Read in తెలుగు / ಕನ್ನಡ / தமிழ் / देवनागरी / English (IAST)
|| కపిసేనాప్రత్యాగమనమ్ ||
దర్శనార్థం తు వైదేహ్యాః సర్వతః కపియూథపాః |
వ్యాదిష్టాః కపిరాజేన యథోక్తం జగ్మురంజసా || ౧ ||
సరాంసి సరితః కక్షానాకాశం నగరాణి చ |
నదీదుర్గాంస్తథా శైలాన్ విచిన్వంతి సమంతతః || ౨ ||
సుగ్రీవేణ సమాఖ్యాతాః సర్వే వానరయూథపాః |
ప్రదేశాన్ ప్రవిచిన్వంతి సశైలవనకాననాన్ || ౩ ||
విచిత్య దివసం సర్వే సీతాధిగమనే ధృతాః |
సమాయాంతి స్మ మేదిన్యాం నిశాకాలేషు వానరాః || ౪ ||
సర్వర్తుకామాన్ దేశేషు వానరాః సఫలాన్ ద్రుమాన్ |
ఆసాద్య రజనీం శయ్యాం చక్రుః సర్వేష్వహఃసు తే || ౫ ||
తదహః ప్రథమం కృత్వా మాసే ప్రస్రవణం గతాః |
కపిరాజేన సంగమ్య నిరాశాః కపియూథపాః || ౬ ||
విచిత్య తు దిశం పూర్వాం యథోక్తాం సచివైః సహ |
అదృష్ట్వా వినతః సీతామాజగామ మహాబలః || ౭ ||
ఉత్తరాం చ దిశం సర్వాం విచిత్య స మహాకపిః |
ఆగతః సహ సైన్యేన వీరః శతవలిస్తదా || ౮ ||
సుషేణః పశ్చిమామాశాం విచిత్య సహ వానరైః |
సమేత్య మాసే సంపూర్ణే సుగ్రీవముపచక్రమే || ౯ ||
తం ప్రస్రవణపృష్ఠస్థం సమాసాద్యాభివాద్య చ |
ఆసీనం సహ రామేణ సుగ్రీవమిదమబ్రువన్ || ౧౦ ||
విచితాః పర్వతాః సర్వే వనాని గహనాని చ |
నిమ్నగాః సాగరాంతాశ్చ సర్వే జనపదాశ్చ యే || ౧౧ ||
గుహాశ్చ విచితాః సర్వాస్త్వయా యాః పరికీర్తితాః |
విచితాశ్చ మహాగుల్మా లతావితతసంతతాః || ౧౨ ||
గహనేషు చ దేశేషు దుర్గేషు విషమేషు చ |
సత్త్వాన్యతిప్రమాణాని విచితాని హతాని చ || ౧౩ ||
ఉదారసత్త్వాభిజనో మహాత్మా
స మైథీలీం ద్రక్ష్యతి వానరేంద్రః |
దిశం తు యామేవ గతా తు సీతా
తామాస్థితో వాయుసుతో హనూమాన్ || ౧౪ ||
ఇత్యార్షే శ్రీమద్రామాయణే వాల్మీకీయే ఆదికావ్యే కిష్కింధాకాండే సప్తచత్వారింశః సర్గః || ౪౭ ||
సంపూర్ణ వాల్మీకి రామాయణే కిష్కింధాకాండ చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
