Read in తెలుగు / ಕನ್ನಡ / தமிழ் / देवनागरी / English (IAST)
కాంచీనూపురరత్నకంకణ లసత్కేయూరహారోజ్జ్వలాం
కాశ్మీరారుణకంచుకాంచితకుచాం కస్తూరికాచర్చితామ్ |
కల్హారాంచితకల్పకోజ్జ్వలముఖీం కారుణ్యకల్లోలినీం
కామాక్షీం కలయామి కల్పలతికాం కాంచీపురీదేవతామ్ || ౧ ||
కామారాతిమనఃప్రియాం కమలభూసేవ్యాం రమారాధితాం
కందర్పాధికదర్పదానవిలసత్సౌందర్యదీపాంకురామ్ |
కీరాలాపవినోదినీం భగవతీం కామ్యప్రదానవ్రతాం
కామాక్షీం కలయామి కల్పలతికాం కాంచీపురీదేవతామ్ || ౨ ||
గంధర్వామరసిద్ధచారణవధూద్గేయాపదానాంచితాం
గౌరీం కుంకుమపంకపంకిత కుచద్వంద్వాభిరామాం శుభామ్ |
గంభీరస్మితవిభ్రమాంకితముఖీం గంగాధరాలింగితాం
కామాక్షీం కలయామి కల్పలతికాం కాంచీపురీదేవతామ్ || ౩ ||
విష్ణుబ్రహ్మముఖామరేంద్రపరిషత్కోటీరపీఠస్థలాం
లాక్షారంజితపాదపద్మయుగళాం రాకేందుబింబాననామ్ |
వేదాంతాగమవేద్యచింత్యచరితాం విద్వజ్జనైరాదృతాం
కామాక్షీం కలయామి కల్పలతికాం కాంచీపురీదేవతామ్ || ౪ ||
మాకందద్రుమమూలదేశమహితే మాణిక్యసింహాసనే
దివ్యాం దీపితహేమకాంతినివహావస్త్రావృతాం తాం శుభామ్ |
దివ్యాకల్పితదివ్యదేహభరితాం దృష్టిప్రమోదావహాం
కామాక్షీం కలయామి కల్పలతికాం కాంచీపురీదేవతామ్ || ౫ ||
ఆధారాదిసమస్తచక్రనిలయామాద్యంతశూన్యాముమా-
-మాకాశాదిసమస్తభూతనివహాకారామశేషాత్మికామ్ |
యోగీంద్రైరతి యోగినీశతగణైరారాధితామంబికాం
కామాక్షీం కలయామి కల్పలతికాం కాంచీపురీదేవతామ్ || ౬ ||
హ్రీం‍కారప్రణవాత్మికాం ప్రణమతాం శ్రీవిద్యవిద్యామయీం
ఐం శ్రీం సౌం రుచిమంత్రమూర్తి నివహాకారామశేషాత్మికామ్ |
బ్రహ్మానందరసానుభూతమహితాం బ్రహ్మప్రియంవాదినీం
కామాక్షీం కలయామి కల్పలతికాం కాంచీపురీదేవతామ్ || ౭ ||
సిద్ధానందజనస్య చిన్మయసుఖాకారాం మహాయోగిభిః
మాయావిశ్వవిమోహినీం మధుమతీం ధ్యాయేచ్ఛుభాం బ్రాహ్మణీమ్ |
ధ్యేయాం కిన్నరసిద్ధచారణవధూద్గేయాం సదా యోగిభిః
కామాక్షీం కలయామి కల్పలతికాం కాంచీపురీదేవతామ్ || ౮ ||
కామారికామాం కమలాసనస్థాం
కామ్యప్రదాం కంకణచూడహస్తామ్ |
కాంచీనివాసాం కనకప్రభాసాం
కామాక్షిదేవీం కలయామి చిత్తే || ౯ ||
ఇతి శ్రీ కామాక్షీ స్తోత్రమ్ |
మరిన్ని శ్రీ లలితా స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
