Read in తెలుగు / ಕನ್ನಡ / தமிழ் / देवनागरी / English (IAST)
|| aṅgadajāmbavatsaṁvādaḥ ||
tasya tadvacanaṁ śrutvā vālisūnurabhāṣata || 1 ||
ayuktaṁ tu vinā dēvīṁ dr̥ṣṭavadbhiśca vānarāḥ |
samīpaṁ gantumasmābhī rāghavasya mahātmanaḥ || 2 ||
dr̥ṣṭā dēvī na cānītā iti tatra nivēdanam |
ayuktamiva paśyāmi bhavadbhiḥ khyātavikramaiḥ || 3 ||
na hi naḥ plavanē kaścinnāpi kaścitparākramē |
tulyaḥ sāmaradaityēṣu lōkēṣu harisattamāḥ || 4 ||
tēṣvēvaṁ hatavīrēṣu rākṣasēṣu hanūmatā |
kimanyadatra kartavyaṁ gr̥hītvā yāma jānakīm || 5 ||
tamēvaṁ kr̥tasaṅkalpaṁ jāmbavānharisattamaḥ |
uvāca paramaprītō vākyamarthavadarthavit || 6 ||
na tāvadēṣā matirakṣamā nō
yathā bhavānpaśyati rājaputra |
yathā tu rāmasya matirniviṣṭā
tathā bhavānpaśyatu kāryasiddhim || 7 ||
ityārṣē śrīmadrāmāyaṇē vālmīkīyē ādikāvyē sundarakāṇḍē ṣaṣṭitamaḥ sargaḥ || 60 ||
sundarakāṇḍa ēkaṣaṣṭitamaḥ sargaḥ (61)>>
See Complete vālmīki sundarakāṇḍa for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
