Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ దుర్గా స్తోత్రనిధి” పారాయణ గ్రంథములో కూడా ఉన్నది. Click here to buy.]
మహాదేవ ఉవాచ |
రక్ష రక్ష మహాదేవి దుర్గే దుర్గతినాశిని |
మాం భక్తమనురక్తం చ శత్రుగ్రస్తం కృపామయి || ౧ ||
విష్ణుమాయే మహాభాగే నారాయణి సనాతని |
బ్రహ్మస్వరూపే పరమే నిత్యానందస్వరూపిణీ || ౨ ||
త్వం చ బ్రహ్మాదిదేవానామంబికే జగదంబికే |
త్వం సాకారే చ గుణతో నిరాకారే చ నిర్గుణాత్ || ౩ ||
మాయయా పురుషస్త్వం చ మాయయా ప్రకృతిః స్వయమ్ |
తయోః పరం బ్రహ్మ పరం త్వం బిభర్షి సనాతని || ౪ ||
వేదానాం జననీ త్వం చ సావిత్రీ చ పరాత్పరా |
వైకుంఠే చ మహాలక్ష్మీః సర్వసంపత్స్వరూపిణీ || ౫ ||
మర్త్యలక్ష్మీశ్చ క్షీరోదే కామినీ శేషశాయినః |
స్వర్గేషు స్వర్గలక్ష్మీస్త్వం రాజలక్ష్మీశ్చ భూతలే || ౬ ||
నాగాదిలక్ష్మీః పాతాలే గృహేషు గృహదేవతా |
సర్వసస్యస్వరూపా త్వం సర్వైశ్వర్యవిధాయినీ || ౭ ||
రాగాధిష్ఠాతృదేవీ త్వం బ్రహ్మణశ్చ సరస్వతీ |
ప్రాణానామధిదేవీ త్వం కృష్ణస్య పరమాత్మనః || ౮ ||
గోలోకే చ స్వయం రాధా శ్రీకృష్ణస్యైవ వక్షసి |
గోలోకాధిష్ఠితా దేవీ వృందా వృందావనే వనే || ౯ ||
శ్రీరాసమండలే రమ్యా వృందావనవినోదినీ |
శతశృంగాధిదేవీ త్వం నామ్నా చిత్రావలీతి చ || ౧౦ ||
దక్షకన్యా కుత్రకల్పే కుత్రకల్పే చ శైలజా |
దేవమాతాఽదితిస్త్వం చ సర్వాధారా వసుంధరా || ౧౧ ||
త్వమేవ గంగా తులసీ త్వం చ స్వాహా స్వధా సతీ |
త్వదంశాంశాంశకలయా సర్వదేవాదియోషితః || ౧౨ ||
స్త్రీరూపం చాపి పురుషం దేవి త్వం చ నపుంసకమ్ |
వృక్షాణాం వృక్షరూపా త్వం సృష్టా చాంకురరూపిణీ || ౧౩ ||
వహ్నౌ చ దాహికా శక్తిర్జలే శైత్యస్వరూపిణీ |
సూర్యే తేజఃస్వరూపా చ ప్రభారూపా చ సంతతమ్ || ౧౪ ||
గంధరూపా చ భూమౌ చ ఆకాశే శబ్దరూపిణీ |
శోభాస్వరూపా చంద్రే చ పద్మసంఘే చ నిశ్చితమ్ || ౧౫ ||
సృష్టౌ సృష్టిస్వరూపా చ పాలనే పరిపాలికా |
మహామారీ చ సంహారే జలే చ జలరూపిణీ || ౧౬ ||
క్షుత్ త్వం దయా త్వం నిద్రా త్వం తృష్ణా త్వం బుద్ధిరూపిణీ |
తుష్టిస్త్వం చాపి పుష్టిస్త్వం శ్రద్ధాస్త్వం చ క్షమా స్వయమ్ || ౧౭ ||
శాంతిస్త్వం చ స్వయం భ్రాంతిః కాంతిస్త్వం కీర్తిరేవ చ |
లజ్జా త్వం చ తథా మాయా భుక్తిముక్తిస్వరూపిణీ || ౧౮ ||
సర్వశక్తిస్వరూపా త్వం సర్వసంపత్ప్రదాయినీ |
వేదేఽనిర్వచనీయా త్వం త్వాం న జానాతి కశ్చన || ౧౯ ||
సహస్రవక్త్రస్త్వాం స్తోతుం న శక్తః సురేశ్వరి |
వేదా న శక్తాః కో విద్వాన్ న చ శక్తా సరస్వతీ || ౨౦ ||
స్వయం విధాతా శక్తో న న చ విష్ణుః సనాతనః |
కిం స్తౌమి పంచవక్త్రైస్తు రణత్రస్తో మహేశ్వరి |
కృపాం కురు మహామాయే మమ శత్రుక్షయం కురు || ౨౧ ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే నారదనారాయణసంవాదే అష్టాశీతితమోఽధ్యాయే మహాదేవ కృత శ్రీ దుర్గా స్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ దుర్గా స్తోత్రనిధి
(నిత్య పారాయణ గ్రంథము)
మరిన్ని శ్రీ దుర్గా స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
