Read in తెలుగు / ಕನ್ನಡ / தமிழ் / देवनागरी / English (IAST)
శ్రీమాధవీ కాననస్థే గర్భరక్షాంబికే పాహి భక్తాం స్తువంతీమ్ ||
వాపీతటే వామభాగే
వామదేవస్య దేవస్య దేవి స్థితా త్వమ్ |
మాన్యా వరేణ్యా వదాన్యా
పాహి గర్భస్థజంతూన్ తథా భక్తలోకాన్ || ౧ ||
శ్రీమాధవీ కాననస్థే గర్భరక్షాంబికే పాహి భక్తాం స్తువంతీమ్ ||
శ్రీగర్భరక్షాపురే యా
దివ్యసౌందర్యయుక్తా సుమాంగళ్యగాత్రీ |
ధాత్రీ జనిత్రీ జనానాం
దివ్యరూపాం దయార్ద్రాం మనోజ్ఞాం భజే త్వామ్ || ౨ ||
శ్రీమాధవీ కాననస్థే గర్భరక్షాంబికే పాహి భక్తాం స్తువంతీమ్ ||
ఆషాఢమాసే సుపుణ్యే
శుక్రవారే సుగంధేన గంధేన లిప్తా |
దివ్యాంబరాకల్పవేషా
వాజపేయాదియాగస్థభక్తైః సుదృష్టా || ౩ ||
శ్రీమాధవీ కాననస్థే గర్భరక్షాంబికే పాహి భక్తాం స్తువంతీమ్ ||
కల్యాణదాత్రీం నమస్యే
వేదికాఢ్యస్త్రియా గర్భరక్షాకరీం త్వామ్ |
బాలైస్సదా సేవితాంఘ్రిం
గర్భరక్షార్థమారాదుపేతైరుపేతామ్ || ౪ ||
శ్రీమాధవీ కాననస్థే గర్భరక్షాంబికే పాహి భక్తాం స్తువంతీమ్ ||
బ్రహ్మోత్సవే విప్రవీథ్యాం
వాద్యఘోషేణ తుష్టాం రథే సన్నివిష్టామ్ |
సర్వార్థదాత్రీం భజేఽహం
దేవవృందైరపీడ్యాం జగన్మాతరం త్వామ్ || ౫ ||
శ్రీమాధవీ కాననస్థే గర్భరక్షాంబికే పాహి భక్తాం స్తువంతీమ్ ||
ఏతత్ కృతం స్తోత్రరత్నం
దీక్షితానంతరామేణ దేవ్యాశ్చ తుష్ట్యై |
నిత్యం పఠేద్యస్తు భక్త్యా
పుత్రపౌత్రాది భాగ్యం భవేత్తస్య నిత్యమ్ || ౬ ||
శ్రీమాధవీ కాననస్థే గర్భరక్షాంబికే పాహి భక్తాం స్తువంతీమ్ ||
ఇతి శ్రీఅనంతరామదీక్షితవర్య విరచితం గర్భరక్షాంబికా స్తోత్రమ్ ||
మరిన్ని దేవీ స్తోత్రాలు చూడండి.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
