Read in తెలుగు / ಕನ್ನಡ / தமிழ் / देवनागरी / English (IAST)
|| kapisēnāsamānayanam ||
ēvamuktastu sugrīvō lakṣmaṇēna mahātmanā |
hanumantaṁ sthitaṁ pārśvē sacivaṁ tvidamabravīt || 1 ||
mahēndrahimavadvindhyakailāsaśikharēṣu ca |
mandarē pāṇḍuśikharē pañcaśailēṣu yē sthitāḥ || 2 ||
taruṇādityavarṇēṣu bhrājamānēṣu sarvataḥ |
parvatēṣu samudrāntē paścimāyāṁ tu yē diśi || 3 ||
ādityabhavanē caiva girau sandhyābhrasannibhē |
padmatālavanaṁ bhīmaṁ saṁśritā haripuṅgavāḥ || 4 ||
añjanāmbudasaṅkāśāḥ kuñjarapratimaujasaḥ |
añjanē parvatē caiva yē vasanti plavaṅgamāḥ || 5 ||
vanaśailaguhāvāsā vānarāḥ kanakaprabhāḥ |
mērupārśvagatāścaiva yē dhūmragirisaṁśritāḥ || 6 ||
taruṇādityavarṇāśca parvatē ca mahāruṇē |
pibantō madhu mairēyaṁ bhīmavēgāḥ plavaṅgamāḥ || 7 ||
vanēṣu ca suramyēṣu sugandhiṣu mahatsu ca |
tāpasānāṁ ca ramyēṣu vanāntēṣu samantataḥ || 8 ||
tāṁstān samānaya kṣipraṁ pr̥thivyāṁ sarvavānarān |
sāmadānādibhiḥ sarvairāśu prēṣaya vānarān || 9 ||
prēṣitāḥ prathamaṁ yē ca mayā dūtā mahājavāḥ |
tvaraṇārthaṁ tu bhūyastvaṁ harīn samprēṣayāparān || 10 ||
yē prasaktāśca kāmēṣu dīrghasūtrāśca vānarāḥ |
ihānayasva tān sarvān śīghraṁ tu mama śāsanāt || 11 ||
ahōbhirdaśabhiryē hi nāgacchanti mamājñayā |
hantavyāstē durātmānō rājaśāsanadūṣakāḥ || 12 ||
śatānyatha sahasrāṇāṁ kōṭyaśca mama śāsanāt |
prayāntu kapisiṁhānāṁ diśō mama matē sthitāḥ || 13 ||
mēghaparvatasaṅkāśāśchādayanta ivāmbaram |
ghōrarūpāḥ kapiśrēṣṭhā yāntu macchāsanāditaḥ || 14 ||
tē gatijñā gatiṁ gatvā pr̥thivyāṁ sarvavānarāḥ |
ānayantu harīn sarvāṁstvaritāḥ śāsanānmama || 15 ||
tasya vānararājasya śrutvā vāyusutō vacaḥ |
dikṣu sarvāsu vikrāntān prēṣayāmāsa vānarān || 16 ||
tē padaṁ viṣṇuvikrāntaṁ patatrijyōtiradhvagāḥ |
prayātāḥ prahitā rājñā harayastatkṣaṇēna vai || 17 ||
tē samudrēṣu giriṣu vanēṣu ca sarassu ca |
vānarā vānarān sarvān rāmahētōracōdayan || 18 ||
mr̥tyukālōpamasyājñāṁ rājarājasya vānarāḥ |
sugrīvasyāyayuḥ śrutvā sugrīvabhayadarśinaḥ || 19 ||
tatastē:’ñjanasaṅkāśā girēstasmānmahājavāḥ |
tisraḥ kōṭyaḥ plavaṅgānāṁ niryayuryatra rāghavaḥ || 20 ||
astaṁ gacchati yatrārkastasmin girivarē sthitāḥ |
taptahēmamahābhāsastasmātkōṭyō daśa cyutāḥ || 21 ||
kailāsaśikharēbhyaśca siṁhakēsaravarcasām |
tataḥ kōṭisahasrāṇi vānarāṇāmupāgaman || 22 ||
phalamūlēna jīvantō himavantamupāśritāḥ |
tēṣāṁ kōṭisahasrāṇāṁ sahasraṁ samavartata || 23 ||
aṅgārakasamānānāṁ bhīmānāṁ bhīmakarmaṇām |
vindhyādvānarakōṭīnāṁ sahasrāṇyapatan drutam || 24 ||
kṣīrōdavēlānilayāstamālavanavāsinaḥ |
nārikēlāśanāścaiva tēṣāṁ saṅkhyā na vidyatē || 25 ||
vanēbhyō gahvarēbhyaśca saridbhyaśca mahājavāḥ |
āgacchadvānarī sēnā pibantīva divākaram || 26 ||
yē tu tvarayituṁ yātā vānarāḥ sarvavānarān |
tē vīrā himavacchailaṁ dadr̥śustaṁ mahādrumam || 27 ||
tasmin girivarē ramyē yajñō māhēśvaraḥ purā |
sarvadēvamanastōṣō babhau divyō manōharaḥ || 28 ||
annaniṣyandajātāni mūlāni ca phalāni ca |
amr̥tāsvādakalpāni dadr̥śustatra vānarāḥ || 29 ||
tadannasambhavaṁ divyaṁ phalaṁ mūlaṁ manōharam |
yaḥ kaścitsakr̥daśnāti māsaṁ bhavati tarpitaḥ || 30 ||
tāni mūlāni divyāni phalāni ca phalāśanāḥ |
auṣadhāni ca divyāni jagr̥hurhariyūthapāḥ || 31 ||
tasmācca yajñāyatanāt puṣpāṇi surabhīṇi ca |
āninyurvānarā gatvā sugrīvapriyakāraṇāt || 32 ||
tē tu sarvē harivarāḥ pr̥thivyāṁ sarvavānarān |
sañcōdayitvā tvaritā yūthānāṁ jagmuragrataḥ || 33 ||
tē tu tēna muhūrtēna yūthapāḥ śīghragāminaḥ |
kiṣkindhāṁ tvarayā prāptāḥ sugrīvō yatra vānaraḥ || 34 ||
tē gr̥hītvauṣadhīḥ sarvāḥ phalaṁ mūlaṁ ca vānarāḥ |
taṁ pratigrāhayāmāsurvacanaṁ cēdamabruvan || 35 ||
sarvē parigatāḥ śailāḥ samudrāśca vanāni ca |
pr̥thivyāṁ vānarāḥ sarvē śāsanādupayānti tē || 36 ||
ēvaṁ śrutvā tatō hr̥ṣṭaḥ sugrīvaḥ plavagādhipaḥ |
pratijagrāha tatprītastēṣāṁ sarvamupāyanam || 37 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē saptatriṁśaḥ sargaḥ || 37 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
