Read in తెలుగు / ಕನ್ನಡ / தமிழ் / देवनागरी / English (IAST)
asya śrīśanaiścara sahasranāmastōtra mahāmantrasya, kāśyapa r̥ṣiḥ, anuṣṭup chandaḥ, śanaiścarō dēvatā, śaṁ bījaṁ, naṁ śaktiḥ, maṁ kīlakaṁ, śanaiścaraprasāda siddhyarthē japē viniyōgaḥ ||
karanyāsaḥ –
śanaiścarāya aṅguṣṭhābhyāṁ namaḥ |
mandagatayē tarjanībhyāṁ namaḥ |
adhōkṣajāya madhyamābhyāṁ namaḥ |
saurayē anāmikābhyāṁ namaḥ |
śuṣkōdarāya kaniṣṭhikābhyāṁ namaḥ |
chāyātmajāya karatalakarapr̥ṣṭhābhyāṁ namaḥ |
hr̥dayādinyāsaḥ –
śanaiścarāya hr̥dayāya namaḥ |
mandagatayē śirasē svāhā |
adhōkṣajāya śikhāyai vaṣaṭ |
saurayē kavacāya hum |
śuṣkōdarāya nētratrayāya vauṣaṭ |
chāyātmajāya astrāya phaṭ |
bhūrbhuvassuvarōmiti digbandhaḥ |
dhyānam –
cāpāsanō gr̥dhradharastu nīlaḥ
pratyaṅmukhaḥ kāśyapa gōtrajātaḥ |
saśūlacāpēṣu gadādharō:’vyāt
saurāṣṭradēśaprabhavaśca śauriḥ ||
nīlāmbarō nīlavapuḥ kirīṭī
gr̥dhrāsanasthō vikr̥tānanaśca |
kēyūrahārādivibhūṣitāṅgaḥ
sadā:’stu mē mandagatiḥ prasannaḥ ||
stōtram –
ōm || amitābhāṣyaghaharaḥ aśēṣaduritāpahaḥ |
aghōrarūpō:’tidīrghakāyō:’śēṣabhayānakaḥ || 1 ||
anantō annadātā cā:’śvatthamūlajapē priyaḥ |
atisampatpradō:’mōghaḥ anyastutyā prakōpitaḥ || 2 ||
aparājitō:’dvitīyaḥ atitējō:’bhayapradaḥ |
aṣṭamasthō:’ñjananibhaḥ akhilātmārkanandanaḥ || 3 ||
atidāruṇa akṣōbhyaḥ apsarōbhiḥ prapūjitaḥ |
abhīṣṭaphaladō:’riṣṭamathanō:’marapūjitaḥ || 4 ||
anugrāhyō apramēya parākrama vibhīṣaṇaḥ |
asādhyayōgō akhiladōṣaghnaḥ aparākr̥taḥ || 5 ||
apramēyō:’tisukhadaḥ amarādhipapūjitaḥ |
avalōkāt sarvanāśaḥ aśvatthāma dvirāyudhaḥ || 6 ||
aparādhasahiṣṇuśca aśvatthāmasupūjitaḥ |
anantapuṇyaphaladō atr̥ptō:’tibalō:’pi ca || 7 ||
avalōkāt sarvavandyaḥ akṣīṇakaruṇānidhiḥ |
avidyāmūlanāśaśca akṣayyaphaladāyakaḥ || 8 ||
ānandaparipūrṇaśca āyuṣkāraka ēva ca |
āśritēṣṭārthavaradaḥ ādhivyādhiharō:’pi ca || 9 ||
ānandamaya ānandakarō āyudhadhārakaḥ |
ātmacakrādhikārī ca ātmastutyaparāyaṇaḥ || 10 ||
āyuṣkarō ānupūrvyaḥ ātmāyattajagattrayaḥ |
ātmanāmajapaprītaḥ ātmādhikaphalapradaḥ || 11 ||
ādityasambhavō ārtibhañjanō ātmarakṣakaḥ |
āpadbāndhava ānandarūpō āyuḥpradō:’pi ca || 12 ||
ākarṇapūrṇacāpaśca ātmōddiṣṭa dvijapradaḥ |
ānukūlyō ātmarūpapratimādānasupriyaḥ || 13 ||
ātmārāmō ādidēvō āpannārtivināśanaḥ |
indirārcitapādaśca indrabhōgaphalapradaḥ || 14 ||
indradēvasvarūpaśca iṣṭēṣṭavaradāyakaḥ |
iṣṭāpūrtipradō indumatīṣṭavaradāyakaḥ || 15 ||
indirāramaṇaḥ prītaḥ indravaṁśanr̥pārcitaḥ |
ihāmutrēṣṭaphalada indirāramaṇārcitaḥ || 16 ||
īndriyō īśvaraprītaḥ īṣaṇātrayavarjitaḥ |
umāsvarūpa udbōdhyaḥ uśanā utsavapriyaḥ || 17 ||
umādēvyarcanaprītaḥ uccasthōccaphalapradaḥ |
uruprakāśō uccasthayōgadaḥ uruparākramaḥ || 18 ||
ūrdhvalōkādisañcārī ūrdhvalōkādināyakaḥ |
ūrjasvī ūnapādaśca r̥kārākṣarapūjitaḥ || 19 ||
r̥ṣiprōkta purāṇajñaḥ r̥ṣibhiḥ paripūjitaḥ |
r̥gvēdavandyō r̥grūpī r̥jumārgapravartakaḥ || 20 ||
lulitōddhārakō lūtabhavapāśaprabhañjanaḥ |
lūkārarūpakō labdhadharmamārgapravartakaḥ || 21 ||
ēkādhipatyasāmrājyapradō ēnaughanāśanaḥ |
ēkapādyēka ēkōnaviṁśatimāsabhuktidaḥ || 22 ||
ēkōnaviṁśativarṣadaśō ēṇāṅkapūjitaḥ |
aiśvaryaphaladō aindra airāvatasupūjitaḥ || 23 ||
ōṅkārajapasuprīta ōṅkāraparipūjitaḥ |
ōṅkārabījō audāryahastō aunnatyadāyakaḥ || 24 ||
audāryaguṇa audāryaśīlō auṣadhakārakaḥ |
karapaṅkajasannaddhadhanuśca karuṇānidhiḥ || 25 ||
kālaḥ kaṭhinacittaśca kālamēghasamaprabhaḥ |
kirīṭī karmakr̥t kārayitā kālasahōdaraḥ || 26 ||
kālāmbaraḥ kākavāhaḥ karmaṭhaḥ kāśyapānvayaḥ |
kālacakraprabhēdī ca kālarūpī ca kāraṇaḥ || 27 ||
kārimūrtiḥ kālabhartā kirīṭamakuṭōjvalaḥ |
kāryakāraṇa kālajñaḥ kāñcanābharathānvitaḥ || 28 ||
kāladaṁṣṭraḥ krōdharūpaḥ karālī kr̥ṣṇakētanaḥ |
kālātmā kālakartā ca kr̥tāntaḥ kr̥ṣṇagōpriyaḥ || 29 ||
kālāgnirudrarūpaśca kāśyapātmajasambhavaḥ |
kr̥ṣṇavarṇahayaścaiva kr̥ṣṇagōkṣīrasupriyaḥ || 30 ||
kr̥ṣṇagōghr̥tasuprītaḥ kr̥ṣṇagōdadhiṣupriyaḥ |
kr̥ṣṇagāvaikacittaśca kr̥ṣṇagōdānasupriyaḥ || 31 ||
kr̥ṣṇagōdattahr̥dayaḥ kr̥ṣṇagōrakṣaṇapriyaḥ |
kr̥ṣṇagōgrāsacittasya sarvapīḍānivārakaḥ || 32 ||
kr̥ṣṇagōdāna śāntasya sarvaśāntaphalapradaḥ |
kr̥ṣṇagōsnāna kāmasya gaṅgāsnānaphalapradaḥ || 33 ||
kr̥ṣṇagōrakṣaṇasyāśu sarvābhīṣṭaphalapradaḥ |
kr̥ṣṇagāvapriyaścaiva kapilāpaśuṣu priyaḥ || 34 ||
kapilākṣīrapānasya sōmapānaphalapradaḥ |
kapilādānasuprītaḥ kapilājyahutapriyaḥ || 35 ||
kr̥ṣṇaśca kr̥ttikāntasthaḥ kr̥ṣṇagōvatsasupriyaḥ |
kr̥ṣṇamālyāmbaradharaḥ kr̥ṣṇavarṇatanūruhaḥ || 36 ||
kr̥ṣṇakētuḥ kr̥śakr̥ṣṇadēhaḥ kr̥ṣṇāmbarapriyaḥ |
krūracēṣṭaḥ krūrabhāvaḥ krūradaṁṣṭraḥ kurūpi ca || 37 ||
kamalāpatisaṁsēvyaḥ kamalōdbhavapūjitaḥ |
kāmitārthapradaḥ kāmadhēnupūjanasupriyaḥ || 38 ||
kāmadhēnusamārādhyaḥ kr̥pāyuṣavivardhanaḥ |
kāmadhēnvaikacittaśca kr̥parājasupūjitaḥ || 39 ||
kāmadōgdhā ca kruddhaśca kuruvaṁśasupūjitaḥ |
kr̥ṣṇāṅgamahiṣīdōgdhā kr̥ṣṇēna kr̥tapūjanaḥ || 40 ||
kr̥ṣṇāṅgamahiṣīdānapriyaḥ kōṇastha ēva ca |
kr̥ṣṇāṅgamahiṣīdānalōlupaḥ kāmapūjitaḥ || 41 ||
krūrāvalōkanātsarvanāśaḥ kr̥ṣṇāṅgadapriyaḥ |
khadyōtaḥ khaṇḍanaḥ khaḍgadharaḥ khēcarapūjitaḥ || 42 ||
kharāṁśutanayaścaiva khagānāṁ pativāhanaḥ |
gōsavāsaktahr̥dayō gōcarasthānadōṣahr̥t || 43 ||
gr̥harāśyādhipaścaiva gr̥harājamahābalaḥ |
gr̥dhravāhō gr̥hapatirgōcarō gānalōlupaḥ || 44 ||
ghōrō gharmō ghanatamō gharmī ghanakr̥pānvitaḥ |
ghananīlāmbaradharō ṅādivarṇasusañjñitaḥ || 45 ||
cakravartisamārādhyaścandramatyāsamarcitaḥ |
candramatyārtihārī ca carācarasukhapradaḥ || 46 ||
caturbhujaścāpahastaścarācarahitapradaḥ |
chāyāputraśchatradharaśchāyādēvīsutastathā || 47 ||
jayapradō jagannīlō japatāṁ sarvasiddhidaḥ |
japavidhvastavimukhō jambhāriparipūjitaḥ || 48 ||
jambhārivandyō jayadō jagajjanamanōharaḥ |
jagattrayaprakupitō jagattrāṇaparāyaṇaḥ || 49 ||
jayō jayapradaścaiva jagadānandakārakaḥ |
jyōtiśca jyōtiṣāṁ śrēṣṭhō jyōtiḥśāstrapravartakaḥ || 50 ||
jharjharīkr̥tadēhaśca jhallarīvādyasupriyaḥ |
jñānamūrtirjñānagamyō jñānī jñānamahānidhiḥ || 51 ||
jñānaprabōdhakaścaiva jñānadr̥ṣṭyāvalōkitaḥ |
ṭaṅkitākhilalōkaśca ṭaṅkitainastamōraviḥ || 52 ||
ṭaṅkārakārakaścaiva ṭaṅkr̥tō ṭāmbhadapriyaḥ |
ṭhakāramaya sarvasvaṣṭhakārakr̥tapūjitaḥ || 53 ||
ḍhakkāvādyaprītikarō ḍamaḍḍamarukapriyaḥ |
ḍambaraprabhavō ḍambhō ḍhakkānādapriyaṅkaraḥ || 54 ||
ḍākinīśākinībhūtasarvōpadravakārakaḥ |
ḍākinīśākinībhūtasarvōpadravanāśakaḥ || 55 ||
ḍhakārarūpō ḍhāmbhīkō ṇakārajapasupriyaḥ |
ṇakāramayamantrārthaḥ ṇakāraikaśirōmaṇiḥ || 56 ||
ṇakāravacanānandaḥ ṇakārakaruṇāmayaḥ |
ṇakāramayasarvasvaḥ ṇakāraikaparāyaṇaḥ || 57 ||
tarjanīdhr̥tamudraśca tapasāṁ phaladāyakaḥ |
trivikramanutaścaiva trayīmayavapurdharaḥ || 58 ||
tapasvī tapasādagdhadēhastāmrādharastathā |
trikālavēditavyaśca trikālamatitōṣitaḥ || 59 ||
tulōccayastrāsakarastilatailapriyastathā |
tilānnasantuṣṭamanāstiladānapriyastathā || 60 ||
tilabhakṣyapriyaścaiva tilacūrṇapriyastathā |
tilakhaṇḍapriyaścaiva tilāpūpapriyastathā || 61 ||
tilahōmapriyaścaiva tāpatrayanivārakaḥ |
tilatarpaṇasantuṣṭastilatailānnatōṣitaḥ || 62 ||
tilaikadattahr̥dayastējasvī tējasānnidhiḥ |
tējasādityasaṅkāśastējōmaya vapurdharaḥ || 63 ||
tattvajñastattvagastīvrastapōrūpastapōmayaḥ |
tuṣṭidastuṣṭikr̥t tīkṣṇastrimūrtistriguṇātmakaḥ || 64 ||
tiladīpapriyaścaiva tasya pīḍānivārakaḥ |
tilōttamāmēnakādinartanapriya ēva ca || 65 ||
tribhāgamaṣṭavargaśca sthūlarōmā sthirastathā |
sthitaḥ sthāyī sthāpakaśca sthūlasūkṣmapradarśakaḥ || 66 ||
daśarathārcitapādaśca daśarathastōtratōṣitaḥ |
daśarathaprārthanāklupta durbhikṣavinivārakaḥ || 67 ||
daśarathaprārthanākluptavaradvayapradāyakaḥ |
daśarathasvātmadarśī ca daśarathābhīṣṭadāyakaḥ || 68 ||
dōrbhirdhanurdharaścaiva dīrghaśmaśrujaṭādharaḥ |
daśarathastōtravaradō daśarathābhīpsitapradaḥ || 69 ||
daśarathastōtrasantuṣṭō daśarathēnasupūjitaḥ |
dvādaśāṣṭamajanmasthō dēvapuṅgavapūjitaḥ || 70 ||
dēvadānavadarpaghnō dinaṁ pratimunistutaḥ |
dvādaśasthō dvādaśātmā sutō dvādaśanāmabhr̥t || 71 ||
dvitīyasthō dvādaśārkasūnurdaivajñapūjitaḥ |
daivajñacittavāsī ca damayantyā supūjitaḥ || 72 ||
dvādaśābdantu durbhikṣakārī duḥsvapnanāśanaḥ |
durārādhyō durādharṣō damayantīvarapradaḥ || 73 ||
duṣṭadūrō durācāraśamanō dōṣavarjitaḥ |
dussahō dōṣahantā ca durlabhō durgamastathā || 74 ||
duḥkhapradō duḥkhahantā dīptarañjita diṅmukhaḥ |
dīpyamānamukhāmbhōjaḥ damayantyāḥ śivapradaḥ || 75 ||
durnirīkṣyō dr̥ṣṭamātradaityamaṇḍalanāśakaḥ |
dvijadānaikaniratō dvijārādhanatatparaḥ || 76 ||
dvijasarvārtihārī ca dvijarājasamarcitaḥ |
dvijadānaikacittaśca dvijarājapriyaṅkaraḥ || 77 ||
dvijō dvijapriyaścaiva dvijarājēṣṭadāyakaḥ |
dvijarūpō dvijaśrēṣṭhō dōṣadō duḥsahō:’pi ca || 78 ||
dēvādidēvō dēvēśō dēvarājasupūjitaḥ |
dēvarājēṣṭavaradō dēvarājapriyaṅkaraḥ || 79 ||
dēvādivanditō divyatanurdēvaśikhāmaṇiḥ |
dēvagānapriyaścaiva dēvadēśikapuṅgavaḥ || 80 ||
dvijātmajasamārādhyō dhyēyō dharmī dhanurdharaḥ |
dhanuṣmān dhanadātā ca dharmādharmavivarjitaḥ || 81 ||
dharmarūpō dhanurdivyō dharmaśāstrātmacētanaḥ |
dharmarājapriyakarō dharmarājassupūjitaḥ || 82 ||
dharmarājēṣṭavaradō dharmābhīṣṭaphalapradaḥ |
nityatr̥ptasvabhāvaśca nityakarmaratastathā || 83 ||
nijapīḍārtihārī ca nijabhaktēṣṭadāyakaḥ |
nirmāṁsadēhō nīlaśca nijastōtrabahupriyaḥ || 84 ||
nalastōtrapriyaścaiva nalarājasupūjitaḥ |
nakṣatramaṇḍalagatō namatāṁ priyakārakaḥ || 85 ||
nityārcitapadāmbhōjō nijājñāparipālakaḥ |
navagrahavarō nīlavapurnalakarārcitaḥ || 86 ||
nalapriyānanditaśca nalakṣētranivāsakaḥ |
nalapākapriyaścaiva nalapadbhañjanakṣamaḥ || 87 ||
nalasarvārtihārī ca nalēnātmārthapūjitaḥ |
nipāṭavīnivāsaśca nalābhīṣṭavarapradaḥ || 88 ||
nalatīrthasakr̥t snānasarvapīḍānivārakaḥ |
nalēśadarśanasyāśu sāmrājyapadavīpradaḥ || 89 ||
nakṣatrarāśyādhipaśca nīladhvajavirājitaḥ |
nityayōgarataścaiva navaratnavibhūṣitaḥ || 90 ||
navadhā bhajyadēhaśca navīkr̥tajagattrayaḥ |
navagrahādhipaścaiva navākṣarajapapriyaḥ || 91 ||
navātmā navacakrātmā navatattvādhipastathā |
navōdana priyaścaiva navadhānyapriyastathā || 92 ||
niṣkaṇṭakō nispr̥haśca nirapēkṣō nirāmayaḥ |
nāgarājārcitapadō nāgarājapriyaṅkaraḥ || 93 ||
nāgarājēṣṭavaradō nāgābharaṇabhūṣitaḥ |
nāgēndragānaniratō nānābharaṇabhūṣitaḥ || 94 ||
navamitrasvarūpaśca nānāścaryavidhāyakaḥ |
nānādvīpādhikartā ca nānālipisamāvr̥taḥ || 95 ||
nānārūpajagatsraṣṭā nānārūpajanāśrayaḥ |
nānālōkādhipaścaiva nānābhāṣāpriyastathā || 96 ||
nānārūpādhikārī ca navaratnapriyastathā |
nānāvicitravēṣāḍhyō nānācitravidhāyakaḥ || 97 ||
nīlajīmūtasaṅkāśō nīlamēghasamaprabhaḥ |
nīlāñjanacayaprakhyō nīlavastradharapriyaḥ || 98 ||
nīcabhāṣāpracārajñō nīcēsvalpaphalapradaḥ |
nānāgamavidhānajñō nānānr̥pasamāvr̥taḥ || 99 ||
nānāvarṇākr̥tiścaiva nānāvarṇasvarārtavaḥ |
nāgalōkāntavāsī ca nakṣatratrayasamyutaḥ || 100 ||
nabhādilōkasambhūtō nāmastōtrabahupriyaḥ |
nāmapārāyaṇaprītō nāmārcanavarapradaḥ || 101 ||
nāmastōtraikacittaśca nānārōgārtibhañjanaḥ |
navagrahasamārādhyō navagrahabhayāpahaḥ || 102 ||
navagrahasusampūjyō nānāvēdasurakṣakaḥ |
navagrahādhirājaśca navagrahajapapriyaḥ || 103 ||
navagrahamayajyōtirnavagrahavarapradaḥ |
navagrahāṇāmadhipō navagrahasupīḍitaḥ || 104 ||
navagrahādhīśvaraśca navamāṇikyaśōbhitaḥ |
paramātmā parabrahma paramaiśvaryakāraṇaḥ || 105 ||
prapannabhayahārī ca pramattāsuraśikṣakaḥ |
prāsahastaḥ paṅgupādaḥ prakāśātmā pratāpavān || 106 ||
pāvanaḥ pariśuddhātmā putrapautrapravardhanaḥ |
prasannātsarvasukhadaḥ prasannēkṣaṇa ēva ca || 107 ||
prajāpatyaḥ priyakaraḥ praṇatēpsitarājyadaḥ |
prajānāṁ jīvahētuśca prāṇināṁ paripālakaḥ || 108 ||
prāṇarūpī prāṇadhārī prajānāṁ hitakārakaḥ |
prājñaḥ praśāntaḥ prajñāvān prajārakṣaṇadīkṣitaḥ || 109 ||
prāvr̥ṣēṇyaḥ prāṇakārī prasannōtsavavanditaḥ |
prajñānivāsahētuśca puruṣārthaikasādhanaḥ || 110 ||
prajākaraḥ prātikūlyaḥ piṅgalākṣaḥ prasannadhīḥ |
prapañcātmā prasavitā purāṇapuruṣōttamaḥ || 111 ||
purāṇapuruṣaścaiva puruhūtaḥ prapañcadhr̥t |
pratiṣṭhitaḥ prītikaraḥ priyakārī prayōjanaḥ || 112 ||
prītimān pravarastutyaḥ purūravasamarcitaḥ |
prapañcakārī puṇyaśca puruhūtasamarcitaḥ || 113 ||
pāṇḍavādisusaṁsēvyaḥ praṇavaḥ puruṣārthadaḥ |
payōdasamavarṇaśca pāṇḍuputrārtibhañjanaḥ || 114 ||
pāṇḍuputrēṣṭadātā ca pāṇḍavānāṁ hitaṅkaraḥ |
pañcapāṇḍavaputrāṇāṁ sarvābhīṣṭaphalapradaḥ || 115 ||
pañcapāṇḍavaputrāṇāṁ sarvāriṣṭanivārakaḥ |
pāṇḍuputrādyarcitaśca pūrvajaśca prapañcabhr̥t || 116 ||
paracakraprabhēdī ca pāṇḍavēṣuvanapradaḥ |
parabrahmasvarūpaśca parājñā parivarjitaḥ || 117 ||
parātparaḥ pāśahantā paramāṇuḥ prapañcakr̥t |
pātaṅgī puruṣākāraḥ paraśambhusamudbhavaḥ || 118 ||
prasannātsarvasukhadaḥ prapañcōdbhavasambhavaḥ |
prasannaḥ paramōdāraḥ parāhaṅkārabhañjanaḥ || 119 ||
paraḥ paramakāruṇyaḥ parabrahmamayastathā |
prapannabhayahārī ca praṇatārtiharastathā || 120 ||
prasādakr̥t prapañcaśca parāśaktisamudbhavaḥ |
pradānapāvanaścaiva praśāntātmā prabhākaraḥ || 121 ||
prapañcātmā prapañcōpaśamanaḥ pr̥thivīpatiḥ |
paraśurāmasamārādhyaḥ paraśurāmavarapradaḥ || 122 ||
paraśurāmacirañjīvipradaḥ paramapāvanaḥ |
paramahaṁsasvarūpaśca paramahaṁsasupūjitaḥ || 123 ||
pañcanakṣatrādhipaśca pañcanakṣatrasēvitaḥ |
prapañcarakṣitaścaiva prapañcasya bhayaṅkaraḥ || 124 ||
phaladānapriyaścaiva phalahastaḥ phalapradaḥ |
phalābhiṣēkapriyaśca phalgunasya varapradaḥ || 125 ||
phuṭacchamita pāpaughaḥ phalgunēna prapūjitaḥ |
phaṇirājapriyaścaiva phullāmbujavilōcanaḥ || 126 ||
balipriyō balī babhrurbrahmaviṣṇvīśaklēśakr̥t |
brahmaviṣṇvīśarūpaśca brahmaśakrādidurlabhaḥ || 127 ||
bāsadarṣṭyā pramēyāṅgō bibhratkavacakuṇḍalaḥ |
bahuśrutō bahumatirbrahmaṇyō brāhmaṇapriyaḥ || 128 ||
balapramathanō brahmā bahurūpō bahupradaḥ |
bālārkadyutimān bālō br̥hadvakṣō br̥hattanuḥ || 129 ||
brahmāṇḍabhēdakr̥ccaiva bhaktasarvārthasādhakaḥ |
bhavyō bhōktā bhītikr̥cca bhaktānugrahakārakaḥ || 130 ||
bhīṣaṇō bhaikṣakārī ca bhūsurādisupūjitaḥ |
bhōgabhāgyapradaścaiva bhasmīkr̥tajagattrayaḥ || 131 ||
bhayānakō bhānusūnurbhūtibhūṣitavigrahaḥ |
bhāsvadratō bhaktimatāṁ sulabhō bhrukuṭīmukhaḥ || 132 ||
bhavabhūtagaṇaisstutyō bhūtasaṅghasamāvr̥taḥ |
bhrājiṣṇurbhagavān bhīmō bhaktābhīṣṭavarapradaḥ || 133 ||
bhavabhaktaikacittaśca bhaktigītastavōnmukhaḥ |
bhūtasantōṣakārī ca bhaktānāṁ cittaśōdhakaḥ || 134 ||
bhaktigamyō bhayaharō bhāvajñō bhaktasupriyaḥ |
bhūtidō bhūtikr̥dbhōjyō bhūtātmā bhuvanēśvaraḥ || 135 ||
mandō mandagatiścaiva māsamēva prapūjitaḥ |
mucukundasamārādhyō mucukundavarapradaḥ || 136 ||
mucukundārcitapadō mahārūpō mahāyaśāḥ |
mahābhōgī mahāyōgī mahākāyō mahāprabhuḥ || 137 ||
mahēśō mahadaiśvaryō mandārakusumapriyaḥ |
mahākraturmahāmānī mahādhīrō mahājayaḥ || 138 ||
mahāvīrō mahāśāntō maṇḍalasthō mahādyutiḥ |
mahāsutō mahōdārō mahanīyō mahōdayaḥ || 139 ||
maithilīvaradāyī ca mārtāṇḍasya dvitīyajaḥ |
maithilīprārthanākluptadaśakaṇṭhaśirōpahr̥t || 140 ||
marāmaraharārādhyō mahēndrādisurārcitaḥ |
mahārathō mahāvēgō maṇiratnavibhūṣitaḥ || 141 ||
mēṣanīcō mahāghōrō mahāsaurirmanupriyaḥ |
mahādīrghō mahāgrāsō mahadaiśvaryadāyakaḥ || 142 ||
mahāśuṣkō mahāraudrō muktimārgapradarśakaḥ |
makarakumbhādhipaścaiva mr̥kaṇḍutanayārcitaḥ || 143 ||
mantrādhiṣṭhānarūpaśca mallikākusumapriyaḥ |
mahāmantrasvarūpaśca mahāyantrasthitastathā || 144 ||
mahāprakāśadivyātmā mahādēvapriyastathā |
mahābalisamārādhyō maharṣigaṇapūjitaḥ || 145 ||
mandacārī mahāmāyī māṣadānapriyastathā |
māṣōdanaprītacittō mahāśaktirmahāguṇaḥ || 146 ||
yaśaskarō yōgadātā yajñāṅgō:’pi yugandharaḥ |
yōgī yōgyaśca yāmyaśca yōgarūpī yugādhipaḥ || 147 ||
yajñabhr̥dyajamānaśca yōgō yōgavidāṁ varaḥ |
yakṣarākṣasavētālakūṣmāṇḍādiprapūjitaḥ || 148 ||
yamapratyadhidēvaśca yugapadbhōgadāyakaḥ |
yōgapriyō yōgayuktō yajñarūpō yugāntakr̥t || 149 ||
raghuvaṁśasamārādhyō raudrō raudrākr̥tistathā |
raghunandanasallāpō raghuprōktajapapriyaḥ || 150 ||
raudrarūpī rathārūḍhō rāghavēṣṭavarapradaḥ |
rathī raudrādhikārī ca rāghavēṇa samarcitaḥ || 151 ||
rōṣātsarvasvahārī ca rāghavēṇa supūjitaḥ |
rāśidvayādhipaścaiva raghubhiḥ paripūjitaḥ || 152 ||
rājyabhūpākaraścaiva rājarājēndra vanditaḥ |
ratnakēyūrabhūṣāḍhyō ramānandanavanditaḥ || 153 ||
raghupauruṣasantuṣṭō raghustōtrabahupriyaḥ |
raghuvaṁśanr̥paiḥ pūjyō raṇanmañjīranūpuraḥ || 154 ||
ravinandana rājēndrō raghuvaṁśapriyastathā |
lōhajapratimādānapriyō lāvaṇyavigrahaḥ || 155 ||
lōkacūḍāmaṇiścaiva lakṣmīvāṇīstutipriyaḥ |
lōkarakṣō lōkaśikṣō lōkalōcanarañjitaḥ || 156 ||
lōkādhyakṣō lōkavandyō lakṣmaṇāgrajapūjitaḥ |
vēdavēdyō vajradēhō vajrāṅkuśadharastathā || 157 ||
viśvavandyō virūpākṣō vimalāṅgavirājitaḥ |
viśvasthō vāyasārūḍhō viśēṣasukhakārakaḥ || 158 ||
viśvarūpī viśvagōptā vibhāvasusutastathā |
viprapriyō viprarūpō viprārādhanatatparaḥ || 159 ||
viśālanētrō viśikhō vipradānabahupriyaḥ |
viśvasr̥ṣṭisamudbhūtō vaiśvānarasamadyutiḥ || 160 ||
viṣṇurviriñcirviśvēśō viśvakartā viśāṁ patiḥ |
virāḍādhāracakrasthō viśvabhugviśvabhāvanaḥ || 161 ||
viśvavyāpārahētuśca vakrakrūravivarjitaḥ |
viśvōdbhavō viśvakarmā viśvasr̥ṣṭi vināyakaḥ || 162 ||
viśvamūlanivāsī ca viśvacitravidhāyakaḥ |
viśvādhāravilāsī ca vyāsēna kr̥tapūjitaḥ || 163 ||
vibhīṣaṇēṣṭavaradō vāñchitārthapradāyakaḥ |
vibhīṣaṇasamārādhyō viśēṣasukhadāyakaḥ || 164 ||
viṣamavyayāṣṭajanmasthō:’pyēkādaśaphalapradaḥ |
vāsavātmajasuprītō vasudō vāsavārcitaḥ || 165 ||
viśvatrāṇaikaniratō vāṅmanōtītavigrahaḥ |
virāṇmandiramūlasthō valīmukhasukhapradaḥ || 166 ||
vipāśō vigatātaṅkō vikalpaparivarjitaḥ |
variṣṭhō varadō vandyō vicitrāṅgō virōcanaḥ || 167 ||
śuṣkōdaraḥ śuklavapuḥ śāntarūpī śanaiścaraḥ |
śūlī śaraṇyaḥ śāntaśca śivāyāmapriyaṅkaraḥ || 168 ||
śivabhaktimatāṁ śrēṣṭhaḥ śūlapāṇiḥ śucipriyaḥ |
śrutismr̥tipurāṇajñaḥ śrutijālaprabōdhakaḥ || 169 ||
śrutipāragasampūjyaḥ śrutiśravaṇalōlupaḥ |
śrutyantargatamarmajñaḥ śrutyēṣṭavaradāyakaḥ || 170 ||
śrutirūpaḥ śrutiprītaḥ śrutīpsitaphalapradaḥ |
śuciśrutaḥ śāntamūrtiḥ śrutiśravaṇakīrtanaḥ || 171 ||
śamīmūlanivāsī ca śamīkr̥taphalapradaḥ |
śamīkr̥tamahāghōraḥ śaraṇāgatavatsalaḥ || 172 ||
śamītarusvarūpaśca śivamantrajñamuktidaḥ |
śivāgamaikanilayaḥ śivamantrajapapriyaḥ || 173 ||
śamīpatrapriyaścaiva śamīparṇasamarcitaḥ |
śatōpaniṣadastutyaḥ śāntyādiguṇabhūṣitaḥ || 174 ||
śāntyādiṣaḍguṇōpētaḥ śaṅkhavādyapriyastathā |
śyāmaraktasitajyōtiḥ śuddhapañcākṣarapriyaḥ || 175 ||
śrīhālāsyakṣētravāsī śrīmān śaktidharastathā |
ṣōḍaśadvayasampūrṇalakṣaṇaḥ ṣaṇmukhapriyaḥ || 176 ||
ṣaḍguṇaiśvaryasamyuktaḥ ṣaḍaṅgāvaraṇōjjvalaḥ |
ṣaḍakṣarasvarūpaśca ṣaṭcakrōparisaṁsthitaḥ || 177 ||
ṣōḍaśī ṣōḍaśāntaśca ṣaṭchaktivyaktamūrtimān |
ṣaḍbhāvarahitaścaiva ṣaḍaṅgaśrutipāragaḥ || 178 ||
ṣaṭkōṇamadhyanilayaḥ ṣaṭchāstrasmr̥tipāragaḥ |
svarṇēndranīlamakuṭaḥ sarvābhīṣṭapradāyakaḥ || 179 ||
sarvātmā sarvadōṣaghnaḥ sarvagarvaprabhañjanaḥ |
samastalōkābhayadaḥ sarvadōṣāṅganāśakaḥ || 180 ||
samastabhaktasukhadaḥ sarvadōṣanivartakaḥ |
sarvanāśakṣamaḥ saumyaḥ sarvaklēśanivārakaḥ || 181 ||
sarvātmā sarvadā tuṣṭaḥ sarvapīḍānivārakaḥ |
sarvarūpī sarvakarmā sarvajñaḥ sarvakārakaḥ || 182 ||
sukr̥tī sulabhaścaiva sarvābhīṣṭaphalapradaḥ |
sūryātmajaḥ sadātuṣṭaḥ sūryavaṁśapradīpanaḥ || 183 ||
saptadvīpādhipaścaiva surāsurabhayaṅkaraḥ |
sarvasaṅkṣōbhahārī ca sarvalōkahitaṅkaraḥ || 184 ||
sarvaudāryasvabhāvaśca santōṣātsakalēṣṭadaḥ |
samastar̥ṣibhiḥ stutyaḥ samastagaṇapāvr̥taḥ || 185 ||
samastagaṇasaṁsēvyaḥ sarvāriṣṭavināśanaḥ |
sarvasaukhyapradātā ca sarvavyākulanāśanaḥ || 186 ||
sarvasaṅkṣōbhahārī ca sarvāriṣṭaphalapradaḥ |
sarvavyādhipraśamanaḥ sarvamr̥tyunivārakaḥ || 187 ||
sarvānukūlakārī ca saundaryamr̥dubhāṣitaḥ |
saurāṣṭradēśōdbhavaśca svakṣētrēṣṭavarapradaḥ || 188 ||
sōmayājisamārādhyaḥ sītābhīṣṭavarapradaḥ |
sukhāsanōpaviṣṭaśca sadyaḥpīḍānivārakaḥ || 189 ||
saudāmanīsannibhaśca sarvānullaṅghyaśāsanaḥ |
sūryamaṇḍalasañcārī saṁhārāstraniyōjitaḥ || 190 ||
sarvalōkakṣayakaraḥ sarvāriṣṭavidhāyakaḥ |
sarvavyākulakārī ca sahasrajapasupriyaḥ || 191 ||
sukhāsanōpaviṣṭaśca saṁhārāstrapradarśitaḥ |
sarvālaṅkārasamyuktakr̥ṣṇagōdānasupriyaḥ || 192 ||
suprasannaḥ suraśrēṣṭhaḥ sughōṣaḥ sukhadaḥ suhr̥t |
siddhārthaḥ siddhasaṅkalpaḥ sarvajñaḥ sarvadaḥ sukhī || 193 ||
sugrīvaḥ sudhr̥tiḥ sāraḥ sukumāraḥ sulōcanaḥ |
suvyaktaḥ saccidānandaḥ suvīraḥ sujanāśrayaḥ || 194 ||
hariścandrasamārādhyō hēyōpādēyavarjitaḥ |
hariścandrēṣṭavaradō haṁsamantrādisaṁstutaḥ || 195 ||
haṁsavāhasamārādhyō haṁsavāhavarapradaḥ |
hr̥dyō hr̥ṣṭō harisakhō haṁsō haṁsagatirhaviḥ || 196 ||
hiraṇyavarṇō hitakr̥ddharṣadō hēmabhūṣaṇaḥ |
havirhōtā haṁsagatirhaṁsamantrādisaṁstutaḥ || 197 ||
hanūmadarcitapadō haladhr̥t pūjitaḥ sadā |
kṣēmadaḥ kṣēmakr̥t kṣēmyaḥ kṣētrajñaḥ kṣāmavarjitaḥ || 198 ||
kṣudraghnaḥ kṣāntidaḥ kṣēmaḥ kṣitibhūṣaḥ kṣamāśrayaḥ |
kṣamādharaḥ kṣayadvārō nāmnāmaṣṭasahasrakam || 199 ||
vākyēnaikēna vakṣyāmi vāñcitārthaṁ prayacchati |
tasmātsarvaprayatnēna niyamēna japētsudhīḥ || 200 ||
iti śrī śanaiścara sahasranāma stōtram |
See more navagraha stōtrāṇi for chanting.
Did you see any mistake/variation in the content above? Click here to report mistakes and corrections in Stotranidhi content.