Read in తెలుగు / ಕನ್ನಡ / தமிழ் / देवनागरी / English (IAST)
patañjaliruvāca |
suvarṇapadminītaṭāntadivyaharmyavāsinē
suparṇavāhanapriyāya sūryakōṭitējasē |
aparṇayā vihāriṇē phaṇādharēndradhāriṇē
sadā namaḥ śivāya tē sadāśivāya śambhavē || 1 ||
satuṅgabhaṅgajahnujāsudhāṁśukhaṇḍamaulayē
pataṅgapaṅkajāsuhr̥tkr̥pīṭayōnicakṣuṣē |
bhujaṅgarājamaṇḍanāya puṇyaśālibandhavē
sadā namaḥ śivāya tē sadāśivāya śambhavē || 2 ||
caturmukhānanāravindavēdagītabhūtayē
caturbhujānujāśarīraśōbhamānamūrtayē |
caturvidhārthadānaśauṇḍa tāṇḍavasvarūpiṇē
sadā namaḥ śivāya tē sadāśivāya śambhavē || 3 ||
śaranniśākaraprakāśamandahāsamañjulā-
-dharapravālabhāsamānavaktramaṇḍalaśriyē |
karasphuratkapālamuktaraktaviṣṇupālinē
sadā namaḥ śivāya tē sadāśivāya śambhavē || 4 ||
sahasrapuṇḍarīkapūjanaikaśūnyadarśanā-
-tsahasranētrakalpitārcanācyutāya bhaktitaḥ |
sahasrabhānumaṇḍalaprakāśacakradāyinē
sadā namaḥ śivāya tē sadāśivāya śambhavē || 5 ||
rasārathāya ramyapatrabhr̥drathāṅgapāṇayē
rasādharēndracāpaśiñjinīkr̥tānilāśinē |
svasārathīkr̥tābjayōninunnavēdavājinē
sadā namaḥ śivāya tē sadāśivāya śambhavē || 6 ||
atipragalbhavīrabhadrasiṁhanādagarjita-
-śrutiprabhītadakṣayāgabhāginākasadmanām |
gatipradāya garjitākhilaprapañcasākṣiṇē
sadā namaḥ śivāya tē sadāśivāya śambhavē || 7 ||
mr̥kaṇḍusūnurakṣaṇāvadhūtadaṇḍapāṇayē
sugaṇḍamaṇḍalasphuratprabhājitāmr̥tāṁśavē |
akhaṇḍabhōgasampadarthalōkabhāvitātmanē
sadā namaḥ śivāya tē sadāśivāya śambhavē || 8 ||
madhuripuvidhiśakramukhyadēvai-
-rapi niyamārcitapādapaṅkajāya |
kanakagiriśarāsanāya tubhyaṁ
rajatasabhāpatayē namaḥ śivāya || 9 ||
hālāsyanāthāya mahēśvarāya
hālāhalālaṅkr̥ta kandharāya |
mīnēkṣaṇāyāḥ patayē śivāya
namō namaḥ sundaratāṇḍavāya || 10 ||
iti śrīhālāsyamāhātmyē patañjalikr̥ta sadāśivāṣṭakam |
See more śrī śiva stotras for chanting.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
