Read in తెలుగు / ಕನ್ನಡ / தமிழ் / देवनागरी / English (IAST)
|| ఇంద్రజిన్మాయావివరణమ్ ||
రామమాశ్వాసయానే తు లక్ష్మణే భ్రాతృవత్సలే |
నిక్షిప్య గుల్మాన్స్వస్థానే తత్రాగచ్ఛద్విభీషణః || ౧ ||
నానాప్రహరణైర్వీరైశ్చతుర్భిః సచివైర్వృతః |
నీలాంజనచయాకారైర్మాతంగైరివ యూథపః || ౨ ||
సోఽభిగమ్య మహాత్మానం రాఘవం శోకలాలసమ్ |
వానరాంశ్చైవ దదృశే బాష్పపర్యాకులేక్షణాన్ || ౩ ||
రాఘవం చ మహాత్మానమిక్ష్వాకుకులనందనమ్ |
దదర్శ మోహమాపన్నం లక్ష్మణస్యాంకమాశ్రితమ్ || ౪ ||
వ్రీడితం శోకసంతప్తం దృష్ట్వా రామం విభీషణః |
అంతర్దుఃఖేన దీనాత్మా కిమేతదితి సోఽబ్రవీత్ || ౫ ||
విభీషణముఖం దృష్ట్వా సుగ్రీవం తాంశ్చ వానరాన్ |
లక్ష్మణోవాచ మందార్థమిదం బాష్పపరిప్లుతః || ౬ ||
హతామింద్రజితా సీతామిహ శ్రుత్వైవ రాఘవః |
హనుమద్వచనాత్సౌమ్య తతో మోహముపాగతః || ౭ ||
కథయంతం తు సౌమిత్రిం సన్నివార్య విభీషణః |
పుష్కలార్థమిదం వాక్యం విసంజ్ఞం రామమబ్రవీత్ || ౮ ||
మనుజేంద్రార్తరూపేణ యదుక్తం చ హనూమతా |
తదయుక్తమహం మన్యే సాగరస్యేవ శోషణమ్ || ౯ ||
అభిప్రాయం తు జానామి రావణస్య దురాత్మనః |
సీతాం ప్రతి మహాబాహో న చ ఘాతం కరిష్యతి || ౧౦ ||
యాచ్యమానస్తు బహుశో మయా హితచికీర్షుణా |
వైదేహీముత్సృజస్వేతి న చ తత్కృతవాన్వచః || ౧౧ ||
నైవ సామ్నా న దానేన న భేదేన కుతో యుధా |
సా ద్రష్టుమపి శక్యేత నైవ చాన్యేన కేనచిత్ || ౧౨ ||
వానరాన్మోహయిత్వా తు ప్రతియాతః స రాక్షసః |
చైత్యం నికుంభిలాం నామ యత్ర హోమం కరిష్యతి || ౧౩ ||
హుతవానుపయాతో హి దేవైరపి సవాసవైః |
దురాధర్షో భవత్యేవ సంగ్రామే రావణాత్మజః || ౧౪ ||
తేన మోహయతా నూనమేషా మాయా ప్రయోజితా |
విఘ్నమన్విచ్ఛతా తత్ర వానరాణాం పరాక్రమే || ౧౫ ||
ససైన్యాస్తత్ర గచ్ఛామో యావత్తన్న సమాప్యతే |
త్యజేమం నరశార్దూల మిథ్యా సంతాపమాగతమ్ || ౧౬ ||
సీదతే హి బలం సర్వం దృష్ట్వా త్వాం శోకకర్శితమ్ |
ఇహ త్వం స్వస్థహృదయస్తిష్ఠ సత్త్వసముచ్ఛ్రితః || ౧౭ ||
లక్ష్మణం ప్రేషయాస్మాభిః సహ సైన్యానుకర్షిభిః |
ఏష తం నరశార్దూలో రావణిం నిశితైః శరైః |
త్యాజయిష్యతి తత్కర్మ తతో వధ్యో భవిష్యతి || ౧౮ ||
తస్యైతే నిశితాస్తీక్ష్ణాః పత్రిపత్రాంగవాజినః |
పతత్రిణ ఇవాసౌమ్యాః శరాః పాస్యంతి శోణితమ్ || ౧౯ ||
తం సందిశ మహాబాహో లక్ష్మణం శుభలక్షణమ్ |
రాక్షసస్య వినాశాయ వజ్రం వజ్రధరో యథా || ౨౦ ||
మనుజవర న కాలవిప్రకర్షో
రిపునిధనం ప్రతి యత్క్షమోఽద్య కర్తుమ్ |
త్వమతిసృజ రిపోర్వధాయ వాణీ-
-మమరరిపోర్మథనే యథా మహేంద్రః || ౨౧ ||
సమాప్తకర్మా హి స రాక్షసాధిపో
భవత్యదృశ్యః సమరే సురాసురైః |
యుయుత్సతా తేన సమాప్తకర్మణా
భవేత్సురాణామపి సంశయో మహాన్ || ౨౨ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే చతురశీతితమః సర్గః || ౮౪ ||
యుద్ధకాండ పంచాశీతితమః సర్గః (౮౫) >>
సంపూర్ణ శ్రీవాల్మీకి రామాయణ యుద్ధకాండ చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
