Read in తెలుగు / ಕನ್ನಡ / தமிழ் / देवनागरी / English (IAST)
ஸத்யம் ஜ்ஞாநமநந்தம் நித்யமநாகாஶம் பரமாகாஶம்
கோ³ஷ்ட²ப்ராங்க³ணரிங்க²ணலோலமநாயாஸம் பரமாயாஸம் ।
மாயாகல்பிதநாநாகாரமநாகாரம் பு⁴வநாகாரம்
க்ஷ்மாமாநாத²மநாத²ம் ப்ரணமத கோ³விந்த³ம் பரமாநந்த³ம் ॥ 1 ॥
ம்ருத்ஸ்நாமத்ஸீஹேதி யஶோதா³தாட³நஶைஶவஸந்த்ராஸம்
வ்யாதி³தவக்த்ராளோகிதலோகாலோகசதுர்த³ஶலோகாளிம் ।
லோகத்ரயபுரமூலஸ்தம்ப⁴ம் லோகாலோகமநாலோகம்
லோகேஶம் பரமேஶம் ப்ரணமத கோ³விந்த³ம் பரமாநந்த³ம் ॥ 2 ॥
த்ரைவிஷ்டபரிபுவீரக்⁴நம் க்ஷிதிபா⁴ரக்⁴நம் ப⁴வரோக³க்⁴நம்
கைவல்யம் நவநீதாஹாரமநாஹாரம் பு⁴வநாஹாரம் ।
வைமல்யஸ்பு²டசேதோவ்ருத்திவிஶேஷாபா⁴ஸமநாபா⁴ஸம்
ஶைவம் கேவலஶாந்தம் ப்ரணமத கோ³விந்த³ம் பரமாநந்த³ம் ॥ 3 ॥
கோ³பாலம் ப்ரபு⁴லீலாவிக்³ரஹகோ³பாலம் குலகோ³பாலம்
கோ³பீகே²லநகோ³வர்த⁴நத்⁴ருதிலீலாலாலிதகோ³பாலம் ।
கோ³பி⁴ர்நிக³தி³தகோ³விந்த³ஸ்பு²டநாமாநம் ப³ஹுநாமாநம்
கோ³தீ⁴கோ³சரதூ³ரம் ப்ரணமத கோ³விந்த³ம் பரமாநந்த³ம் ॥ 4 ॥
கோ³பீமண்ட³லகோ³ஷ்டீ²பே⁴த³ம் பே⁴தா³வஸ்த²மபே⁴தா³ப⁴ம்
ஶஶ்வத்³கோ³கு²ரநிர்தூ⁴தோத்³க³ததூ⁴ளீதூ⁴ஸரஸௌபா⁴க்³யம் ।
ஶ்ரத்³தா⁴ப⁴க்திக்³ருஹீதாநந்த³மசிந்த்யம் சிந்திதஸத்³பா⁴வம்
சிந்தாமணிமஹிமாநம் ப்ரணமத கோ³விந்த³ம் பரமாநந்த³ம் ॥ 5 ॥
ஸ்நாநவ்யாகுலயோஷித்³வஸ்த்ரமுபாதா³யாக³முபாரூட⁴ம்
வ்யாதி³த்ஸந்தீரத² தி³க்³வஸ்த்ரா தா³துமுபாகர்ஷந்தம் தா꞉ ।
நிர்தூ⁴தத்³வயஶோகவிமோஹம் பு³த்³த⁴ம் பு³த்³தே⁴ரந்த꞉ஸ்த²ம்
ஸத்தாமாத்ரஶரீரம் ப்ரணமத கோ³விந்த³ம் பரமாநந்த³ம் ॥ 6 ॥
காந்தம் காரணகாரணமாதி³மநாதி³ம் காலக⁴நாபா⁴ஸம்
காளிந்தீ³க³தகாளியஶிரஸி ஸுந்ருத்யந்தம் முஹுரத்யந்தம் ।
காலம் காலகலாதீதம் கலிதாஶேஷம் கலிதோ³ஷக்⁴நம்
காலத்ரயக³திஹேதும் ப்ரணமத கோ³விந்த³ம் பரமாநந்த³ம் ॥ 7 ॥
ப்³ருந்தா³வநபு⁴வி ப்³ருந்தா³ரகக³ணப்³ருந்தா³ராதி⁴தவந்த்³யாயாம்
குந்தா³பா⁴மலமந்த³ஸ்மேரஸுதா⁴நந்த³ம் ஸுமஹாநந்த³ம் ।
வந்த்³யாஶேஷமஹாமுநிமாநஸவந்த்³யாநந்த³பத³த்³வந்த்³வம்
நந்த்³யாஶேஷகு³ணாப்³தி⁴ம் ப்ரணமத கோ³விந்த³ம் பரமாநந்த³ம் ॥ 8 ॥
கோ³விந்தா³ஷ்டகமேதத³தீ⁴தே கோ³விந்தா³ர்பிதசேதா யோ
கோ³விந்தா³ச்யுத மாத⁴வ விஷ்ணோ கோ³குலநாயக க்ருஷ்ணேதி ।
கோ³விந்தா³ங்க்⁴ரிஸரோஜத்⁴யாநஸுதா⁴ஜலதௌ⁴தஸமஸ்தாகோ⁴
கோ³விந்த³ம் பரமாநந்தா³ம்ருதமந்தஸ்த²ம் ஸ தமப்⁴யேதி ॥ 9 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஶ்ரீ கோ³விந்தா³ஷ்டகம் ஸம்பூர்ணம் ।
மேலும் ஶ்ரீ க்ருஷ்ண ஸ்தோத்திரங்கள் பார்க்க.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
