Read in తెలుగు / ಕನ್ನಡ / தமிழ் / देवनागरी / English (IAST)
|| śabalāniṣkriyaḥ ||
ēvamuktā vasiṣṭhēna śabalā śatrusūdana |
vidadhē kāmadhukkāmānyasya yasya yathēpsitam || 1 ||
ikṣūnmadhūṁstathā lājānmairēyāṁśca varāsavān |
pānāni ca mahārhāṇi bhakṣyāṁścōccāvacāṁstathā || 2 ||
uṣṇāḍhyasyaudanasyātra rāśayaḥ parvatōpamāḥ |
mr̥ṣṭānnāni ca sūpāśca dadhikulyāstathaiva ca || 3 ||
nānāsvādurasānāṁ ca ṣaḍrasānāṁ tathaiva ca | [ṣāḍabānāṁ]
bhōjanāni supūrṇāni gauḍāni ca sahasraśaḥ || 4 ||
sarvamāsītsusantuṣṭaṁ hr̥ṣṭapuṣṭajanāyutam |
viśvāmitrabalaṁ rāma vasiṣṭhēnābhitarpitam || 5 ||
viśvāmitrō:’pi rājarṣirhr̥ṣṭaḥ puṣṭastadābhavat |
sāntaḥpuravarō rājā sabrāhmaṇapurōhitaḥ || 6 ||
sāmātyō mantrisahitaḥ sabhr̥tyaḥ pūjitastadā |
yuktaḥ paramaharṣēṇa vasiṣṭhamidamabravīt || 7 ||
pūjitō:’haṁ tvayā brahmanpūjārhēṇa susatkr̥taḥ |
śrūyatāmabhidhāsyāmi vākyaṁ vākyaviśārada || 8 ||
gavāṁ śatasahasrēṇa dīyatāṁ śabalā mama |
ratnaṁ hi bhagavannētadratnahārī ca pārthivaḥ || 9 ||
tasmānmē śabalāṁ dēhi mamaiṣā dharmatō dvija |
ēvamuktastu bhagavānvasiṣṭhō munisattamaḥ || 10 ||
viśvāmitrēṇa dharmātmā pratyuvāca mahīpatim |
nāhaṁ śatasahasrēṇa nāpi kōṭiśatairgavām || 11 ||
rājandāsyāmi śabalāṁ rāśibhī rajatasya vā |
na parityāgamarhēyaṁ matsakāśādarindama || 12 ||
śāśvatī śabalā mahyaṁ kīrtirātmavatō yathā |
asyāṁ havyaṁ ca kavyaṁ ca prāṇayātrā tathaiva ca || 13 ||
āyattamagnihōtraṁ ca balirhōmastathaiva ca |
svāhākāravaṣaṭkārau vidyāśca vividhāstathā || 14 ||
āyattamatra rājarṣē sarvamētanna saṁśayaḥ |
sarvasvamētatsatyēna mama tuṣṭikarī sadā || 15 ||
kāraṇairbahubhī rājanna dāsyē śabalāṁ tava |
vasiṣṭhēnaivamuktastu viśvāmitrō:’bravīttataḥ || 16 ||
saṁrabdhataramatyarthaṁ vākyaṁ vākyaviśāradaḥ |
hairaṇyakakṣyāgraivēyānsuvarṇāṅkuśabhūṣitān || 17 ||
dadāmi kuñjarāṇāṁ tē sahasrāṇi caturdaśa |
hairaṇyānāṁ rathānāṁ ca śvētāśvānāṁ caturyujām || 18 ||
dadāmi tē śatānyaṣṭau kiṅkiṇīkavibhūṣitān |
hayānāṁ dēśajātānāṁ kulajānāṁ mahaujasām || 19 ||
sahasramēkaṁ daśa ca dadāmi tava suvrata |
nānāvarṇavibhaktānāṁ vayaḥsthānāṁ tathaiva ca || 20 ||
dadāmyēkāṁ gavāṁ kōṭiṁ śabalā dīyatāṁ mama |
yāvadicchasi ratnaṁ vā hiraṇyaṁ vā dvijōttama || 21 ||
tāvaddāsyāmi tatsarvaṁ śabalā dīyatāṁ mama |
ēvamuktastu bhagavānviśvāmitrēṇa dhīmatā || 22 ||
na dāsyāmīti śabalāṁ prāha rājankathañcana |
ētadēva hi mē ratnamētadēva hi mē dhanam || 23 ||
ētadēva hi sarvasvamētadēva hi jīvitam |
darśaśca paurṇamāsaśca yajñāścaivāptadakṣiṇāḥ || 24 ||
ētadēva hi mē rājanvividhāśca kriyāstathā |
adōmūlāḥ kriyāḥ sarvā mama rājanna saṁśayaḥ |
bahunā kiṁ pralāpēna na dāsyē kāmadōhinīm || 25 ||
ityārṣē śrīmadrāmāyaṇē vālmīkīyē ādikāvyē bālakāṇḍē tripañcāśaḥ sargaḥ || 53 ||
bālakāṇḍa catuḥpañcāśaḥ sargaḥ (54) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
