Read in తెలుగు / ಕನ್ನಡ / தமிழ் / देवनागरी / English (IAST)
arjuna uvāca |
prakr̥tiṁ puruṣaṁ caiva kṣētraṁ kṣētrajñamēva ca |
ētadvēditumicchāmi jñānaṁ jñēyaṁ ca kēśava || 1 ||
śrībhagavānuvāca |
idaṁ śarīraṁ kauntēya kṣētramityabhidhīyatē |
ētadyō vētti taṁ prāhuḥ kṣētrajña iti tadvidaḥ || 2 ||
kṣētrajñaṁ cāpi māṁ viddhi sarvakṣētrēṣu bhārata |
kṣētrakṣētrajñayōrjñānaṁ yat tajjñānaṁ mataṁ mama || 3 ||
tat kṣētraṁ yacca yādr̥k ca yadvikāri yataśca yat |
sa ca yō yat prabhāvaśca tat samāsēna mē śr̥ṇu || 4 ||
r̥ṣibhirbahudhā gītaṁ chandōbhirvividhaiḥ pr̥thak |
brahmasūtrapadaiścaiva hētumadbhirviniścitaiḥ || 5 ||
mahābhūtānyahaṅkārō buddhiravyaktamēva ca |
indriyāṇi daśaikaṁ ca pañca cēndriyagōcarāḥ || 6 ||
icchā dvēṣaḥ sukhaṁ duḥkhaṁ saṅghātaścētanā dhr̥tiḥ |
ētat- kṣētraṁ samāsēna savikāramudāhr̥tam || 7 ||
amānitvamadambhitvamahiṁsā kṣāntirārjavam |
ācāryōpāsanaṁ śaucaṁ sthairyamātmavinigrahaḥ || 8 ||
indriyārthēṣu vairāgyamanahaṅkāra ēva ca |
janmamr̥tyujarāvyādhiduḥkhadōṣānudarśanam || 9 ||
asaktiranabhiṣvaṅgaḥ putradāragr̥hādiṣu |
nityaṁ ca samacittatvamiṣṭāniṣṭōpapattiṣu || 10 ||
mayi cānanyayōgēna bhaktiravyabhicāriṇī |
viviktadēśasēvitvamaratirjanasaṁsadi || 11 ||
adhyātmajñānanityatvaṁ tattvajñānārthadarśanam |
ētajjñānamiti prōktamajñānaṁ yadatō:’nyathā || 12 ||
jñēyaṁ yat tat pravakṣyāmi yajjñātvāmr̥tamaśnutē |
anādimat paraṁ brahma na sat tannāsaducyatē || 13 ||
sarvataḥ pāṇipādaṁ tat sarvatō:’kṣiśirōmukham |
sarvataḥ śrutimallōkē sarvamāvr̥tya tiṣṭhati || 14 ||
sarvēndriyaguṇābhāsaṁ sarvēndriyavivarjitam |
asaktaṁ sarvabhr̥ccaiva nirguṇaṁ guṇabhōktr̥ ca || 15 ||
bahirantaśca bhūtānāmacaraṁ caramēva ca |
sūkṣmatvāt tadavijñēyaṁ dūrasthaṁ cāntikē ca tat || 16 ||
avibhaktaṁ ca bhūtēṣu vibhaktamiva ca sthitam |
bhūtabhartr̥ ca tatjñēyaṁ grasiṣṇu prabhaviṣṇu ca || 17 ||
jyōtiṣāmapi tajjyōtistamasaḥ paramucyatē |
jñānaṁ jñēyaṁ jñānagamyaṁ hr̥di sarvasya viṣṭhitam || 18 ||
iti kṣētraṁ tathā jñānaṁ jñēyaṁ cōktaṁ samāsataḥ |
madbhakta ētadvijñāya madbhāvāyōpapadyatē || 19 ||
prakr̥tiṁ puruṣaṁ caiva viddhyanādī ubhāvapi |
vikārāṁśca guṇāṁścaiva viddhi prakr̥tisambhavān || 20 ||
kāryakāraṇakartr̥tvē hētuḥ prakr̥tirucyatē |
puruṣaḥ sukhaduḥkhānāṁ bhōktr̥tvē hēturucyatē || 21 ||
puruṣaḥ prakr̥tisthō hi bhuṅktē prakr̥tijān guṇān |
kāraṇaṁ guṇasaṅgō:’sya sadasadyōnijanmasu || 22 ||
upadraṣṭānumantā ca bhartā bhōktā mahēśvaraḥ |
paramātmēti cāpyuktō dēhē:’smin puruṣaḥ paraḥ || 23 ||
ya ēvaṁ vētti puruṣaṁ prakr̥tiṁ ca guṇaiḥ saha |
sarvathā vartamānō:’pi na sa bhūyō:’bhijāyatē || 24 ||
dhyānēnātmani paśyanti kēcidātmānamātmanā |
anyē sāṅkhyēna yōgēna karmayōgēna cāparē || 25 ||
anyē tvēvamajānantaḥ śrutvānyēbhya upāsatē |
tē:’pi cātitarantyēva mr̥tyuṁ śrutiparāyaṇāḥ || 26 ||
yāvat sañjāyatē kiñcit sattvaṁ sthāvarajaṅgamam |
kṣētrakṣētrajñasamyōgāt tadviddhi bharatarṣabha || 27 ||
samaṁ sarvēṣu bhūtēṣu tiṣṭhantaṁ paramēśvaram |
vinaśyatsvavinaśyantaṁ yaḥ paśyati sa paśyati || 28 ||
samaṁ paśyan hi sarvatra samavasthitamīśvaram |
na hinastyātmanā:’:’tmānaṁ tatō yāti parāṁ gatim || 29 ||
prakr̥tyaiva ca karmāṇi kriyamāṇāni sarvaśaḥ |
yaḥ paśyati tathā:’:’tmānamakartāraṁ sa paśyati || 30 ||
yadā bhūtapr̥thagbhāvamēkasthamanupaśyati |
tata ēva ca vistāraṁ brahma sampadyatē tadā || 31 ||
anāditvānnirguṇatvāt paramātmāyamavyayaḥ |
śarīrasthō:’pi kauntēya na karōti na lipyatē || 32 ||
yathā sarvagataṁ saukṣmyādākāśaṁ nōpalipyatē |
sarvatrāvasthitō dēhē tathā:’:’tmā nōpalipyatē || 33 ||
yathā prakāśayatyēkaḥ kr̥tsnaṁ lōkamimaṁ raviḥ |
kṣētraṁ kṣētrī tathā kr̥tsnaṁ prakāśayati bhārata || 34 ||
kṣētrakṣētrajñayōrēvamantaraṁ jñānacakṣuṣā |
bhūtaprakr̥timōkṣaṁ ca yē viduryānti tē param || 35 ||
iti śrīmadbhagavadgītāsūpaniṣatsu brahmavidyāyāṁ yōgaśāstrē śrīkr̥ṣṇārjunasaṁvādē kṣētrakṣētrajñavibhāgayōgō nāma trayōdaśō:’dhyāyaḥ || 13 ||
caturdaśō:’dhyāyaḥ – guṇatrayavibhāgayōgaḥ >>
See complete śrīmadbhagavadgītā.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
