Read in తెలుగు / ಕನ್ನಡ / தமிழ் / देवनागरी / English (IAST)
|| ప్రహస్తప్రశ్నః ||
తముద్వీక్ష్య మహాబాహుః పింగాక్షం పురతః స్థితమ్ |
రోషేణ మహతావిష్టో రావణో లోకరావణః || ౧ || [కోపేన]
శంకాహతాత్మా దధ్యౌ స కపీంద్రం తేజసావృతమ్ |
కిమేష భగవాన్నందీ భవేత్సాక్షాదిహాగతః || ౨ ||
యేన శప్తోఽస్మి కైలాసే మయా సంచాలితే పురా |
సోఽయం వానరమూర్తిః స్యాత్కింస్విద్బాణోఽపి వాసురః || ౩ ||
స రాజా రోషతామ్రాక్షః ప్రహస్తం మంత్రిసత్తమమ్ |
కాలయుక్తమువాచేదం వచో విపులమర్థవత్ || ౪ ||
దురాత్మా పృచ్ఛ్యతామేష కుతః కిం వాస్య కారణమ్ |
వనభంగే చ కోఽస్యార్థో రాక్షసీనాం చ తర్జనే || ౫ ||
మత్పురీమప్రధృష్యాం వాగమనే కిం ప్రయోజనమ్ |
ఆయోధనే వా కిం కార్యం పృచ్ఛ్యతామేష దుర్మతిః || ౬ ||
రావణస్య వచః శ్రుత్వా ప్రహస్తో వాక్యమబ్రవీత్ |
సమాశ్వసిహి భద్రం తే న భీః కార్యా త్వయా కపే || ౭ ||
యది తావత్త్వమింద్రేణ ప్రేషితో రావణాలయమ్ |
తత్త్వమాఖ్యాహి మా భూత్తే భయం వానర మోక్ష్యసే || ౮ ||
యది వైశ్రవణస్య త్వం యమస్య వరుణస్య చ |
చారరూపమిదం కృత్వా ప్రవిష్టో నః పురీమిమామ్ || ౯ ||
విష్ణునా ప్రేషితో వాపి దూతో విజయకాంక్షిణా |
న హి తే వానరం తేజో రూపమాత్రం తు వానరమ్ || ౧౦ ||
తత్త్వతః కథయస్వాద్య తతో వానర మోక్ష్యసే |
అనృతం వదతశ్చాపి దుర్లభం తవ జీవితమ్ || ౧౧ ||
అథవా యన్నిమిత్తం తే ప్రవేశో రావణాలయే |
ఏవముక్తో హరిశ్రేష్ఠస్తదా రక్షోగణేశ్వరమ్ || ౧౨ ||
అబ్రవీన్నాస్మి శక్రస్య యమస్య వరుణస్య వా |
ధనదేన న మే సఖ్యం విష్ణునా నాస్మి చోదితః || ౧౩ ||
జాతిరేవ మమ త్వేషా వానరోఽహమిహాగతః |
దర్శనే రాక్షసేంద్రస్య దుర్లభే తదిదం మయా || ౧౪ ||
వనం రాక్షసరాజస్య దర్శనార్థే వినాశితమ్ |
తతస్తే రాక్షసాః ప్రాప్తా బలినో యుద్ధకాంక్షిణః || ౧౫ ||
రక్షణార్థం తు దేహస్య ప్రతియుద్ధా మయా రణే |
అస్త్రపాశైర్న శక్యోఽహం బద్ధుం దేవాసురైరపి || ౧౬ ||
పితామహాదేవ వరో మమాప్యేషోభ్యుపాగతః |
రాజానం ద్రష్టుకామేన మయాస్త్రమనువర్తితమ్ || ౧౭ ||
విముక్తో హ్యహమస్త్రేణ రాక్షసైస్త్వభిపీడితః |
కేనచిద్రాజకార్యేణ సంప్రాప్తోఽస్మి తవాంతికమ్ || ౧౮ ||
దూతోఽహమితి విజ్ఞేయో రాఘవస్యామితౌజసః |
శ్రూయతాం చాపి వచనం మమ పథ్యమిదం ప్రభో || ౧౯ ||
ఇత్యార్షే శ్రీమద్రామాయణే వాల్మీకీయే ఆదికావ్యే సుందరకాండే పంచాశః సర్గః || ౫౦ ||
సుందరకాండ – ఏకపంచాశః సర్గః (౫౧) >>
సంపూర్ణ వాల్మీకి సుందరకాండ చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
