Achyutashtakam – śrī acyutāṣṭakam


acyutaṁ kēśavaṁ rāma nārāyaṇaṁ
kr̥ṣṇa dāmōdaraṁ vāsudēvaṁ harim |
śrīdharaṁ mādhavaṁ gōpikāvallabhaṁ
jānakīnāyakaṁ rāmacandraṁ bhajē || 1 ||

acyutaṁ kēśavaṁ satyabhāmādhavaṁ
mādhavaṁ śrīdharaṁ rādhikā:’rādhitam |
indirāmandiraṁ cētasā sundaraṁ
dēvakīnandanaṁ nandajaṁ sandadhē || 2 ||

viṣṇavē jiṣṇavē śaṅkhinē cakriṇē
rukmiṇīrāgiṇē jānakījānayē |
vallavīvallabhāyā:’rcitāyātmanē
kaṁsavidhvaṁsinē vaṁśinē tē namaḥ || 3 ||

kr̥ṣṇa gōvinda hē rāma nārāyaṇa
śrīpatē vāsudēvājita śrīnidhē |
acyutānanta hē mādhavādhōkṣaja
dvārakānāyaka draupadīrakṣaka || 4 ||

rākṣasakṣōbhitaḥ sītayā śōbhitō
daṇḍakāraṇyabhūpuṇyatākāraṇam |
lakṣmaṇēnānvitō vānaraissēvitō-
:’gastyasampūjitō rāghavaḥ pātu mām || 5 ||

dhēnukāriṣṭakō:’niṣṭakr̥ddvēṣiṇāṁ
kēśihā kaṁsahr̥dvaṁśikāvādakaḥ |
pūtanākōpakaḥ sūrajākhēlanō
bālagōpālakaḥ pātu māṁ sarvadā || 6 ||

vidyududyōtavatprasphuradvāsasaṁ
prāvr̥ḍambhōdavatprōllasadvigraham |
vanyayā mālayā śōbhitōrassthalaṁ
lōhitāṅghridvayaṁ vārijākṣaṁ bhajē || 7 ||

kuñcitaiḥ kuntalairbhrājamānānanaṁ
ratnamauliṁ lasatkuṇḍalaṁ gaṇḍayōḥ |
hārakēyūrakaṁ kaṅkaṇaprōjjvalaṁ
kiṅkiṇīmañjulaṁ śyāmalaṁ taṁ bhajē || 8 ||

acyutasyāṣṭakaṁ yaḥ paṭhēdiṣṭadaṁ
prēmataḥ pratyahaṁ pūruṣaḥ saspr̥ham |
vr̥ttatassundaraṁ vēdya viśvambharaṁ
tasya vaśyō harirjāyatē satvaram || 9 ||

iti śrīmadacyutāṣṭakam |


See more śrī kr̥ṣṇa stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

error: Not allowed