Read in తెలుగు / ಕನ್ನಡ / தமிழ் / देवनागरी / English (IAST)
|| mahāpārśvavacō:’bhinandanam ||
rāvaṇaṁ kruddhamājñāya mahāpārśvō mahābalaḥ |
muhūrtamanusañcintya prāñjalirvākyamabravīt || 1 ||
yaḥ khalvapi vanaṁ prāpya mr̥gavyālasamākulam |
na pibēnmadhu samprāptaṁ sa narō bāliśō bhavēt || 2 ||
īśvarasyēśvaraḥ kō:’sti tava śatrunibarhaṇa |
ramasva saha vaidēhyā śatrūnākramya mūrdhasu || 3 ||
balātkukkuṭavr̥ttēna vartasva sumahābala |
ākramyākramya sītāṁ vai tāthā bhuṅkṣva ramasva ca || 4 || [vaidēhīṁ]
labdhakāmasya tē paścādāgamiṣyati yadbhayam |
prāptamaprāptakālaṁ vā sarvaṁ pratisahiṣyasi || 5 ||
kumbhakarṇaḥ sahāsmābhirindrajicca mahābalaḥ |
pratiṣēdhayituṁ śaktau savajramapi vajriṇam || 6 ||
upapradānaṁ sāntvaṁ vā bhēdaṁ vā kuśalaiḥ kr̥tam |
samatikramya daṇḍēna siddhimarthēṣu rōcaya || 7 ||
iha prāptānvayaṁ sarvān śatrūṁstava mahābala |
vaśē śastraprapātēna kariṣyāmō na saṁśayaḥ || 8 ||
ēvamuktastadā rājā mahāpārśvēna rāvaṇaḥ |
tasya sampūjayanvākyamidaṁ vacanamabravīt || 9 ||
mahāpārśva nibōdha tvaṁ rahasyaṁ kiñcidātmanaḥ |
ciravr̥ttaṁ tadākhyāsyē yadavāptaṁ mayā purā || 10 ||
pitāmahasya bhavanaṁ gacchantīṁ puñjikasthalām |
cañcūryamāṇāmadrākṣamākāśē:’gniśikhāmiva || 11 ||
sā prasahya mayā bhuktā kr̥tā vivasanā tataḥ |
svayambhūbhavanaṁ prāptā lōlitā nalinī yathā || 12 ||
tasya tacca tadā manyē jñātamāsīnmahātmanaḥ |
atha saṅkupitō dēvō māmidaṁ vākyamabravīt || 13 ||
adyaprabhr̥ti yāmanyāṁ balānnārīṁ gamiṣyasi |
tadā tē śatadhā murdhā phaliṣyati na saṁśayaḥ || 14 ||
ityahaṁ tasya śāpasya bhītaḥ prasabhamēva tām |
nārōpayē balātsītāṁ vaidēhīṁ śayanē śubhē || 15 ||
sāgarasyēva mē vēgō mārutasyēva mē gatiḥ |
naitaddāśarathirvēda hyāsādayati tēna mām || 16 ||
yastu siṁhamivāsīnaṁ suptaṁ giriguhāśayē |
kruddhaṁ mr̥tyumivāsīnaṁ prabōdhayitumicchati || 17 ||
na mattō niśitānbāṇāndvijihvāniva pannagān |
rāmaḥ paśyati saṅgrāmē tēna māmabhigacchati || 18 ||
kṣipraṁ vajrōpamairbāṇaiḥ śatadhā kārmukacyutaiḥ |
rāmamādīpayiṣyāmi ulkābhiriva kuñjaram || 19 ||
taccāsya balamādāsyē balēna mahatā vr̥taḥ |
udayansavitā kālē nakṣatrāṇāmiva prabhām || 20 ||
na vāsavēnāpi sahasracakṣuṣā
yudhā:’smi śakyō varuṇēna vā punaḥ |
mayā tviyaṁ bāhubalēna nirjitā
purī purā vaiśravaṇēna pālitā || 21 ||
ityārṣē śrīmadrāmāyaṇē vālmīkīyē ādikāvyē yuddhakāṇḍē trayōdaśaḥ sargaḥ || 13 ||
yuddhakāṇḍa caturdaśaḥ sargaḥ (14) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē yuddhakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
