Read in తెలుగు / ಕನ್ನಡ / தமிழ் / देवनागरी / English (IAST)
kadambavanacāriṇīṁ munikadambakādambinīṁ
nitambajitabhūdharāṁ suranitambinīsēvitām |
navāmburuhalōcanāmabhinavāmbudaśyāmalāṁ
trilōcanakuṭumbinīṁ tripurasundarīmāśrayē || 1 ||
kadambavanavāsinīṁ kanakavallakīdhāriṇīṁ
mahārhamaṇihāriṇīṁ mukhasamullasadvāruṇīm |
dayāvibhavakāriṇīṁ viśadarōcanācāriṇīṁ
trilōcanakuṭumbinīṁ tripurasundarīmāśrayē || 2 ||
kadambavanaśālayā kucabharōllasanmālayā
kucōpamitaśailayā gurukr̥pālasadvēlayā |
madāruṇakapōlayā madhuragītavācālayā
kayāpi ghananīlayā kavacitā vayaṁ līlayā || 3 ||
kadambavanamadhyagāṁ kanakamaṇḍalōpasthitāṁ
ṣaḍamburuhavāsinīṁ satatasiddhasaudāminīm |
viḍambitajapāruciṁ vikacacandracūḍāmaṇiṁ
trilōcanakuṭumbinīṁ tripurasundarīmāśrayē || 4 ||
kucāñcitavipañcikāṁ kuṭilakuntalālaṅkr̥tāṁ
kuśēśayanivāsinīṁ kuṭilacittavidvēṣiṇīm |
madāruṇavilōcanāṁ manasijārisammōhinīṁ
mataṅgamunikanyakāṁ madhurabhāṣiṇīmāśrayē || 5 ||
smarētprathamapuṣpiṇīṁ rudhirabindunīlāmbarāṁ
gr̥hītamadhupātrikāṁ madavighūrṇanētrāñcalām |
ghanastanabharōnnatāṁ galitacūlikāṁ śyāmalāṁ
trilōcanakuṭumbinīṁ tripurasundarīmāśrayē || 6 ||
sakuṅkumavilēpanāmalakacumbikastūrikāṁ
samandahasitēkṣaṇāṁ saśaracāpapāśāṅkuśām |
aśēṣajanamōhinīmaruṇamālyabhūṣāmbarāṁ
japākusumabhāsurāṁ japavidhau smarāmyambikām || 7 ||
purandarapurandhrikācikurabandhasairandhrikāṁ
pitāmahapativratāpaṭupaṭīracarcāratām |
mukundaramaṇīmaṇīlasadalaṅkriyākāriṇīṁ
bhajāmi bhuvanāmbikāṁ suravadhūṭikācēṭikām || 8 ||
iti śrīmatparamahaṁsaparivrājakācāryasya śrīgōvindabhagavatpūjyapādaśiṣyasya śrīmacchaṅkarabhagavataḥ kr̥tau tripurasundaryaṣṭakam |
See more daśamahāvidyā stōtrāṇi for chanting.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
