Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ సరస్వతీ స్తోత్రనిధి” పారాయణ గ్రంథములో కూడా ఉన్నది. Click here to buy.)
అయి దేవి సరస్వతి త్వదీయాః
స్తుతిధారాః పరిలేఢుముద్యతాం నః |
స్వయమేవ తవ స్తవం దుహానాం
రసనాం మాతరిమాం సనాథయేథాః || ౧ ||
అరుణాధరబింబమంబుజాక్షం
కరుణావర్షి కటాక్షకేలిలక్షమ్ |
వదనం తవ హంత భారతి త్వ-
-త్పథముల్లంఘ్య విశృంఖలం చకాస్తి || ౨ ||
అకలంకశరచ్ఛశాంకలక్షా-
-ప్యసదృక్షా తవ వాణి వక్త్రభంగ్యాః |
అధరః పునరంబ పక్వబింబీ-
-పటలీపాటలిమాపవాదవీరః || ౩ ||
నవపల్లవదర్పవిభ్రమాన్ వా
శరదంభోజవనచ్ఛవిచ్ఛటాం వా |
పరిజేతుమలం భవత్పదశ్రీ-
-రితి వాదోఽప్యసదృక్షదిక్షు గణ్యః || ౪ ||
తవ దేవి న కేవలం ముఖేందు-
-ర్వికళంకేషు విశేషలేఖనీయః |
అపి తు స్ఫుటమంఘ్రిపంకజాగ్రే
విహరంతః సుకృతో నఖేందవోఽపి || ౫ ||
అణిమా తవ హంత మధ్యభాగే
మహిమానం నిరుణద్ధి నిర్వివాదమ్ |
పరిపాటలిమా చ పాణిపాదా-
-ధరబింబే తనుకాంతిపాండిమానమ్ || ౬ ||
అపి మౌళిపదే పదం భవత్యాః
శశినా హంత జడేన శాంతమేనః |
అత ఏవ భవత్పదాబ్జసేవా-
-విరహీ నిత్యనిరూఢమౌగ్ధ్యకార్శ్యః || ౭ ||
అవిశంకితదోషగంధవార్తాం
విశదాశేషగుణాం విచిత్రభూషామ్ |
రసపోషవిశేషితాం విధాతా
నయనైస్త్వాం శ్రవణైర్వయం భజామః || ౮ ||
జననీం రజనీకరావతంసాం
జగతాం జంగమపారిజాతవల్లీమ్ |
కరుణాపరిణాహినేత్రయాత్రాం
కతిచిత్ త్వాం హృదయే వహంతి ధన్యాః || ౯ ||
పరిమండలకాంతిభారనమ్రాం
త్రిజగన్మంగళదీర్ఘదీపలేశామ్ | (దీపలేఖామ్)
సుకృతాం రసనాంచలే జ్వలంతీం
భవతీం చేతసి భావయంతి ధన్యాః || ౧౦ ||
భవతీమవతీర్య చిత్తవీథ్యాం
విహరంతీం వివిధైర్విభూతిభారైః |
భువనాద్భుతవిభ్రమాభిరామాం
పులకైః కైరపి పూజయంతి ధన్యాః || ౧౧ ||
పతతా హృది హర్షబాష్పమూర్త్యా
పయసా త్వామభిషిచ్య కోఽపి హృద్యామ్ |
పుళకాంకురభూషితాం విధత్తే
స్ఫుటమాత్మీయతనూమివార్ద్రచేతాః || ౧౨ ||
మధురస్మితధౌతవిశ్వవిద్యా-
-విభవోద్గారిముఖేందుసంపదం త్వామ్ |
పరిభావయతాం పరం మునీనాం
నిఖిలాచార్యపదాని నిర్వహంతే || ౧౩ ||
కమలేతి భుజాంతరే మురారే-
-ర్గిరికన్యేతి శివస్య వామపార్శ్వే |
పరిరాజసి భారతీతి ధాతు-
-ర్వదనాంభోజచతుష్పథే త్వమేకా || ౧౪ ||
చతురేషు చతుర్షు వక్త్రచంద్రే-
-ష్వధివాసం భవతీ విధేర్విధత్తామ్ |
వదనే పునరంబ మాదృశానాం
కిమిదం నృత్యసి నన్వియం కృపా తే || ౧౫ ||
భవతీం భవతీవ్రవేదనార్తాః
పరమానందపయోధివీచిమాలామ్ |
వచసామధిదేవతే వయం తే
మనసా మంక్షు విగాహ్య ధన్యధన్యాః || ౧౬ ||
జగతామధిపత్ని నిఃసపత్నం
త్వయి చిత్తం మమ మగ్నమస్తు మాతః |
పదయోర్ద్వయమద్వయం పదం వా
తవ జానన్నపి నామ ధన్యధన్యాః || ౧౭ ||
నిఖిలాగమనిర్వివాదగీతం
సహజానందతరంగదంతురం తే |
మనసః కుహరే వయం పదం తే
గగనోల్లంఘి కథం కథం వహామః || ౧౮ ||
స్వరసప్రతిభాసురం పదం యత్
సుఖసామ్రాజ్యమనర్గళప్రసారమ్ |
అఖిలాద్భుతముజ్ఝితోపమానం
తదహో నన్వసి ధీరధీవిలేహ్యమ్ || ౧౯ ||
అతిలంఘితకాలభేదవాదం
గలితాశేషదిశావిభాగగంధమ్ |
నిరవగ్రహనిశ్చయప్రకాశ-
-స్ఫుటమాధుర్యమసి త్వమంబ తత్త్వమ్ || ౨౦ ||
సకలవ్యవహారదూరదూరం
సరసం కించిదకించనోపభోగ్యమ్ |
హృదయం మదయన్మదీయముచ్చై-
-ర్హృషితం హృద్యమిదం పదం నను త్వమ్ || ౨౧ ||
నిజయైవ కయాపి హంత కాంత్యా
దలితధ్వాంతపరంపరోపరాగమ్ |
మధురిమ్ణి పరం మహిమ్ని చోచ్చై-
-ర్విశదం ధామ విశృంఖలం ఖలు త్వమ్ || ౨౨ ||
అపవర్గపదాస్పదం పదం య-
-ద్యపవర్గః పశుపాశబంధనానామ్ |
అపతత్ తవ రూపమద్వితీయ-
-క్షమమాలక్షయతాం సతాం కిల త్వమ్ || ౨౩ ||
సహజా తవ కాపి రూపసంప-
-ద్వచసాం వర్త్మని నైవ నైవ నైవ |
అపరా పునరాత్తచిత్రవేషా
భువనం పుష్యతి భూమికావిభూతిః || ౨౪ ||
అథవా కథయేమ తం భవత్యా
మహిమానం మహతోఽపి భో మహత్యాః |
అపి వాఙ్మనసాధ్వని ధ్వనంతీం
కథయేత్ కః ఖలు చింతయేచ్చ తాం త్వామ్ || ౨౫ ||
న తదస్తి వినాపి యత్ త్వయా స్యా-
-చ్చిదచిద్భ్యాం ప్రవిభాగభాంజి విశ్వే |
తదహో మహిమాద్భుతం తవేదం
పరమస్మాత్ పునరంబ యాసి సాసీః || ౨౬ ||
తదలం పదలంఘిని త్వదీయే
ముఖరీభూయ ముహుర్విభూతిపూరే |
అపి వా వినయోక్తిభిః కృతం తే
శిశుసంలాపవశో హి మాతృవర్గః || ౨౭ ||
జయ దేవి గుణత్రయైకవేషే
జయ హే దేవి గుణత్రయైకభూషే |
జయ దేవి తమఃప్రవేశదూరే
జయ హే దేవి నిజప్రకాశధారే || ౨౮ ||
ఇతి తే స్తుతిమౌక్తికాద్భుతశ్రీః
స్వయమగ్రంథత హంత సన్నిధానాత్ |
తదియం తవ దేవి కంఠభూషా-
-పదవీం ప్రాప్య కృతార్థతాం ప్రయాతు || ౨౯ ||
శ్రీకృష్ణలీలాశుకవాక్సుభిక్షం
నక్షత్రమాలేయమభూతపూర్వా |
కృష్ణస్య దేవస్య గిరశ్చ దేవ్యాః
కలాంచలే వర్షతు హర్షధారాః || ౩౦ ||
ఇతి కృష్ణకేలిశుకవాఙ్మయీమిమాం
మతిమాన్ జనః పరిచినోతు జిహ్వయా |
ఉరుచేతసా శ్రవణమండలేన వా
త్రితయేన వా త్రిభువనాద్భుతాం సుధామ్ || ౩౧ ||
ఇతి శ్రీలీలాశుకముని విరచితా శ్రీ సరస్వతీ నక్షత్రమాలా స్తవః ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ సరస్వతీ స్తోత్రనిధి
(నిత్య పారాయణ గ్రంథము)
మరిన్ని శ్రీ సరస్వతీ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
