Read in తెలుగు / ಕನ್ನಡ / தமிழ் / देवनागरी / English (IAST)
(ఋ.౧౦.౧౨౯)
నాస॑దాసీ॒న్నో సదా॑సీత్త॒దానీ॒o నాసీ॒ద్రజో॒ నో వ్యో॑మా ప॒రో యత్ |
కిమావ॑రీవ॒: కుహ॒ కస్య॒ శర్మ॒న్నంభ॒: కిమా॑సీ॒ద్గహ॑నం గభీ॒రమ్ || ౧ ||
న మృ॒త్యురా॑సీద॒మృత॒o న తర్హి॒ న రాత్ర్యా॒ అహ్న॑ ఆసీత్ప్రకే॒తః |
ఆనీ॑దవా॒తం స్వ॒ధయా॒ తదేక॒o తస్మా॑ద్ధా॒న్యన్న ప॒రః కిం చ॒నాస॑ || ౨ ||
తమ॑ ఆసీ॒త్తమ॑సా గూ॒ళ్హమగ్రే॑ఽప్రకే॒తం స॑లి॒లం సర్వ॑మా ఇ॒దమ్ |
తు॒చ్ఛ్యేనా॒భ్వపి॑హిత॒o యదాసీ॒త్తప॑స॒స్తన్మ॑హి॒నాజా॑య॒తైక॑మ్ || ౩ ||
కామ॒స్తదగ్రే॒ సమ॑వర్త॒తాధి॒ మన॑సో॒ రేత॑: ప్రథ॒మం యదాసీ॑త్ |
స॒తో బన్ధు॒మస॑తి॒ నిర॑విన్దన్ హృ॒ది ప్ర॒తీష్యా॑ క॒వయో॑ మనీ॒షా || ౪ ||
తి॒ర॒శ్చీనో॒ విత॑తో ర॒శ్మిరే॑షామ॒ధః స్వి॑దా॒సీ ౩ దు॒పరి॑ స్విదాసీ ౩ త్ |
రే॒తో॒ధా ఆ॑సన్మహి॒మాన॑ ఆసన్త్స్వ॒ధా అ॒వస్తా॒త్ప్రయ॑తిః ప॒రస్తా॑త్ || ౫ ||
కో అ॒ద్ధా వే॑ద॒ క ఇ॒హ ప్ర వో॑చ॒త్కుత॒ ఆజా॑తా॒ కుత॑ ఇ॒యం విసృ॑ష్టిః |
అ॒ర్వాగ్దే॒వా అ॒స్య వి॒సర్జ॑నే॒నాథా॒ కో వే॑ద॒ యత॑ ఆబ॒భూవ॑ || ౬ ||
ఇ॒యం విసృ॑ష్టి॒ర్యత॑ ఆబ॒భూవ॒ యది॑ వా ద॒ధే యది॑ వా॒ న |
యో అ॒స్యాధ్య॑క్షః పర॒మే వ్యో॑మ॒న్త్సో అ॒ఙ్గ వే॑ద॒ యది॑ వా॒ న వేద॑ || ౭ ||
మరిన్ని వేదసూక్తములు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
