Yuddha Kanda Sarga 108 – யுத்³த⁴காண்ட³ அஷ்டோத்தரஶததம꞉ ஸர்க³꞉ (108)


॥ ஶுபா⁴ஶுப⁴நிமித்தத³ர்ஶநம் ॥

ஸ ரத²ம் ஸாரதி²ர்ஹ்ருஷ்ட꞉ பரஸைந்யப்ரத⁴ர்ஷணம் ।
க³ந்த⁴ர்வநக³ராகாரம் ஸமுச்ச்²ரிதபதாகிநம் ॥ 1 ॥

யுக்தம் பரமஸம்பந்நைர்வாஜிபி⁴ர்ஹேமமாலிபி⁴꞉ ।
யுத்³தோ⁴பகரணை꞉ பூர்ணம் பதாகாத்⁴வஜமாலிநம் ॥ 2 ॥

க்³ரஸந்தமிவ சாகாஶம் நாத³யந்தம் வஸுந்த⁴ராம் ।
ப்ரணாஶம் பரஸைந்யாநாம் ஸ்வஸைந்யாநாம் ப்ரஹர்ஷணம் ॥ 3 ॥

ராவணஸ்ய ரத²ம் க்ஷிப்ரம் சோத³யாமாஸ ஸாரதி²꞉ ।
தமாபதந்தம் ஸஹஸா ஸ்வநவந்தம் மஹாஸ்வநம் ॥ 4 ॥

ரத²ம் ராக்ஷஸராஜஸ்ய நரராஜோ த³த³ர்ஶ ஹ ।
க்ருஷ்ணவாஜிஸமாயுக்தம் யுக்தம் ரௌத்³ரேண வர்சஸா ॥ 5 ॥

தடி³த்பதாகாக³ஹநம் த³ர்ஶிதேந்த்³ராயுதா⁴யுத⁴ம் ।
ஶரதா⁴ரா விமுஞ்சந்தம் தா⁴ராஸாரமிவாம்பு³த³ம் ॥ 6 ॥

தம் த்³ருஷ்ட்வா மேக⁴ஸங்காஶமாபதந்தம் ரத²ம் ரிபோ꞉ ।
கி³ரைர்வஜ்ராபி⁴ம்ருஷ்டஸ்ய தீ³ர்யத꞉ ஸத்³ருஶஸ்வநம் ॥ 7 ॥

விஸ்பா²ரயந்வை வேகே³ந பா³லசந்த்³ரநதம் த⁴நு꞉ ।
உவாச மாதலிம் ராம꞉ ஸஹஸ்ராக்ஷஸ்ய ஸாரதி²ம் ॥ 8 ॥

மாதலே பஶ்ய ஸம்ரப்³த⁴மாபதந்தம் ரத²ம் ரிபோ꞉ ।
யதா²பஸவ்யம் பததா வேகே³ந மஹதா புந꞉ ॥ 9 ॥

ஸமரே ஹந்துமாத்மாநம் ததா² தேந க்ருதா மதி꞉ ।
தத³ப்ரமாத³மாதிஷ்ட²ந்ப்ரத்யுத்³க³ச்ச² ரத²ம் ரிபோ꞉ ॥ 10 ॥

வித்⁴வம்ஸயிதுமிச்சா²மி வாயுர்மேக⁴மிவோத்தி²தம் ।
அவிக்லவமஸம்ப்⁴ராந்தமவ்யக்³ரஹ்ருத³யேக்ஷணம் ॥ 11 ॥

ரஶ்மிஸஞ்சாரநியதம் ப்ரசோத³ய ரத²ம் த்³ருதம் ।
காமம் ந த்வம் ஸமாதே⁴ய꞉ புரந்த³ரரதோ²சித꞉ ॥ 12 ॥

யுயுத்ஸுரஹமேகாக்³ர꞉ ஸ்மாரயே த்வாம் ந ஶிக்ஷயே ।
பரிதுஷ்ட꞉ ஸ ராமஸ்ய தேந வாக்யேந மாதலி꞉ ॥ 13 ॥

ப்ரசோத³யாமாஸ ரத²ம் ஸுரஸாரதி²ஸத்தம꞉ ।
அபஸவ்யம் தத꞉ குர்வந்ராவணஸ்ய மஹாரத²ம் ॥ 14 ॥

சக்ரோத்க்ஷிப்தேந ரஜஸா ராவணம் வ்யவதா⁴நயத் ।
தத꞉ க்ருத்³தோ⁴ த³ஶக்³ரீவஸ்தாம்ரவிஸ்பா²ரிதேக்ஷண꞉ ॥ 15 ॥

ரத²ப்ரதிமுக²ம் ராமம் ஸாயகைரவதூ⁴நயத் ।
த⁴ர்ஷணாமர்ஷிதோ ராமோ தை⁴ர்யம் ரோஷேண லம்ப⁴யந் ॥ 16 ॥

ஜக்³ராஹ ஸுமஹாவேக³மைந்த்³ரம் யுதி⁴ ஶராஸநம் ।
ஶராம்ஶ்ச ஸுமஹாதேஜா꞉ ஸூர்யரஶ்மிஸமப்ரபா⁴ந் ॥ 17 ॥

ததோ³போட⁴ம் மஹத்³யுத்³த⁴மந்யோந்யவத⁴காங்க்ஷிணோ꞉ ।
பரஸ்பராபி⁴முக²யோர்த்³ருப்தயோரிவ ஸிம்ஹயோ꞉ ॥ 18 ॥

ததோ தே³வா꞉ ஸக³ந்த⁴ர்வா꞉ ஸித்³தா⁴ஶ்ச பரமர்ஷய꞉ ।
ஸமேயுர்த்³வைரத²ம் த்³ருஷ்டும் ராவணக்ஷயகாங்க்ஷிண꞉ ॥ 19 ॥

ஸமுத்பேதுரதோ²த்பாதா தா³ருணா ரோமஹர்ஷணா꞉ ।
ராவணஸ்ய விநாஶாய ராக⁴வஸ்ய ஜயாய ச ॥ 20 ॥

வவர்ஷ ருதி⁴ரம் தே³வோ ராவணஸ்ய ரதோ²பரி ।
வாதா மண்ட³லிநஸ்தீக்ஷ்ணா ஹ்யபஸவ்யம் ப்ரசக்ரமு꞉ ॥ 21 ॥

மஹத்³க்³ருத்⁴ரகுலம் சாஸ்ய ப்⁴ரமமாணம் நப⁴꞉ஸ்த²லே ।
யேநயேந ரதோ² யாதி தேநதேந ப்ரதா⁴வதி ॥ 22 ॥

ஸந்த்⁴யயா சாவ்ருதா லங்கா ஜபாபுஷ்பநிகாஶயா ।
த்³ருஶ்யதே ஸம்ப்ரதீ³ப்தேவ தி³வஸே(அ)பி வஸுந்த⁴ரா ॥ 23 ॥

ஸநிர்கா⁴தா மஹோல்காஶ்ச ஸம்ப்ரசேருர்மஹாஸ்வநா꞉ ।
விஷாத³யம்ஸ்தே ரக்ஷாம்ஸி ராவணஸ்ய ததா³(அ)ஹிதா꞉ ॥ 24 ॥

ராவணஶ்ச யதஸ்தத்ர ஸஞ்சசால வஸுந்த⁴ரா ।
ரக்ஷஸாம் ச ப்ரஹரதாம் க்³ருஹீதா இவ பா³ஹவ꞉ ॥ 25 ॥

தாம்ரா꞉ பீதா꞉ ஸிதா꞉ ஶ்வேதா꞉ பதிதா꞉ ஸூர்யரஶ்மய꞉ ।
த்³ருஶ்யந்தே ராவணஸ்யாங்கே³ பர்வதஸ்யேவ தா⁴தவ꞉ ॥ 26 ॥

க்³ருத்⁴ரைரநுக³தாஶ்சாஸ்ய வமந்த்யோ ஜ்வலநம் முகை²꞉ ।
ப்ரணேது³ர்முக²மீக்ஷந்த்ய꞉ ஸம்ரப்³த⁴மஶிவம் ஶிவா꞉ ॥ 27 ॥

ப்ரதிகூலம் வவௌ வாயூ ரணே பாம்ஸூந்ஸமாகிரந் ।
தஸ்ய ராக்ஷஸராஜஸ்ய குர்வந்த்³ருஷ்டிவிளோபநம் ॥ 28 ॥

நிபேதுரிந்த்³ராஶநய꞉ ஸைந்யே சாஸ்ய ஸமந்தத꞉ ।
து³ர்விஷஹ்யஸ்வநா கோ⁴ரா விநா ஜலத⁴ரஸ்வநம் ॥ 29 ॥

தி³ஶஶ்ச ப்ரதி³ஶ꞉ ஸர்வா ப³பூ⁴வுஸ்திமிராவ்ருதா꞉ ।
பாம்ஸுவர்ஷேண மஹதா து³ர்த³ர்ஶம் ச நபோ⁴(அ)ப⁴வத் ॥ 30 ॥

குர்வந்த்ய꞉ கலஹம் கோ⁴ரம் ஶாரிகாஸ்தத்³ரத²ம் ப்ரதி ।
நிபேது꞉ ஶதஶஸ்தத்ர தா³ருணம் தா³ருணாருதா꞉ ॥ 31 ॥

ஜக⁴நேப்⁴ய꞉ ஸ்பு²லிங்கா³ம்ஶ்ச நேத்ரேப்⁴யோ(அ)ஶ்ரூணி ஸந்ததம் ।
முமுசுஸ்தஸ்ய துரகா³ஸ்துல்யமக்³நிம் ச வாரி ச ॥ 32 ॥

ஏவம்ப்ரகாரா ப³ஹவ꞉ ஸமுத்பாதா ப⁴யாவஹா꞉ ।
ராவணஸ்ய விநாஶாய தா³ருணா꞉ ஸம்ப்ரஜஜ்ஞிரே ॥ 33 ॥

ராமஸ்யாபி நிமித்தாநி ஸௌம்யாநி ச ஶுபா⁴நி ச ।
ப³பூ⁴வுர்ஜயஶம்ஸீநி ப்ராது³ர்பூ⁴தாநி ஸர்வஶ꞉ ॥ 34 ॥

நிமித்தாநி ச ஸௌம்யாநி ராக⁴வ꞉ ஸ்வஜயாய ச ।
த்³ருஷ்ட்வா பரமஸம்ஹ்ருஷ்டோ ஹதம் மேநே ச ராவணம் ॥ 35 ॥

ததோ நிரீக்ஷ்யாத்மக³தாநி ராக⁴வோ
ரணே நிமித்தாநி நிமித்தகோவித³꞉ ।
ஜகா³ம ஹர்ஷம் ச பராம் ச நிர்வ்ருத்திம்
சகார யுத்³தே⁴ ஹ்யதி⁴கம் ச விக்ரமம் ॥ 36 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ அஷ்டோத்தரஶததம꞉ ஸர்க³꞉ ॥ 108 ॥

யுத்³த⁴காண்ட³ நவோத்தரஶததம꞉ ஸர்க³꞉ (109) >>


ஸம்பூர்ண வால்மீகி ராமாயணே யுத்³த⁴காண்ட³ பார்க்க


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed