Shatru Samharaka Ekadanta Stotram – శత్రుసంహారక ఏకదంత స్తోత్రం


(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)

దేవర్షయ ఊచుః |
నమస్తే గజవక్త్రాయ గణేశాయ నమో నమః |
అనంతానందభోక్త్రే వై బ్రహ్మణే బ్రహ్మరూపిణే || ౧ ||

ఆదిమధ్యాంతహీనాయ చరాచరమయాయ తే |
అనంతోదరసంస్థాయ నాభిశేషాయ తే నమః || ౨ ||

కర్త్రే పాత్రే చ సంహర్త్రే త్రిగుణానామధీశ్వర |
సర్వసత్తాధరాయైవ నిర్గుణాయ నమో నమః || ౩ ||

సిద్ధిబుద్ధిపతే తుభ్యం సిద్ధిబుద్ధిప్రదాయ చ |
బ్రహ్మభూతాయ దేవేశ సగుణాయ నమో నమః || ౪ ||

పరశుం దధతే తుభ్యం కమలేన ప్రశోభినే |
పాశాభయధరాయైవ మహోదర నమో నమః || ౫ ||

మూషకారూఢదేవాయ మూషకధ్వజినే నమః |
ఆదిపూజ్యాయ సర్వాయ సర్వపూజ్యాయ తే నమః || ౬ ||

గుణసంయుక్తకాయాయ నిర్గుణాత్మకమస్తక |
తయోరభేదరూపేణ చైకదంతాయ తే నమః || ౭ ||

వేదాంతగోచరాయైవ వేదాంతాలభ్యకాయ తే |
యోగాధీశాయ వై తుభ్యం బ్రహ్మాధీశాయ తే నమః || ౮ ||

అపారగుణధారాయానంతమాయాప్రచాలక |
నానావతారభేదాయ శాంతిదాయ నమో నమః || ౯ ||

వయం ధన్యా వయం ధన్యా యైర్దృష్టో గణనాయకః |
బ్రహ్మభూయమయః సాక్షాత్ ప్రత్యక్షం పురతః స్థితః || ౧౦ ||

ఏవం స్తుత్వా ప్రహర్షేణ ననృతుర్భక్తిసంయుతాః |
సాశ్రునేత్రాన్ సరోమాంచాన్ దృష్ట్వా తాన్ ఢుంఢిరబ్రవీత్ || ౧౧ ||

ఏకదంత ఉవాచ |
వరం వృణుత దేవేశా మునయశ్చ యథేప్సితమ్ |
దాస్యామి తం న సందేహో భవేద్యద్యపి దుర్లభః || ౧౨ ||

భవత్కృతం మదీయం యత్ స్తోత్రం సర్వార్థదం భవేత్ |
పఠతే శ్రుణ్వతే దేవా నానాసిద్ధిప్రదం ద్విజాః || ౧౩ ||

శత్రునాశకరం చైవాంతే స్వానందప్రదాయకమ్ |
పుత్రపౌత్రాదికం సర్వం లభతే పాఠతో నరః || ౧౪ ||

ఇతి శ్రీమన్ముద్గలపురాణే ద్వితీయేఖండే ఏకదంతచరితే ద్విపంచాశత్తమోఽధ్యాయే ఏకదంతస్తోత్రం సంపూర్ణమ్ |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ గణేశ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ గణేశ స్తోత్రాలు చూడండి.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments
error: Not allowed
%d bloggers like this: