴ய கல்பமூலநிவாஸிநே ।
ஸ்வர்ணாகர்ஷணஶீலாய ஸாத⁴காநாம் ஹிதாத்மநே ॥ 18 ॥

லோகேஶ்வராயாம்பு³ருஹாஸநாத்³யை꞉
ப³ர்ஹிர்முகை²ரர்சிதபாது³காய ।
தா³ரித்³ர்யநிர்மூலநகர்மடா²ய
காருண்யவாராம் நித⁴யே நமஸ்தே ॥ 19 ॥

தீ³நாநாத²விபந்நரக்ஷணரதைராஜ்ஞாப்ரதீக்ஷாகரை꞉
ஸித்³தை⁴꞉ ஸாத்⁴யந்ருகிந்நரோரக³ஸுரை꞉ நித்யம் பரீதாத்மநே ।
ஸாநந்தா³ய ஸமுல்லஸத்³வரமணிப்ரத்³யோததேஜோஜுஷே
ஸ்வர்ணாகர்ஷணபை⁴ரவாய ஸததம் குர்மோ நமஸ்யாம் வயம் ॥ 20 ॥

ஸ்வர்ணாகர்ஷிண்யா ஸ்வதே³வ்யா(ஆ)ஶ்ரிதாய
ஸ்வைராராவோதா³ரஸிம்ஹாஸநாய ।
குர்மோ நித்யம் ஶர்மதா³த்ரே நமஸ்யாம்
மத்³தா³ரித்³ர்ய த்³வேஷிணே பை⁴ரவாய ॥ 21 ॥

ஸ்வர்ணப்ரதா³நாத்⁴வரதீ³க்ஷிதாய
ஸ்வதேஜஸாக்ராந்ததி³க³ந்தராய ।
ஸௌபா⁴க்³யஸம்பத்ஸத³நாய நித்யம்
ஶ்ரீம் ஹ்ரீம் மஹாபை⁴ரவ தே நமோ(அ)ஸ்து ॥ 22 ॥

சிந்தாமணி ஸ்வஜநகல்பிதபாரிஜாத-
-மந்தா³ர வீதமணிமண்டபமத்⁴யகா³ய ।
ஸ்வர்ணப்ரதா³நநிரதாய ஸதா³ ஸபர்யாம்
குர்மோ வயம் த்ரிகரணைர்வரபை⁴ரவாய ॥ 23 ॥

மூலே கல்பதரோ꞉ ப்ரபா⁴மணிக்ருதே ப⁴த்³ராஸநே ஸம்ஸ்தி²தோ
ஹஸ்தாம்போ⁴ருஹ ரத்நபாத்ரப⁴ரிதை꞉ கார்தஸ்வரைர்பா⁴ஸுரை꞉ ।
அர்தீ²ந் வித்³ருதது³ர்க³தீந் விரசயந்நுத்³யத்³தி³நேஶத்³யுதி꞉
ஸ்வர்ணாகர்ஷணபை⁴ரவோ ப⁴வது மே தா³ரித்³ர்யவித்³ராவக꞉ ॥ 24 ॥

கநகமணிவிராஜத்³பூ⁴ஷணைர்பூ⁴ஷிதாங்க³ம்
ஸகலமுநிஜநாநாம் ஸ்வர்ணதா³தாரமீஶம் ।
நிக³ம ஶுநகவாஹம் பை⁴ரவம் ஶூலபாணிம்
விபுலவரஜடாலம் ஸந்ததம் பா⁴வயே(அ)ஹம் ॥ 25 ॥

ஸ்வர்ணாகர்ஷணபை⁴ரவ மந்த்ரமயம் ஸ்தோத்ரமந்வஹம் ஜபதாம் ।
நிதி⁴ஸித்³தி⁴ரஸஸ்வர்ணஸித்³த⁴யஶ்ச ஜ²டி³தி ஜாயதே பும்ஸாம் ॥ 26 ॥

இதி ஶ்ரீவிஜயாஸாராவளீத꞉ ஶ்ரீ ஸ்வர்ணாகர்ஷண பை⁴ரவ ஸ்தோத்ரம் ॥

---