Read in తెలుగు / ಕನ್ನಡ / தமிழ் / देवनागरी / English (IAST)
నమామ్యంజనీనందనం వాయుపుత్రం
నమామి ప్రభుం వానరాణాం గణానామ్ |
సదా రామనామామృతం సేవమానం
నమామి ప్రభుం మారుతిం రామదూతమ్ || ౧ ||
తడిత్తేజసం వాయువేగం బలిష్ఠం
చిరంజీవినం దివ్యవజ్రాంగదేహమ్ |
దితేః సంతతిం సంహరంతం కపీంద్రం
వరేణ్యం శరణ్యం నితాంతం భజేఽహమ్ || ౨ ||
మహాసాగరం లీలయా లంఘయిత్వా
త్వయాఽఽశ్వాసితా భూమికన్యా సశోకా |
త్వయా రాక్షసేంద్రస్య లంకా విదగ్ధా
త్వయైతాదృశీ స్వామిసేవా విధత్తా || ౩ ||
త్వదీయేన వేగేన తుల్యో న వాయు-
-ర్న వా మానసం మానవానాం కపీశ |
సుమిత్రాసుతప్రాణరక్షార్థమేవ
గిరీంద్రాగ్రముత్పాట్య వేగేన నీతమ్ || ౪ ||
వరిష్ఠా వదాన్యాఽస్తి సేవా త్వదీయా
ప్రభూ రామచంద్రస్త్వయైవ ప్రసన్నః |
త్వమేవాసి చాదర్శభూతో నరాణాం
భవత్పాదపద్మం సదా వందనీయమ్ || ౫ ||
త్వమేవాగ్రణీధీర్వరాణాం నరాణాం
త్వమేవాసి నేతా బలోపాసకానామ్ |
భుభుఃకారనాదేన రక్షః సమూహా-
-స్త్వయా నాశితా వానరేంద్రేణ సర్వే || ౬ ||
దశాస్యస్య కీర్తిం వినాశం నయంతం
సుదీనాం జనాంస్తారయంతం కపీంద్రమ్ |
ప్రభో రామచంద్రస్య భక్తానవంతం
హనూమంతమేకం స్మరామి ప్రభాతే || ౭ ||
అహంకారయుక్తశ్చ విద్యామదాంధః
సదా ద్రవ్యలుబ్ధోఽహమక్రోధహీనః |
మహామోహయుక్తే భవేఽస్మిన్నిమగ్నం
హనూమన్ హతాశం జనం పాహి నిత్యమ్ || ౮ ||
ఇమం సంస్తవం రామదూతస్య రమ్యం
పఠేత్ సాదరం యో నరో భక్తియుక్తః |
సమస్తాని దుఃఖాని నీత్వా వినాశం
భవేత్తస్య వాతాత్మజః సౌఖ్యదాతా || ౯ ||
ఇతి శ్రీఆపటీకరవిరచితః శ్రీ రామదూత స్తవమ్||
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
