Read in తెలుగు / ಕನ್ನಡ / தமிழ் / देवनागरी / English (IAST)
యశ్శిష్య హృత్తాప దవాగ్నిభయనివారిణే మహామేఘః
యశ్శిష్య రోగార్తి మహాహివిషవినాశనే సుపర్ణాత్మా |
యశ్శిష్య సందోహ విపక్షగిరి విభేదనే పవిస్సోర్చ్యః
శ్రీసచ్చిదానంద శివాభినవ నృసింహభారతీ స్వామీ || ౧ ||
యం శంకరార్యాపరరూప ఇతి తపోనిధిం భజంత్యార్యాః
యం భారతీపుంతనురూప ఇతి కళానిధిం స్తువంత్యన్యే |
యం సద్గుణాఢ్యం నిజదైవమితి నమంతి సంశ్రితాస్సోర్చ్యః
శ్రీసచ్చిదానంద శివాభినవ నృసింహభారతీ స్వామీ || ౨ ||
యేనాశ్రితం సజ్జనతుష్టికరమభీప్సితం చతుర్భద్రం
యేనాదృతం శిష్యసుధీసుజన శివంకరం కిరీటాద్యమ్ |
యేనోద్ధృతా సంయమిలోకనుత మహానుభావ తా సోర్చ్యః
శ్రీసచ్చిదానంద శివాభినవ నృసింహభారతీ స్వామీ || ౩ ||
యస్మై నృపాద్యాబిరుదం దదతి విభూషణాదికం భక్త్యా
యస్మై ప్రయచ్ఛంతి ముదాభజక జనానృపోపచారాదీన్ |
యస్మై ప్రదత్తా గురుణా స్వకృత తపోవిభూతయస్సోర్చ్యః
శ్రీసచ్చిదానంద శివాభినవ నృసింహభారతీ స్వామీ || ౪ ||
యస్మాదభీష్టార్థచయాప్తిరిహ భవత్యమోఘమార్తానాం
యస్మాత్కటాక్షాస్సదయాః కుశలకరాస్సరంతి భక్తేషు |
యస్మాత్సదానందద సూక్త్యమృత ధునీ ప్రజాయతే సోర్చ్యః
శ్రీసచ్చిదానంద శివాభినవ నృసింహభారతీ స్వామీ || ౫ ||
యస్యాంగకే భాతి మహత్త్వగుణవిబోధకం మహాతేజః
యస్యోక్తిపూరే ఋతపూతహిత సదంబుభక్తపానీయమ్ |
యస్యాంతరంగేహి శివోహమితి విభావనైకతా సోర్చ్యః
శ్రీసచ్చిదానంద శివాభినవ నృసింహభారతీ స్వామీ || ౬ ||
యస్మిన్ స్థితా శృంగగిరీడ్యయతి పరంపరాత్తదివ్యశ్రీః
యస్మిన్ చకాస్త్యుద్ధృతవాది జయకరీ యశఃకరీ విద్యా |
యస్మిన్ సువిజ్ఞానవిరక్తి శమదమాదిసంపదస్సోర్చ్యః
శ్రీసచ్చిదానంద శివాభినవ నృసింహభారతీ స్వామీ || ౭ ||
యోర్చ్యో భజేయం శరణం భవుకయుతోస్మి యేన యస్మైగీః
దత్తా చ యస్మాత్సుఖమీప్సితముచితం హి యస్య దాసోఽహమ్ |
యస్మిన్ మనస్సంతతభక్తియుతమభూత్స ఏవ పాహి త్వం
శ్రీసచ్చిదానంద శివాభినవ నృసింహభారతీ స్వామీ || ౮ ||
ఇతి శ్రీ జగద్గురు స్తుతిః
మరిన్ని శ్రీ గురు స్తోత్రాలు చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
