Sri Krishna Ashtakam 2 – śrī kr̥ṣṇāṣṭakam 2

vasudēvasutaṁ dēvaṁ kaṁsacāṇūramardanam |
dēvakīparamānandaṁ kr̥ṣṇaṁ vandē jagadgurum || 1 ||

atasīpuṣpasaṅkāśaṁ hāranūpuraśōbhitam |
ratnakaṅkaṇakēyūraṁ kr̥ṣṇaṁ vandē jagadgurum || 2 ||

kuṭilālakasamyuktaṁ pūrṇacandranibhānanam |
vilasatkuṇḍaladharaṁ kr̥ṣṇaṁ vandē jagadgurum || 3 ||

mandāragandhasamyuktaṁ cāruhāsaṁ caturbhujam |
barhipiñchāvacūḍāṅgaṁ kr̥ṣṇaṁ vandē jagadgurum || 4 ||

utphullapadmapatrākṣaṁ nīlajīmūtasannibham |
yādavānāṁ śirōratnaṁ kr̥ṣṇaṁ vandē jagadgurum || 5 ||

rukmiṇīkēlisamyuktaṁ pītāmbarasuśōbhitam |
avāptatulasīgandhaṁ kr̥ṣṇaṁ vandē jagadgurum || 6 ||

gōpikānāṁ kucadvandva kuṅkumāṅkitavakṣasam |
śrī nikētaṁ mahēṣvāsaṁ kr̥ṣṇaṁ vandē jagadgurum || 7 ||

śrīvatsāṅkaṁ mahōraskaṁ vanamālāvirājitam |
śaṅkhacakradharaṁ dēvaṁ kr̥ṣṇaṁ vandē jagadgurum || 8 ||

kr̥ṣṇāṣṭakamidaṁ puṇyaṁ prātarutthāya yaḥ paṭhēt |
kōṭijanmakr̥taṁ pāpaṁ smaraṇēna vinaśyati ||


See more śrī kr̥ṣṇa stōtrāṇi for chanting.

Facebook Comments

You may also like...

Leave a Reply

Your email address will not be published. Required fields are marked *

error: Not allowed
%d bloggers like this: