Sri Saraswati Nakshatra Mala Stava – ஶ்ரீ ஸரஸ்வதீ நக்ஷத்ரமாலா ஸ்தவ꞉

அயி தே³வி ஸரஸ்வதி த்வதீ³யா꞉
ஸ்துதிதா⁴ரா꞉ பரிலேடு⁴முத்³யதாம் ந꞉ ।
ஸ்வயமேவ தவ ஸ்தவம் து³ஹாநாம்
ரஸநாம் மாதரிமாம் ஸநாத²யேதா²꞉ ॥ 1 ॥

அருணாத⁴ரபி³ம்ப³மம்பு³ஜாக்ஷம்
கருணாவர்ஷி கடாக்ஷகேலிலக்ஷம் ।
வத³நம் தவ ஹந்த பா⁴ரதி த்வ-
-த்பத²முல்லங்க்⁴ய விஶ்ருங்க²லம் சகாஸ்தி ॥ 2 ॥

அகலங்கஶரச்ச²ஶாங்கலக்ஷா-
-ப்யஸத்³ருக்ஷா தவ வாணி வக்த்ரப⁴ங்க்³யா꞉ ।
அத⁴ர꞉ புநரம்ப³ பக்வபி³ம்பீ³-
-படலீபாடலிமாபவாத³வீர꞉ ॥ 3 ॥

நவபல்லவத³ர்பவிப்⁴ரமாந் வா
ஶரத³ம்போ⁴ஜவநச்ச²விச்ச²டாம் வா ।
பரிஜேதுமலம் ப⁴வத்பத³ஶ்ரீ-
-ரிதி வாதோ³(அ)ப்யஸத்³ருக்ஷதி³க்ஷு க³ண்ய꞉ ॥ 4 ॥

தவ தே³வி ந கேவலம் முகே²ந்து³-
-ர்விகலங்கேஷு விஶேஷலேக²நீய꞉ ।
அபி து ஸ்பு²டமங்க்⁴ரிபங்கஜாக்³ரே
விஹரந்த꞉ ஸுக்ருதோ நகே²ந்த³வோ(அ)பி ॥ 5 ॥

அணிமா தவ ஹந்த மத்⁴யபா⁴கே³
மஹிமாநம் நிருணத்³தி⁴ நிர்விவாத³ம் ।
பரிபாடலிமா ச பாணிபாதா³-
-த⁴ரபி³ம்பே³ தநுகாந்திபாண்டி³மாநம் ॥ 6 ॥

அபி மௌளிபதே³ பத³ம் ப⁴வத்யா꞉
ஶஶிநா ஹந்த ஜடே³ந ஶாந்தமேந꞉ ।
அத ஏவ ப⁴வத்பதா³ப்³ஜஸேவா-
-விரஹீ நித்யநிரூட⁴மௌக்³த்⁴யகார்ஶ்ய꞉ ॥ 7 ॥

அவிஶங்கிததோ³ஷக³ந்த⁴வார்தாம்
விஶதா³ஶேஷகு³ணாம் விசித்ரபூ⁴ஷாம் ।
ரஸபோஷவிஶேஷிதாம் விதா⁴தா
நயநைஸ்த்வாம் ஶ்ரவணைர்வயம் ப⁴ஜாம꞉ ॥ 8 ॥

ஜநநீம் ரஜநீகராவதம்ஸாம்
ஜக³தாம் ஜங்க³மபாரிஜாதவல்லீம் ।
கருணாபரிணாஹிநேத்ரயாத்ராம்
கதிசித் த்வாம் ஹ்ருத³யே வஹந்தி த⁴ந்யா꞉ ॥ 9 ॥

பரிமண்ட³லகாந்திபா⁴ரநம்ராம்
த்ரிஜக³ந்மங்க³ளதீ³ர்க⁴தீ³பலேஶாம் । (தீ³பலேகா²ம்)
ஸுக்ருதாம் ரஸநாஞ்சலே ஜ்வலந்தீம்
ப⁴வதீம் சேதஸி பா⁴வயந்தி த⁴ந்யா꞉ ॥ 10 ॥

ப⁴வதீமவதீர்ய சித்தவீத்²யாம்
விஹரந்தீம் விவிதை⁴ர்விபூ⁴திபா⁴ரை꞉ ।
பு⁴வநாத்³பு⁴தவிப்⁴ரமாபி⁴ராமாம்
புலகை꞉ கைரபி பூஜயந்தி த⁴ந்யா꞉ ॥ 11 ॥

பததா ஹ்ருதி³ ஹர்ஷபா³ஷ்பமூர்த்யா
பயஸா த்வாமபி⁴ஷிச்ய கோ(அ)பி ஹ்ருத்³யாம் ।
புலகாங்குரபூ⁴ஷிதாம் வித⁴த்தே
ஸ்பு²டமாத்மீயதநூமிவார்த்³ரசேதா꞉ ॥ 12 ॥

மது⁴ரஸ்மிததௌ⁴தவிஶ்வவித்³யா-
-விப⁴வோத்³கா³ரிமுகே²ந்து³ஸம்பத³ம் த்வாம் ।
பரிபா⁴வயதாம் பரம் முநீநாம்
நிகி²லாசார்யபதா³நி நிர்வஹந்தே ॥ 13 ॥

கமலேதி பு⁴ஜாந்தரே முராரே-
-ர்கி³ரிகந்யேதி ஶிவஸ்ய வாமபார்ஶ்வே ।
பரிராஜஸி பா⁴ரதீதி தா⁴து-
-ர்வத³நாம்போ⁴ஜசதுஷ்பதே² த்வமேகா ॥ 14 ॥

சதுரேஷு சதுர்ஷு வக்த்ரசந்த்³ரே-
-ஷ்வதி⁴வாஸம் ப⁴வதீ விதே⁴ர்வித⁴த்தாம் ।
வத³நே புநரம்ப³ மாத்³ருஶாநாம்
கிமித³ம் ந்ருத்யஸி நந்வியம் க்ருபா தே ॥ 15 ॥

ப⁴வதீம் ப⁴வதீவ்ரவேத³நார்தா꞉
பரமாநந்த³பயோதி⁴வீசிமாலாம் ।
வசஸாமதி⁴தே³வதே வயம் தே
மநஸா மங்க்ஷு விகா³ஹ்ய த⁴ந்யத⁴ந்யா꞉ ॥ 16 ॥

ஜக³தாமதி⁴பத்நி நி꞉ஸபத்நம்
த்வயி சித்தம் மம மக்³நமஸ்து மாத꞉ ।
பத³யோர்த்³வயமத்³வயம் பத³ம் வா
தவ ஜாநந்நபி நாம த⁴ந்யத⁴ந்யா꞉ ॥ 17 ॥

நிகி²லாக³மநிர்விவாத³கீ³தம்
ஸஹஜாநந்த³தரங்க³த³ந்துரம் தே ।
மநஸ꞉ குஹரே வயம் பத³ம் தே
க³க³நோல்லங்கி⁴ கத²ம் கத²ம் வஹாம꞉ ॥ 18 ॥

ஸ்வரஸப்ரதிபா⁴ஸுரம் பத³ம் யத்
ஸுக²ஸாம்ராஜ்யமநர்க³ளப்ரஸாரம் ।
அகி²லாத்³பு⁴தமுஜ்ஜி²தோபமாநம்
தத³ஹோ நந்வஸி தீ⁴ரதீ⁴விளேஹ்யம் ॥ 19 ॥

அதிலங்கி⁴தகாலபே⁴த³வாத³ம்
க³ளிதாஶேஷதி³ஶாவிபா⁴க³க³ந்த⁴ம் ।
நிரவக்³ரஹநிஶ்சயப்ரகாஶ-
-ஸ்பு²டமாது⁴ர்யமஸி த்வமம்ப³ தத்த்வம் ॥ 20 ॥

ஸகலவ்யவஹாரதூ³ரதூ³ரம்
ஸரஸம் கிஞ்சித³கிஞ்சநோபபோ⁴க்³யம் ।
ஹ்ருத³யம் மத³யந்மதீ³யமுச்சை-
-ர்ஹ்ருஷிதம் ஹ்ருத்³யமித³ம் பத³ம் நநு த்வம் ॥ 21 ॥

நிஜயைவ கயாபி ஹந்த காந்த்யா
த³ளிதத்⁴வாந்தபரம்பரோபராக³ம் ।
மது⁴ரிம்ணி பரம் மஹிம்நி சோச்சை-
-ர்விஶத³ம் தா⁴ம விஶ்ருங்க²லம் க²லு த்வம் ॥ 22 ॥

அபவர்க³பதா³ஸ்பத³ம் பத³ம் ய-
-த்³யபவர்க³꞉ பஶுபாஶப³ந்த⁴நாநாம் ।
அபதத் தவ ரூபமத்³விதீய-
-க்ஷமமாலக்ஷயதாம் ஸதாம் கில த்வம் ॥ 23 ॥

ஸஹஜா தவ காபி ரூபஸம்ப-
-த்³வசஸாம் வர்த்மநி நைவ நைவ நைவ ।
அபரா புநராத்தசித்ரவேஷா
பு⁴வநம் புஷ்யதி பூ⁴மிகாவிபூ⁴தி꞉ ॥ 24 ॥

அத²வா கத²யேம தம் ப⁴வத்யா
மஹிமாநம் மஹதோ(அ)பி போ⁴ மஹத்யா꞉ ।
அபி வாங்மநஸாத்⁴வநி த்⁴வநந்தீம்
கத²யேத் க꞉ க²லு சிந்தயேச்ச தாம் த்வாம் ॥ 25 ॥

ந தத³ஸ்தி விநாபி யத் த்வயா ஸ்யா-
-ச்சித³சித்³ப்⁴யாம் ப்ரவிபா⁴க³பா⁴ஞ்ஜி விஶ்வே ।
தத³ஹோ மஹிமாத்³பு⁴தம் தவேத³ம்
பரமஸ்மாத் புநரம்ப³ யாஸி ஸாஸீ꞉ ॥ 26 ॥

தத³ளம் பத³ளங்கி⁴நி த்வதீ³யே
முக²ரீபூ⁴ய முஹுர்விபூ⁴திபூரே ।
அபி வா விநயோக்திபி⁴꞉ க்ருதம் தே
ஶிஶுஸம்லாபவஶோ ஹி மாத்ருவர்க³꞉ ॥ 27 ॥

ஜய தே³வி கு³ணத்ரயைகவேஷே
ஜய ஹே தே³வி கு³ணத்ரயைகபூ⁴ஷே ।
ஜய தே³வி தம꞉ப்ரவேஶதூ³ரே
ஜய ஹே தே³வி நிஜப்ரகாஶதா⁴ரே ॥ 28 ॥

இதி தே ஸ்துதிமௌக்திகாத்³பு⁴தஶ்ரீ꞉
ஸ்வயமக்³ரந்த²த ஹந்த ஸந்நிதா⁴நாத் ।
ததி³யம் தவ தே³வி கண்ட²பூ⁴ஷா-
-பத³வீம் ப்ராப்ய க்ருதார்த²தாம் ப்ரயாது ॥ 29 ॥

ஶ்ரீக்ருஷ்ணலீலாஶுகவாக்ஸுபி⁴க்ஷம்
நக்ஷத்ரமாலேயமபூ⁴தபூர்வா ।
க்ருஷ்ணஸ்ய தே³வஸ்ய கி³ரஶ்ச தே³வ்யா꞉
கலாஞ்சலே வர்ஷது ஹர்ஷதா⁴ரா꞉ ॥ 30 ॥

இதி க்ருஷ்ணகேலிஶுகவாங்மயீமிமாம்
மதிமாந் ஜந꞉ பரிசிநோது ஜிஹ்வயா ।
உருசேதஸா ஶ்ரவணமண்ட³லேந வா
த்ரிதயேந வா த்ரிபு⁴வநாத்³பு⁴தாம் ஸுதா⁴ம் ॥ 31 ॥

இதி ஶ்ரீலீலாஶுகமுநி விரசிதா ஶ்ரீ ஸரஸ்வதீ நக்ஷத்ரமாலா ஸ்தவ꞉ ॥

---