Balakanda Sarga 53 – பா³லகாண்ட³ த்ரிபஞ்சாஶ꞉ ஸர்க³꞉ (53)

॥ ஶப³லாநிஷ்க்ரிய꞉ ॥

ஏவமுக்தா வஸிஷ்டே²ந ஶப³லா ஶத்ருஸூத³ந ।
வித³தே⁴ காமது⁴க்காமாந்யஸ்ய யஸ்ய யதே²ப்ஸிதம் ॥ 1 ॥

இக்ஷூந்மதூ⁴ம்ஸ்ததா² லாஜாந்மைரேயாம்ஶ்ச வராஸவாந் ।
பாநாநி ச மஹார்ஹாணி ப⁴க்ஷ்யாம்ஶ்சோச்சாவசாம்ஸ்ததா² ॥ 2 ॥

உஷ்ணாட்⁴யஸ்யௌத³நஸ்யாத்ர ராஶய꞉ பர்வதோபமா꞉ ।
ம்ருஷ்டாந்நாநி ச ஸூபாஶ்ச த³தி⁴குல்யாஸ்ததை²வ ச ॥ 3 ॥

நாநாஸ்வாது³ரஸாநாம் ச ஷட்³ரஸாநாம் ததை²வ ச । [ஷாட³பா³நாம்]
போ⁴ஜநாநி ஸுபூர்ணாநி கௌ³டா³நி ச ஸஹஸ்ரஶ꞉ ॥ 4 ॥

ஸர்வமாஸீத்ஸுஸந்துஷ்டம் ஹ்ருஷ்டபுஷ்டஜநாயுதம் ।
விஶ்வாமித்ரப³லம் ராம வஸிஷ்டே²நாபி⁴தர்பிதம் ॥ 5 ॥

விஶ்வாமித்ரோ(அ)பி ராஜர்ஷிர்ஹ்ருஷ்ட꞉ புஷ்டஸ்ததா³ப⁴வத் ।
ஸாந்த꞉புரவரோ ராஜா ஸப்³ராஹ்மணபுரோஹித꞉ ॥ 6 ॥

ஸாமாத்யோ மந்த்ரிஸஹித꞉ ஸப்⁴ருத்ய꞉ பூஜிதஸ்ததா³ ।
யுக்த꞉ பரமஹர்ஷேண வஸிஷ்ட²மித³மப்³ரவீத் ॥ 7 ॥

பூஜிதோ(அ)ஹம் த்வயா ப்³ரஹ்மந்பூஜார்ஹேண ஸுஸத்க்ருத꞉ ।
ஶ்ரூயதாமபி⁴தா⁴ஸ்யாமி வாக்யம் வாக்யவிஶாரத³ ॥ 8 ॥

க³வாம் ஶதஸஹஸ்ரேண தீ³யதாம் ஶப³லா மம ।
ரத்நம் ஹி ப⁴க³வந்நேதத்³ரத்நஹாரீ ச பார்தி²வ꞉ ॥ 9 ॥

தஸ்மாந்மே ஶப³லாம் தே³ஹி மமைஷா த⁴ர்மதோ த்³விஜ ।
ஏவமுக்தஸ்து ப⁴க³வாந்வஸிஷ்டோ² முநிஸத்தம꞉ ॥ 10 ॥

விஶ்வாமித்ரேண த⁴ர்மாத்மா ப்ரத்யுவாச மஹீபதிம் ।
நாஹம் ஶதஸஹஸ்ரேண நாபி கோடிஶதைர்க³வாம் ॥ 11 ॥

ராஜந்தா³ஸ்யாமி ஶப³லாம் ராஶிபீ⁴ ரஜதஸ்ய வா ।
ந பரித்யாக³மர்ஹேயம் மத்ஸகாஶாத³ரிந்த³ம ॥ 12 ॥

ஶாஶ்வதீ ஶப³லா மஹ்யம் கீர்திராத்மவதோ யதா² ।
அஸ்யாம் ஹவ்யம் ச கவ்யம் ச ப்ராணயாத்ரா ததை²வ ச ॥ 13 ॥

ஆயத்தமக்³நிஹோத்ரம் ச ப³லிர்ஹோமஸ்ததை²வ ச ।
ஸ்வாஹாகாரவஷட்காரௌ வித்³யாஶ்ச விவிதா⁴ஸ்ததா² ॥ 14 ॥

ஆயத்தமத்ர ராஜர்ஷே ஸர்வமேதந்ந ஸம்ஶய꞉ ।
ஸர்வஸ்வமேதத்ஸத்யேந மம துஷ்டிகரீ ஸதா³ ॥ 15 ॥

காரணைர்ப³ஹுபீ⁴ ராஜந்ந தா³ஸ்யே ஶப³லாம் தவ ।
வஸிஷ்டே²நைவமுக்தஸ்து விஶ்வாமித்ரோ(அ)ப்³ரவீத்தத꞉ ॥ 16 ॥

ஸம்ரப்³த⁴தரமத்யர்த²ம் வாக்யம் வாக்யவிஶாரத³꞉ ।
ஹைரண்யகக்ஷ்யாக்³ரைவேயாந்ஸுவர்ணாங்குஶபூ⁴ஷிதாந் ॥ 17 ॥

த³தா³மி குஞ்ஜராணாம் தே ஸஹஸ்ராணி சதுர்த³ஶ ।
ஹைரண்யாநாம் ரதா²நாம் ச ஶ்வேதாஶ்வாநாம் சதுர்யுஜாம் ॥ 18 ॥

த³தா³மி தே ஶதாந்யஷ்டௌ கிங்கிணீகவிபூ⁴ஷிதாந் ।
ஹயாநாம் தே³ஶஜாதாநாம் குலஜாநாம் மஹௌஜஸாம் ॥ 19 ॥

ஸஹஸ்ரமேகம் த³ஶ ச த³தா³மி தவ ஸுவ்ரத ।
நாநாவர்ணவிப⁴க்தாநாம் வய꞉ஸ்தா²நாம் ததை²வ ச ॥ 20 ॥

த³தா³ம்யேகாம் க³வாம் கோடிம் ஶப³லா தீ³யதாம் மம ।
யாவதி³ச்ச²ஸி ரத்நம் வா ஹிரண்யம் வா த்³விஜோத்தம ॥ 21 ॥

தாவத்³தா³ஸ்யாமி தத்ஸர்வம் ஶப³லா தீ³யதாம் மம ।
ஏவமுக்தஸ்து ப⁴க³வாந்விஶ்வாமித்ரேண தீ⁴மதா ॥ 22 ॥

ந தா³ஸ்யாமீதி ஶப³லாம் ப்ராஹ ராஜந்கத²ஞ்சந ।
ஏததே³வ ஹி மே ரத்நமேததே³வ ஹி மே த⁴நம் ॥ 23 ॥

ஏததே³வ ஹி ஸர்வஸ்வமேததே³வ ஹி ஜீவிதம் ।
த³ர்ஶஶ்ச பௌர்ணமாஸஶ்ச யஜ்ஞாஶ்சைவாப்தத³க்ஷிணா꞉ ॥ 24 ॥

ஏததே³வ ஹி மே ராஜந்விவிதா⁴ஶ்ச க்ரியாஸ்ததா² ।
அதோ³மூலா꞉ க்ரியா꞉ ஸர்வா மம ராஜந்ந ஸம்ஶய꞉ ।
ப³ஹுநா கிம் ப்ரளாபேந ந தா³ஸ்யே காமதோ³ஹிநீம் ॥ 25 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ த்ரிபஞ்சாஶ꞉ ஸர்க³꞉ ॥ 53 ॥

பா³லகாண்ட³ சது꞉பஞ்சாஶ꞉ ஸர்க³꞉ (54) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.