Read in తెలుగు / ಕನ್ನಡ / தமிழ் / देवनागरी / English (IAST)
శ్రీమాన్ వేంకటనాథార్యః కవితార్కిక కేసరీ |
వేదాంతాచార్య వర్యో మే సన్నిధత్తాం సదా హృది ||
అహం మద్రక్షణభరో మద్రక్షణ ఫలం తథా |
న మమ శ్రీపతేరేవేత్యాత్మానం నిక్షిపేత్ బుధః || ౧ ||
న్యస్యామ్యకించనః శ్రీమన్ అనుకూలోన్యవర్జితః |
విశ్వాస ప్రార్థనాపూర్వమ్ ఆత్మరక్షాభరం త్వయి || ౨ ||
స్వామీ స్వశేషం స్వవశం స్వభరత్వేన నిర్భరం |
స్వదత్త స్వధియా స్వార్థం స్వస్మిన్ న్యస్యతి మాం స్వయమ్ || ౩ ||
శ్రీమన్ అభీష్ట వరద త్వామస్మి శరణం గతః |
ఏతద్దేహావసానే మాం త్వత్పాదం ప్రాపయ స్వయమ్ || ౪ ||
త్వచ్ఛేషత్వే స్థిరధియం త్వత్ ప్రాప్త్యేక ప్రయోజనం |
నిషిద్ధ కామ్యరహితం కురు మాం నిత్య కింకరమ్ || ౫ ||
దేవీ భూషణ హేత్యాది జుష్టస్య భగవంస్తవ |
నిత్యం నిరపరాధేషు కైంకర్యేషు నియుంక్ష్వ మామ్ || ౬ ||
మాం మదీయం చ నిఖిలం చేతనాఽచేతనాత్మకం |
స్వకైంకర్యోపకరణం వరద స్వీకురు స్వయమ్ || ౭ ||
త్వదేక రక్ష్యస్య మమ త్వమేవ కరుణాకర |
న ప్రవర్తయ పాపాని ప్రవృత్తాని నివర్తయ || ౮ ||
అకృత్యానాం చ కరణం కృత్యానాం వర్జనం చ మే |
క్షమస్వ నిఖిలం దేవ ప్రణతార్తిహర ప్రభో || ౯ ||
శ్రీమాన్ నియత పంచాంగం మద్రక్షణ భరార్పణం |
అచీకరత్ స్వయం స్వస్మిన్ అతోహమిహ నిర్భరః || ౧౦ ||
సంసారావర్తవేగ ప్రశమన శుభదృగ్దేశిక ప్రేక్షితోహం
సంత్యక్తోన్యైరుపాయైరనుచితచరితేశ్వద్య శాంతాభిసంధిః |
నిశ్శంక స్తత్త్వదృష్ట్వా నిరవధికదయం ప్రాప్య సంరక్షకం
త్వాం న్యస్యత్వత్పాదపద్మే వరద నిజభరం నిర్భరో నిర్భయోస్మి || ౧౧ ||
ఇతి కవితార్కికసింహస్య సర్వతంత్రస్వతంత్రస్య శ్రీమద్వేంకటనాథస్య
వేదాంతాచార్యస్య కృతిషు న్యాసదశకమ్
మరిన్ని శ్రీ విష్ణు స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
