Read in తెలుగు / ಕನ್ನಡ / தமிழ் / देवनागरी / English (IAST)
satyaṁ jñānamanantaṁ nityamanākāśaṁ paramākāśaṁ
gōṣṭhaprāṅgaṇariṅkhaṇalōlamanāyāsaṁ paramāyāsam |
māyākalpitanānākāramanākāraṁ bhuvanākāraṁ
kṣmāmānāthamanāthaṁ praṇamata gōvindaṁ paramānandam || 1 ||
mr̥tsnāmatsīhēti yaśōdātāḍanaśaiśavasantrāsaṁ
vyāditavaktrālōkitalōkālōkacaturdaśalōkālim |
lōkatrayapuramūlastambhaṁ lōkālōkamanālōkaṁ
lōkēśaṁ paramēśaṁ praṇamata gōvindaṁ paramānandam || 2 ||
traiviṣṭaparipuvīraghnaṁ kṣitibhāraghnaṁ bhavarōgaghnaṁ
kaivalyaṁ navanītāhāramanāhāraṁ bhuvanāhāram |
vaimalyasphuṭacētōvr̥ttiviśēṣābhāsamanābhāsaṁ
śaivaṁ kēvalaśāntaṁ praṇamata gōvindaṁ paramānandam || 3 ||
gōpālaṁ prabhulīlāvigrahagōpālaṁ kulagōpālaṁ
gōpīkhēlanagōvardhanadhr̥tilīlālālitagōpālam |
gōbhirnigaditagōvindasphuṭanāmānaṁ bahunāmānaṁ
gōdhīgōcaradūraṁ praṇamata gōvindaṁ paramānandam || 4 ||
gōpīmaṇḍalagōṣṭhībhēdaṁ bhēdāvasthamabhēdābhaṁ
śaśvadgōkhuranirdhūtōdgatadhūlīdhūsarasaubhāgyam |
śraddhābhaktigr̥hītānandamacintyaṁ cintitasadbhāvaṁ
cintāmaṇimahimānaṁ praṇamata gōvindaṁ paramānandam || 5 ||
snānavyākulayōṣidvastramupādāyāgamupārūḍhaṁ
vyāditsantīratha digvastrā dātumupākarṣantaṁ tāḥ |
nirdhūtadvayaśōkavimōhaṁ buddhaṁ buddhērantaḥsthaṁ
sattāmātraśarīraṁ praṇamata gōvindaṁ paramānandam || 6 ||
kāntaṁ kāraṇakāraṇamādimanādiṁ kālaghanābhāsaṁ
kālindīgatakāliyaśirasi sunr̥tyantaṁ muhuratyantam |
kālaṁ kālakalātītaṁ kalitāśēṣaṁ kalidōṣaghnaṁ
kālatrayagatihētuṁ praṇamata gōvindaṁ paramānandam || 7 ||
br̥ndāvanabhuvi br̥ndārakagaṇabr̥ndārādhitavandyāyāṁ
kundābhāmalamandasmērasudhānandaṁ sumahānandam |
vandyāśēṣamahāmunimānasavandyānandapadadvandvaṁ
nandyāśēṣaguṇābdhiṁ praṇamata gōvindaṁ paramānandam || 8 ||
gōvindāṣṭakamētadadhītē gōvindārpitacētā yō
gōvindācyuta mādhava viṣṇō gōkulanāyaka kr̥ṣṇēti |
gōvindāṅghrisarōjadhyānasudhājaladhautasamastāghō
gōvindaṁ paramānandāmr̥tamantaḥsthaṁ sa tamabhyēti || 9 ||
iti śrīmatparamahaṁsaparivrājakācāryasya śrīgōvindabhagavatpūjyapādaśiṣyasya śrīmacchaṅkarabhagavataḥ kr̥tau śrī gōvindāṣṭakam |
See more śrī kr̥ṣṇa stōtrāṇi for chanting.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
