Read in తెలుగు / ಕನ್ನಡ / தமிழ் / देवनागरी / English (IAST)
|| kapiladarśanam ||
dēvatānāṁ vacaḥ śrutvā bhagavān vai pitāmahaḥ |
pratyuvāca susantrastānkr̥tāntabalamōhitān || 1 ||
yasyēyaṁ vasudhā kr̥tsnā vāsudēvasya dhīmataḥ |
[* mahiṣī mādhavasyaiṣā sa ēṣa bhagavān prabhuḥ | *]
kāpilaṁ rūpamāsthāya dhārayatyaniśaṁ dharām || 2 ||
tasya kōpāgninā dagdhā bhaviṣyanti nr̥pātmajāḥ |
pr̥thivyāścāpi nirbhēdō dr̥ṣṭa ēva sanātanaḥ || 3 ||
sagarasya ca putrāṇāṁ vināśō:’dīrghajīvinām |
pitāmahavacaḥ śrutvā trayastriṁśadarindama || 4 ||
dēvāḥ paramasaṁhr̥ṣṭāḥ punarjagmuryathāgatam |
sagarasya ca putrāṇāṁ prādurāsīnmahātmanām || 5 ||
pr̥thivyāṁ bhidyamānāyāṁ nirghātasamaniḥsvanaḥ |
tatō bhittvā mahīṁ kr̥tsnāṁ kr̥tvā cābhipradakṣiṇam || 6 ||
sahitāḥ sāgarāḥ sarvē pitaraṁ vākyamabruvan |
parikrāntā mahī sarvā sattvavantaśca sūditāḥ || 7 ||
dēvadānavarakṣāṁsi piśācōragakinnarāḥ | [pannagāḥ]
na ca paśyāmahē:’śvaṁ tamaśvahartāramēva ca || 8 ||
kiṁ kariṣyāma bhadraṁ tē buddhiratra vicāryatām |
tēṣāṁ tadvacanaṁ śrutvā putrāṇāṁ rājasattamaḥ || 9 ||
samanyurabravīdvākyaṁ sagarō raghunandana |
bhūyaḥ khanata bhadraṁ vō nidbhidya vasudhātalam || 10 ||
aśvahartāramāsādya kr̥tārthāśca nivartatha |
piturvacanamāsthāya sagarasya mahātmanaḥ || 11 ||
ṣaṣṭiḥ putrasahasrāṇi rasātalamabhidravan |
khanyamānē tatastasmindadr̥śuḥ parvatōpamam || 12 ||
diśāgajaṁ virūpākṣaṁ dhārayantaṁ mahītalam |
saparvatavanāṁ kr̥tsnāṁ pr̥thivīṁ raghunandana || 13 ||
śirasā dhārayāmāsa virūpākṣō mahāgajaḥ |
yadā parvaṇi kākutstha viśramārthaṁ mahāgajaḥ || 14 ||
khēdāccālayatē śīrṣaṁ bhūmikampastadā bhavēt |
taṁ tē pradakṣiṇaṁ kr̥tvā diśāpālaṁ mahāgajam || 15 ||
mānayantō hi tē rāma jagmurbhitvā rasātalam |
tataḥ pūrvāṁ diśaṁ bhitvā dakṣiṇāṁ bibhiduḥ punaḥ || 16 ||
dakṣiṇasyāmapi diśi dadr̥śustē mahāgajam |
mahāpadmaṁ mahātmānaṁ sumahāparvatōpamam || 17 ||
śirasā dhārayantaṁ tē vismayaṁ jagmuruttamam |
tataḥ pradakṣiṇaṁ kr̥tvā sagarasya mahātmanaḥ || 18 ||
ṣaṣṭiḥ putrasahasrāṇi paścimāṁ bibhidurdiśam |
paścimāyāmapi diśi mahāntamacalōpamam || 19 ||
diśāgajaṁ saumanasaṁ dadr̥śustē mahābalāḥ |
taṁ tē pradakṣiṇaṁ kr̥tvā pr̥ṣṭvā cāpi nirāmayam || 20 ||
khanantaḥ samupakrāntā diśaṁ haimavatīṁ tataḥ |
uttarasyāṁ raghuśrēṣṭha dadr̥śurhimapāṇḍuram || 21 ||
bhadraṁ bhadrēṇa vapuṣā dhārayantaṁ mahīmimām |
samālabhya tataḥ sarvē kr̥tvā cainaṁ pradakṣiṇam || 22 ||
ṣaṣṭiḥ putrasahasrāṇi bibhidurvasudhātalam |
tataḥ prāguttarāṁ gatvā sāgarāḥ prathitāṁ diśam || 23 ||
rōṣādabhyakhanansarvē pr̥thivīṁ sagarātmajāḥ |
tē tu sarvē mahatmānō bhimavēgā mahabalāḥ || 24 ||
dadr̥śuḥ kapilaṁ tatra vāsudēvaṁ sanātanam |
hayaṁ ca tasya dēvasya carantamavidūrataḥ || 25 ||
praharṣamatulaṁ prāptāḥ sarvē tē raghunandana |
tē taṁ hayaharaṁ jñātvā krōdhaparyākulēkṣaṇāḥ || 26 ||
khanitralāṅgaladharā nānāvr̥kṣaśilādharāḥ |
abhyadhāvanta saṅkruddhāstiṣṭha tiṣṭhēti cābruvan || 27 ||
asmākaṁ tvaṁ hi turagaṁ yajñīyaṁ hr̥tavānasi |
durmēdhastvaṁ hi samprāptānviddhi naḥ sagarātmajān || 28 ||
śrutvā tu vacanaṁ tēṣāṁ kapilō raghunandana |
rōṣēṇa mahatāviṣṭō huṅkāramakarōttadā || 29 ||
tatastēnāpramēyēṇa kapilēna mahātmanā |
bhasmarāśīkr̥tāḥ sarvē kākutstha sagarātmajāḥ || 30 ||
ityārṣē śrīmadrāmāyaṇē vālmīkīyē ādikāvyē bālakāṇḍē catvāriṁśaḥ sargaḥ || 40 ||
bālakāṇḍa ēkacatvāriṁśaḥ sargaḥ (41) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
