Read in తెలుగు / ಕನ್ನಡ / தமிழ் / देवनागरी / English (IAST)
|| sītāvitarkaḥ ||
tataḥ śākhāntarē līnaṁ dr̥ṣṭvā calitamānasā |
vēṣṭitārjunavastraṁ taṁ vidyutsaṅghātapiṅgalam || 1 ||
sā dadarśa kapiṁ tatra praśritaṁ priyavādinam |
phullāśōkōtkarābhāsaṁ taptacāmīkarēkṣaṇam || 2 ||
[* sā:’tha dr̥ṣṭvā hariśrēṣṭhaṁ vinītavadavasthitam | *]
maithilī cintayāmāsa vismayaṁ paramaṁ gatā |
ahō bhīmamidaṁ rūpaṁ vānarasya durāsadam || 3 ||
durnirīkṣyamiti jñātvā punarēva mumōha sā |
vilalāpa bhr̥śaṁ sītā karuṇaṁ bhayamōhitā || 4 ||
rāmarāmēti duḥkhārtā lakṣmaṇēti ca bhāminī |
rurōda bahudhā sītā mandaṁ mandasvarā satī || 5 ||
sā taṁ dr̥ṣṭvā hariśrēṣṭhaṁ vinītavadupasthitam |
maithilī cintayāmāsa svapnō:’yamiti bhāminī || 6 ||
sā vīkṣamāṇā pr̥thubhugnavaktraṁ
śākhāmr̥gēndrasya yathōktakāram |
dadarśa piṅgādhipatēramātyaṁ
vātātmajaṁ buddhimatāṁ variṣṭham || 7 ||
sā taṁ samīkṣyaiva bhr̥śaṁ visañjñā
gatāsukalpēva babhūva sītā |
cirēṇa sañjñāṁ pratilabhya bhūyō
vicintayāmāsa viśālanētrā || 8 ||
svapnē mayā:’yaṁ vikr̥tō:’dya dr̥ṣṭaḥ
śākhāmr̥gaḥ śāstragaṇairniṣiddhaḥ |
svastyastu rāmāya salakṣmaṇāya
tathā piturmē janakasya rājñaḥ || 9 ||
svapnō:’pi nāyaṁ na hi mē:’sti nidrā
śōkēna duḥkhēna ca pīḍitāyāḥ |
sukhaṁ hi mē nāsti yatō:’smi hīnā
tēnēndupūrṇapratimānanēna || 10 ||
rāmēti rāmēti sadaiva buddhyā
vicintya vācā bruvatī tamēva |
tasyānurūpāṁ ca kathāṁ tamartha-
-mēvaṁ prapaśyāmi tathā śr̥ṇōmi || 11 ||
ahaṁ hi tasyādya manōbhavēna
sampīḍitā tadgatasarvabhāvā |
vicintayantī satataṁ tamēva
tathaiva paśyāmi tathā śr̥ṇōmi || 12 ||
manōrathaḥ syāditi cintayāmi
tathāpi buddhyā ca vitarkayāmi |
kiṁ kāraṇaṁ tasya hi nāsti rūpaṁ
suvyaktarūpaśca vadatyayaṁ mām || 13 ||
namō:’stu vācaspatayē savajriṇē
svayambhuvē caiva hutāśanāya ca |
anēna cōktaṁ yadidaṁ mamāgratō
vanaukasā tacca tathā:’stu nānyathā || 14 ||
ityārṣē śrīmadrāmāyaṇē vālmīkīyē ādikāvyē sundarakāṇḍē dvātriṁśaḥ sargaḥ || 32 ||
sundarakāṇḍa trayastriṁśaḥ sargaḥ (33)>>
See Complete vālmīki sundarakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
