Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ సుబ్రహ్మణ్య స్తోత్రనిధి” పారాయణ గ్రంథములో కూడా ఉన్నది. Click here to buy.]
యత్రాసంభిన్నతాం యాతి స్వాతిరిక్తభిదాతతిః |
సంవిన్మాత్రం పరం బ్రహ్మ తత్స్వమాత్రం విజృంభతే ||
ఓం సహ నావవతు | సహ నౌ భునక్తు | సహ వీర్యం కరవావహై | తేజస్వి నావధీతమస్తు మా విద్విషావహై | ఓం శాంతిః శాంతిః శాంతిః ||
అచ్యుతోఽస్మి మహాదేవ తవ కారుణ్యలేశతః |
విజ్ఞానఘన ఏవాస్మి శివోఽస్మి కిమతః పరమ్ || ౧ ||
న నిజం నిజవద్భాత్యంతఃకరణజృంభణాత్ |
అంతఃకరణనాశేన సంవిన్మాత్రస్థితో హరిః || ౨ ||
సంవిన్మాత్రస్థితశ్చాహమజోఽస్మి కిమతః పరమ్ |
వ్యతిరిక్తం జడం సర్వం స్వప్నవచ్చ వినశ్యతి || ౩ ||
చిజ్జడానాం తు యో ద్రష్టా సోఽచ్యుతో జ్ఞానవిగ్రహః |
స ఏవ హి మహాదేవః స ఏవ హి మహాహరిః || ౪ ||
స ఏవ హి జ్యోతిషాం జ్యోతిః స ఏవ పరమేశ్వరః |
స ఏవ హి పరం బ్రహ్మ తద్బ్రహ్మాహం న సంశయః || ౫ ||
జీవః శివః శివో జీవః స జీవః కేవలః శివః |
తుషేణ బద్ధో వ్రీహిః స్యాత్తుషాభావేన తండులః || ౬ ||
ఏవం బద్ధస్తథా జీవః కర్మనాశే సదాశివః |
పాశబద్ధస్తథా జీవః పాశముక్తః సదాశివః || ౭ ||
శివాయ విష్ణురూపాయ శివరూపాయ విష్ణవే |
శివస్య హృదయం విష్ణుర్విష్ణోశ్చ హృదయం శివః || ౮ ||
యథా శివమయో విష్ణురేవం విష్ణుమయః శివః |
యథాంతరం న పశ్యామి తథా మే స్వస్తిరాయుషి || ౯ ||
యథాంతరం న భేదాః స్యుః శివకేశవయోస్తథా |
దేహో దేవాలయః ప్రోక్తః స జీవః కేవలః శివః |
త్యజేదజ్ఞాననిర్మాల్యం సోఽహం‍భావేన పూజయేత్ || ౧౦ ||
అభేదదర్శనం జ్ఞానం ధ్యానం నిర్విషయం మనః |
స్నానం మనోమలత్యాగః శౌచమింద్రియనిగ్రహః || ౧౧ ||
బ్రహ్మామృతం పిబేద్భైక్ష్యమాచరేద్దేహరక్షణే |
వసేదేకాంతికో భూత్వా చైకాంతే ద్వైతవర్జితే || ౧౨ ||
ఇత్యేవమాచరేద్ధీమాన్స ఏవం ముక్తిమాప్నుయాత్ |
శ్రీపరమధామ్నే స్వస్తి చిరాయుష్యోన్నమ ఇతి || ౧౩ ||
విరించినారాయణశంకరాత్మకం
నృసింహ దేవేశ తవ ప్రసాదతః |
అచింత్యమవ్యక్తమనంతమవ్యయం
వేదాత్మకం బ్రహ్మ నిజం విజానతే || ౧౪ ||
తద్విష్ణోః పరమం పదం సదా పశ్యంతి సూరయః | దివీవ చక్షురాతతమ్ | తద్విప్రాసో విపన్యవో జాగృవాంసః సమింధతే | విష్ణోర్యత్పరమం పదమ్ | ఇత్యేతన్నిర్వాణానుశాసనమితి వేదానుశాసనమితి వేదానుశాసనమిత్యుపనిషత్ || ౧౫ ||
ఓం సహ నావవతు | సహ నౌ భునక్తు | సహ వీర్యం కరవావహై | తేజస్వి నావధీతమస్తు మా విద్విషావహై | ఓం శాంతిః శాంతిః శాంతిః ||
ఇతి స్కందోపనిషత్సమాప్తా |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ సుబ్రహ్మణ్య స్తోత్రనిధి
(నిత్య పారాయణ గ్రంథము)
See Details – Click here to buy
మరిన్ని శ్రీ సుబ్రహ్మణ్య స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
