Read in తెలుగు / ಕನ್ನಡ / தமிழ் / देवनागरी / English (IAST)
jaya śaṅkara pārvatīpatē mr̥ḍa śambhō śaśikhaṇḍamaṇḍana |
madanāntaka bhaktavatsala priyakailāsa dayāsudhāmbudhē || 1 ||
sadupāyakathāsvapaṇḍitō hr̥dayē duḥkhaśarēṇa khaṇḍitaḥ |
śaśikhaṇḍaśikhaṇḍamaṇḍanaṁ śaraṇaṁ yāmi śaraṇyamīśvaram || 2 ||
mahataḥ paritaḥ prasarpatastamasō darśanabhēdinō bhidē |
dinanātha iva svatējasā hr̥dayavyōmni manāgudēhi naḥ || 3 ||
na vayaṁ tava carmacakṣuṣā padavīmapyupavīkṣituṁ kṣamāḥ |
kr̥payā:’bhayadēna cakṣuṣā sakalēnēśa vilōkayāśu naḥ || 4 ||
tvadanusmr̥tirēva pāvanī stutiyuktā na hi vaktumīśa sā |
madhuraṁ hi payaḥ svabhāvatō nanu kīdr̥ksitaśarkarānvitam || 5 ||
saviṣō:’pyamr̥tāyatē bhavāñchavamuṇḍābharaṇō:’pi pāvanaḥ |
bhava ēva bhavāntakaḥ satāṁ samadr̥ṣṭirviṣamēkṣaṇō:’pi san || 6 ||
api śūladharō nirāmayō dr̥ḍhavairāgyaratō:’pi rāgavān |
api bhaikṣyacarō mahēśvaraścaritaṁ citramidaṁ hi tē prabhō || 7 ||
vitaratyabhivāñchitaṁ dr̥śā paridr̥ṣṭaḥ kila kalpapādapaḥ |
hr̥dayē smr̥ta ēva dhīmatē namatē:’bhīṣṭaphalapradō bhavān || 8 ||
sahasaiva bhujaṅgapāśavānvinigr̥hṇāti na yāvadantakaḥ |
abhayaṁ kuru tāvadāśu mē gatajīvasya punaḥ kimauṣadhaiḥ || 9 ||
saviṣairiva bhīmapannagairviṣayairēbhiralaṁ parikṣatam |
amr̥tairiva sambhramēṇa māmabhiṣiñcāśu dayāvalōkanaiḥ || 10 ||
munayō bahavō:’dya dhanyatāṁ gamitāḥ svābhimatārthadarśinaḥ |
karuṇākara yēna tēna māmavasannaṁ nanu paśya cakṣuṣā || 11 ||
praṇamāmyatha yāmi cāparaṁ śaraṇaṁ kaṁ kr̥paṇābhayapradam |
virahīva vibhō priyāmayaṁ paripaśyāmi bhavanmayaṁ jagat || 12 ||
bahavō bhavatā:’nukampitāḥ kimitīśāna na mānukampasē |
dadhatā kimu mandarācalaṁ paramāṇuḥ kamaṭhēna durdharaḥ || 13 ||
aśuciṁ yadi mānumanyasē kimidaṁ mūrdhni kapāladāma tē |
uta śāṭhyamasādhusaṅginaṁ viṣalakṣmāsi na kiṁ dvijihvadhr̥k || 14 ||
kva dr̥śaṁ vidadhāmi kiṁ karōmyanutiṣṭhāmi kathaṁ bhayākulaḥ |
kva nu tiṣṭhasi rakṣa rakṣa māmayi śambhō śaraṇāgatō:’smi tē || 15 ||
viluṭhāmyavanau kimākulaḥ kimurō hanmi śiraśchinadmi vā |
kimu rōdimi rāraṭīmi kiṁ kr̥paṇaṁ māṁ na yadīkṣasē prabhō || 16 ||
śiva sarvaga śarva śarmada praṇatō dēva dayāṁ kuruṣva mē |
nama īśvara nātha dikpatē punarēvēśa namō namō:’stu tē || 17 ||
śaraṇaṁ taruṇēnduśēkharaḥ śaraṇaṁ mē girirājakanyakā |
śaraṇaṁ punarēva tāvubhau śaraṇaṁ nānyadupaimi daivatam || 18 ||
upamanyukr̥taṁ stavōttamaṁ japataḥ śambhusamīpavartinaḥ |
abhivāñchitabhāgyasampadaḥ paramāyuḥ pradadāti śaṅkaraḥ || 19 ||
upamanyukr̥taṁ stavōttamaṁ prajapēdyastu śivasya sannidhau |
śivalōkamavāpya sō:’cirātsaha tēnaiva śivēna mōdatē || 20 ||
ityupamanyukr̥taṁ śivastōtraṁ sampūrṇam |
See more śrī śiva stotras for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
