Achyutashtakam – அச்யுதாஷ்டகம் 1

ஸ்தோத்ரநிதி → ஶ்ரீ க்ருஷ்ண ஸ்தோத்திரங்கள் → அச்யுதாஷ்டகம் 1

அச்யுதம் கேஶவம் ராமநாராயணம்
க்ருஷ்ணதா³மோத³ரம் வாஸுதே³வம் ஹரிம் ।
ஶ்ரீத⁴ரம் மாத⁴வம் கோ³பிகாவள்லப⁴ம்
ஜாநகீநாயகம் ராமசந்த்³ரம் ப⁴ஜே ॥ 1 ॥

அச்யுதம் கேஶவம் ஸத்யபா⁴மாத⁴வம்
மாத⁴வம் ஶ்ரீத⁴ரம் ராதி⁴காராதி⁴தம் ।
இந்தி³ராமந்தி³ரம் சேதஸா ஸுந்த³ரம்
தே³வகீநந்த³நம் நந்த³ஜம் ஸந்த³தே⁴ ॥ 2 ॥

விஷ்ணவே ஜிஷ்ணவே ஶங்கி²நே சக்ரிணே
ருக்மிணீராகி³ணே ஜாநகீஜாநயே ।
வல்லவீவல்லபா⁴யார்சிதாயாத்மநே
கம்ஸவித்⁴வம்ஸிநே வம்ஶிநே தே நம꞉ ॥ 3 ॥

க்ருஷ்ண கோ³விந்த³ ஹே ராம நாராயண
ஶ்ரீபதே வாஸுதே³வாஜித ஶ்ரீநிதே⁴ ।
அச்யுதாநந்த ஹே மாத⁴வாதோ⁴க்ஷஜ
த்³வாரகாநாயக த்³ரௌபதீ³ரக்ஷக ॥ 4 ॥

ராக்ஷஸக்ஷோபி⁴த꞉ ஸீதயா ஶோபி⁴தோ
த³ண்ட³காரண்யபூ⁴புண்யதாகாரணம் ।
லக்ஷ்மணேநாந்விதோ வாநரை꞉ ஸேவிதோ-
-(அ)க³ஸ்த்யஸம்பூஜிதோ ராக⁴வ꞉ பாது மாம் ॥ 5 ॥

தே⁴நுகாரிஷ்டஹா(அ)நிஷ்டக்ருத்³த்³வேஷிணாம்
கேஶிஹா கம்ஸஹ்ருத்³வம்ஶிகாவாத³க꞉ ।
பூதநாகோபக꞉ ஸூரஜாகே²லநோ
பா³லகோ³பாலக꞉ பாது மாம் ஸர்வதா³ ॥ 6 ॥

வித்³யுது³த்³யோதவத்ப்ரஸ்பு²ரத்³வாஸஸம்
ப்ராவ்ருட³ம்போ⁴த³வத்ப்ரோல்லஸத்³விக்³ரஹம் ।
வந்யயா மாலயா ஶோபி⁴தோர꞉ஸ்த²லம்
லோஹிதாங்க்⁴ரித்³வயம் வாரிஜாக்ஷம் ப⁴ஜே ॥ 7 ॥

குஞ்சிதை꞉ குந்தலைர்ப்⁴ராஜமாநாநநம்
ரத்நமௌளிம் லஸத்குண்ட³லம் க³ண்ட³யோ꞉ ।
ஹாரகேயூரகம் கங்கணப்ரோஜ்ஜ்வலம்
கிங்கிணீமஞ்ஜுளம் ஶ்யாமளம் தம் ப⁴ஜே ॥ 8 ॥

அச்யுதஸ்யாஷ்டகம் ய꞉ படே²தி³ஷ்டத³ம்
ப்ரேமத꞉ ப்ரத்யஹம் பூருஷ꞉ ஸஸ்ப்ருஹம் ।
வ்ருத்தத꞉ ஸுந்த³ரம் வேத்³யவிஶ்வம்ப⁴ரம்
தஸ்ய வஶ்யோ ஹரிர்ஜாயதே ஸத்வரம் ॥ 9 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஶ்ரீ அச்யுதாஷ்டகம் ॥

---

மேலும் ஶ்ரீ க்ருஷ்ண ஸ்தோத்ரங்களை படிக்கவும்.

---