Read in తెలుగు / ಕನ್ನಡ / தமிழ் / देवनागरी / English (IAST)
(అగస్త్య ముని స్వయంగా ఉపదేశించిన ఈ స్తోత్రంలో స్వామివారి సౌందర్యం, పరాక్రమం మరియు పరబ్రహ్మ తత్త్వం నిక్షిప్తమై ఉన్నాయి. ఈ స్తోత్రం పారాయణ చేయడం వల్ల బుద్ధి వికాసం, శౌర్యం మరియు దైవానుగ్రహం లభిస్తాయి.)
అగస్తిరువాచ |
నమోఽస్తు వృందారకవృందవంద్య-
పాదారవిందాయ సుధాకరాయ |
షడాననాయామితవిక్రమాయ
గౌరీహృదానందసముద్భవాయ || ౧ ||
దేవతా సమూహాలచే (వృందారక వృంద) నమస్కరింపబడే పాదపద్మములు కలవాడా! చంద్రుని వలె (సుధాకరాయ) చల్లని అనుగ్రహాన్ని ఇచ్చేవాడా! ఆరు ముఖములు కలవాడా (షడానన)! అపరిమితమైన పరాక్రమము (అమిత విక్రమాయ) కలవాడా! పార్వతీ దేవి (గౌరీ) హృదయానికి ఆనందాన్ని కలిగిస్తూ జన్మించినవాడా! నీకు నమస్కారము.
నమోఽస్తు తుభ్యం ప్రణతార్తిహంత్రే
కర్త్రే సమస్తస్య మనోరథానామ్ |
దాత్రే రథానాం పరతారకస్య
హంత్రే ప్రచండాసుర తారకస్య || ౨ ||
నీకు నమస్కారము (నమోఽస్తు తుభ్యం). శరణు కోరిన భక్తుల కష్టాలను హరించేవాడా (ప్రణత ఆర్తి హంత్రే)! భక్తుల సమస్త కోరికలను (సమస్తస్య మనోరథానామ్) నెరవేర్చేవాడా! యుద్ధరంగంలో శ్రేష్ఠమైన రథములను నడిపేవాడా (లేదా వరాలను ఇచ్చేవాడా)! భయంకరుడైన తారకాసురుని (ప్రచండ అసుర తారకస్య) సంహరించినవాడా! నీకు వందనము.
అమూర్తమూర్తాయ సహస్రమూర్తయే
గుణాయ గుణ్యాయ పరాత్పరాయ |
అపారపారాయ పరాపరాయ
నమోఽస్తు తుభ్యం శిఖివాహనాయ || ౩ ||
రూపము లేనివాడు (అమూర్త) మరియు రూపము ఉన్నవాడు (మూర్త), వేల రూపములు కలవాడు (సహస్రమూర్తయే), సద్గుణ స్వరూపుడు, గుణవంతులచే కొలవబడేవాడు, పరాత్పరుడు (అత్యున్నతమైనవాడు), అంతులేని సంసార సాగరాన్ని దాటించేవాడు (అపార పారాయ), ఐహిక పరలోక సుఖాలకు అతీతుడైనవాడు మరియు నెమలి వాహనము కలవాడు (శిఖి వాహనాయ) అయిన నీకు నమస్కారము.
నమోఽస్తు తే బ్రహ్మవిదాం వరాయ
దిగంబరాయాంబర సంస్థితాయ |
హిరణ్యవర్ణాయ హిరణ్యబాహవే
నమో హిరణ్యాయ హిరణ్యరేతసే || ౪ ||
బ్రహ్మజ్ఞానులలో శ్రేష్ఠుడవైన నీకు నమస్కారము. దిక్కులే వస్త్రముగా కలవాడా (దిగంబర – వైరాగ్య స్వరూపా), ఆకాశమంతటా వ్యాపించి ఉన్నవాడా (అంబర సంస్థితాయ)! బంగారు వర్ణము కలవాడా (హిరణ్య వర్ణాయ), బంగారు బాహువులు కలవాడా (హిరణ్య బాహవే), ప్రకాశవంతమైన హిరణ్య స్వరూపుడా మరియు తేజోరూపుడవైన (హిరణ్యరేతసే) నీకు నమస్కారము.
తపఃస్వరూపాయ తపోధనాయ
తపఃఫలానాం ప్రతిపాదకాయ |
సదా కుమారాయ హిమారమారిణే
తృణీకృతైశ్వర్య విరాగిణే నమః || ౫ ||
తపస్సే స్వరూపముగా కలవాడికి, తపస్సే ధనముగా కలవాడికి, తపస్సు యొక్క ఫలితాలను ప్రసాదించే వాడికి (ప్రతిపాదకాయ) నమస్కారము. నిత్య యవ్వనమూర్తి అయిన కుమారుడికి, మంచుకు శత్రువైన అగ్ని యొక్క తేజస్సు నుండి ఉద్భవించిన వాడికి (హిమారమారిణే), సమస్త ఐశ్వర్యాలను గడ్డిపోచలా భావించే (తృణీకృత ఐశ్వర్య) పరమ వైరాగ్యమూర్తికి నమస్కారము.
నమోఽస్తు తుభ్యం శరజన్మనే విభో
ప్రభాతసూర్యారుణదంతపంక్తయే |
బాలాయ చాబాలపరాక్రమాయ
షాణ్మాతురాయాలమనాతురాయ || ౬ ||
ఓ ప్రభూ! శరవణమున (దర్భవనమున) జన్మించిన నీకు నమస్కారము. ఉదయ సూర్యుని వలె ఎర్రని కాంతిని చిందే పలువరుస కలవాడా! చూడడానికి బాలుడి వలె కనిపించినా, లోకాతీతమైన గొప్ప పరాక్రమము కలవాడా (అబాల పరాక్రమాయ)! ఆరుగురు కృత్తికా దేవుల పుత్రుడా (షాణ్మాతుర), ఎల్లప్పుడూ ధైర్యంగా, స్థిరంగా (అమనాతురాయ) ఉండే నీకు నమస్కారము.
మీఢుష్టమాయోత్తరమీఢుషే నమో
నమో గణానాం పతయే గణాయ |
నమోఽస్తు తే జన్మజరాతిగాయ
నమో విశాఖాయ సుశక్తిపాణయే || ౭ ||
కోరికలను వర్షంలా కురిపించే వారిలో శ్రేష్ఠుడా (మీఢుష్టమాయ), సమస్త ప్రమథ గణాలకు అధిపతివైన నీకు నమస్కారము. జనన మరణములకు, ముసలితనానికి (జన్మ జర) అతీతుడైన వాడా! ‘విశాఖ’ నక్షత్రమందు ఆవిర్భవించిన వాడా, చేతిలో శోభాయమానమైన ‘శక్తి’ ఆయుధాన్ని ధరించిన వాడా (సుశక్తి పాణయే)! నీకు నమస్కారము.
సర్వస్య నాథస్య కుమారకాయ
క్రౌంచారయే తారకమారకాయ |
స్వాహేయ గాంగేయ చ కార్తికేయ
శైవేయ తుభ్యం సతతం నమోఽస్తు || ౮ ||
సకల లోకనాథుడైన పరమశివుని కుమారుడా! క్రౌంచ పర్వతమును భేదించిన వాడా (క్రౌంచారయే), తారకాసురుని సంహరించిన వాడా! అగ్నిప్రియ అయిన స్వాహాదేవి పుత్రుడా (స్వాహేయ), గంగా పుత్రుడా (గాంగేయ), కృత్తికా పుత్రుడా (కార్తికేయ) మరియు శివపుత్రుడవైన నీకు ఎల్లప్పుడూ (సతతం) నమస్కారము.
ఇతి స్కాందపురాణే కాశీఖండే పంచవింశతితమోఽధ్యాయే అగస్త్యప్రోక్తం షడాననాష్టకమ్ |
మరిన్ని శ్రీ సుబ్రహ్మణ్య స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
