Read in తెలుగు / ಕನ್ನಡ / தமிழ் / देवनागरी / English (IAST)
|| శుభాశుభనిమిత్తదర్శనమ్ ||
స రథం సారథిర్హృష్టః పరసైన్యప్రధర్షణమ్ |
గంధర్వనగరాకారం సముచ్ఛ్రితపతాకినమ్ || ౧ ||
యుక్తం పరమసంపన్నైర్వాజిభిర్హేమమాలిభిః |
యుద్ధోపకరణైః పూర్ణం పతాకాధ్వజమాలినమ్ || ౨ ||
గ్రసంతమివ చాకాశం నాదయంతం వసుంధరామ్ |
ప్రణాశం పరసైన్యానాం స్వసైన్యానాం ప్రహర్షణమ్ || ౩ ||
రావణస్య రథం క్షిప్రం చోదయామాస సారథిః |
తమాపతంతం సహసా స్వనవంతం మహాస్వనమ్ || ౪ ||
రథం రాక్షసరాజస్య నరరాజో దదర్శ హ |
కృష్ణవాజిసమాయుక్తం యుక్తం రౌద్రేణ వర్చసా || ౫ ||
తడిత్పతాకాగహనం దర్శితేంద్రాయుధాయుధమ్ |
శరధారా విముంచంతం ధారాసారమివాంబుదమ్ || ౬ ||
తం దృష్ట్వా మేఘసంకాశమాపతంతం రథం రిపోః |
గిరైర్వజ్రాభిమృష్టస్య దీర్యతః సదృశస్వనమ్ || ౭ ||
విస్ఫారయన్వై వేగేన బాలచంద్రనతం ధనుః |
ఉవాచ మాతలిం రామః సహస్రాక్షస్య సారథిమ్ || ౮ ||
మాతలే పశ్య సంరబ్ధమాపతంతం రథం రిపోః |
యథాపసవ్యం పతతా వేగేన మహతా పునః || ౯ ||
సమరే హంతుమాత్మానం తథా తేన కృతా మతిః |
తదప్రమాదమాతిష్ఠన్ప్రత్యుద్గచ్ఛ రథం రిపోః || ౧౦ ||
విధ్వంసయితుమిచ్ఛామి వాయుర్మేఘమివోత్థితమ్ |
అవిక్లవమసంభ్రాంతమవ్యగ్రహృదయేక్షణమ్ || ౧౧ ||
రశ్మిసంచారనియతం ప్రచోదయ రథం ద్రుతమ్ |
కామం న త్వం సమాధేయః పురందరరథోచితః || ౧౨ ||
యుయుత్సురహమేకాగ్రః స్మారయే త్వాం న శిక్షయే |
పరితుష్టః స రామస్య తేన వాక్యేన మాతలిః || ౧౩ ||
ప్రచోదయామాస రథం సురసారథిసత్తమః |
అపసవ్యం తతః కుర్వన్రావణస్య మహారథమ్ || ౧౪ ||
చక్రోత్క్షిప్తేన రజసా రావణం వ్యవధానయత్ |
తతః క్రుద్ధో దశగ్రీవస్తామ్రవిస్ఫారితేక్షణః || ౧౫ ||
రథప్రతిముఖం రామం సాయకైరవధూనయత్ |
ధర్షణామర్షితో రామో ధైర్యం రోషేణ లంభయన్ || ౧౬ ||
జగ్రాహ సుమహావేగమైంద్రం యుధి శరాసనమ్ |
శరాంశ్చ సుమహాతేజాః సూర్యరశ్మిసమప్రభాన్ || ౧౭ ||
తదోపోఢం మహద్యుద్ధమన్యోన్యవధకాంక్షిణోః |
పరస్పరాభిముఖయోర్దృప్తయోరివ సింహయోః || ౧౮ ||
తతో దేవాః సగంధర్వాః సిద్ధాశ్చ పరమర్షయః |
సమేయుర్ద్వైరథం దృష్టుం రావణక్షయకాంక్షిణః || ౧౯ ||
సముత్పేతురథోత్పాతా దారుణా రోమహర్షణాః |
రావణస్య వినాశాయ రాఘవస్య జయాయ చ || ౨౦ ||
వవర్ష రుధిరం దేవో రావణస్య రథోపరి |
వాతా మండలినస్తీక్ష్ణా హ్యపసవ్యం ప్రచక్రముః || ౨౧ ||
మహద్గృధ్రకులం చాస్య భ్రమమాణం నభఃస్థలే |
యేనయేన రథో యాతి తేనతేన ప్రధావతి || ౨౨ ||
సంధ్యయా చావృతా లంకా జపాపుష్పనికాశయా |
దృశ్యతే సంప్రదీప్తేవ దివసేఽపి వసుంధరా || ౨౩ ||
సనిర్ఘాతా మహోల్కాశ్చ సంప్రచేరుర్మహాస్వనాః |
విషాదయంస్తే రక్షాంసి రావణస్య తదాఽహితాః || ౨౪ ||
రావణశ్చ యతస్తత్ర సంచచాల వసుంధరా |
రక్షసాం చ ప్రహరతాం గృహీతా ఇవ బాహవః || ౨౫ ||
తామ్రాః పీతాః సితాః శ్వేతాః పతితాః సూర్యరశ్మయః |
దృశ్యంతే రావణస్యాంగే పర్వతస్యేవ ధాతవః || ౨౬ ||
గృధ్రైరనుగతాశ్చాస్య వమంత్యో జ్వలనం ముఖైః |
ప్రణేదుర్ముఖమీక్షంత్యః సంరబ్ధమశివం శివాః || ౨౭ ||
ప్రతికూలం వవౌ వాయూ రణే పాంసూన్సమాకిరన్ |
తస్య రాక్షసరాజస్య కుర్వన్దృష్టివిలోపనమ్ || ౨౮ ||
నిపేతురింద్రాశనయః సైన్యే చాస్య సమంతతః |
దుర్విషహ్యస్వనా ఘోరా వినా జలధరస్వనమ్ || ౨౯ ||
దిశశ్చ ప్రదిశః సర్వా బభూవుస్తిమిరావృతాః |
పాంసువర్షేణ మహతా దుర్దర్శం చ నభోఽభవత్ || ౩౦ ||
కుర్వంత్యః కలహం ఘోరం శారికాస్తద్రథం ప్రతి |
నిపేతుః శతశస్తత్ర దారుణం దారుణారుతాః || ౩౧ ||
జఘనేభ్యః స్ఫులింగాంశ్చ నేత్రేభ్యోఽశ్రూణి సంతతమ్ |
ముముచుస్తస్య తురగాస్తుల్యమగ్నిం చ వారి చ || ౩౨ ||
ఏవంప్రకారా బహవః సముత్పాతా భయావహాః |
రావణస్య వినాశాయ దారుణాః సంప్రజజ్ఞిరే || ౩౩ ||
రామస్యాపి నిమిత్తాని సౌమ్యాని చ శుభాని చ |
బభూవుర్జయశంసీని ప్రాదుర్భూతాని సర్వశః || ౩౪ ||
నిమిత్తాని చ సౌమ్యాని రాఘవః స్వజయాయ చ |
దృష్ట్వా పరమసంహృష్టో హతం మేనే చ రావణమ్ || ౩౫ ||
తతో నిరీక్ష్యాత్మగతాని రాఘవో
రణే నిమిత్తాని నిమిత్తకోవిదః |
జగామ హర్షం చ పరాం చ నిర్వృత్తిం
చకార యుద్ధే హ్యధికం చ విక్రమమ్ || ౩౬ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే అష్టోత్తరశతతమః సర్గః || ౧౦౮ ||
యుద్ధకాండ నవోత్తరశతతమః సర్గః (౧౦౯) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
