Sri Shankaracharya Varyam – శ్రీ శంకరాచార్య స్తవః (శ్రీశంకరాచార్యవర్యం)

స్తోత్రనిధి → శ్రీ గురు స్తోత్రాలు → శ్రీ శంకరాచార్య స్తవః (శ్రీశంకరాచార్యవర్యం)

శ్రీశంకరాచార్యవర్యం
సర్వలోకైకవంద్యం భజే దేశికేంద్రమ్ |

ధర్మప్రచారేఽతిదక్షం
యోగిగోవిందపాదాప్తసన్యాసదీక్షమ్ |
దుర్వాదిగర్వాపనోదం
పద్మపాదాదిశిష్యాలిసంసేవ్యపాదమ్ || ౧ ||

శంకాద్రిదంభోలిలీలం
కింకరాశేషశిష్యాలి సంత్రాణశీలమ్ |
బాలార్కనీకాశచేలం
బోధితాశేషవేదాంత గూఢార్థజాలమ్ || ౨ ||

రుద్రాక్షమాలావిభూషం
చంద్రమౌలీశ్వరారాధనావాప్తతోషమ్ |
విద్రావితాశేషదోషం
భద్రపూగప్రదం భక్తలోకస్య నిత్యమ్ || ౩ ||

పాపాటవీచిత్రభానుం
జ్ఞానదీపేన హార్దం తమో వారయంతమ్ |
ద్వైపాయనప్రీతిభాజం
సర్వతాపాపహామోఘబోధప్రదం తమ్ || ౪ ||

రాజాధిరాజాభిపూజ్యం
రమ్యశృంగాద్రివాసైకలోలం యతీడ్యమ్ |
రాకేందుసంకాశవక్త్రం
రత్నగర్భేభవక్త్రాంఘ్రిపూజానురక్తమ్ || ౫ ||

శ్రీభారతీతీర్థగీతం
శంకరార్యస్తవం యః పఠేద్భక్తియుక్తః |
సోఽవాప్నుయాత్సర్వమిష్టం
శంకరాచార్యవర్యప్రసాదేన తూర్ణమ్ || ౬ ||

ఇతి శ్రీశ్రీ భారతీతీర్థ మహాస్వామి కృత శ్రీ శంకరాచార్య స్తవః |

---

మరిన్ని శ్రీ గురు స్తోత్రాలు చూడండి.

Did you see any mistake/variation in the content above? Click here to report mistakes and corrections in Stotranidhi content.