Read in తెలుగు / ಕನ್ನಡ / தமிழ் / देवनागरी / English (IAST)
śriyaḥ kāntāya kalyāṇanidhayē nidhayē:’rthinām |
śrīvēṅkaṭanivāsāya śrīnivāsāya maṅgalam || 1 ||
lakṣmī savibhramālōkasubhrūvibhramacakṣuṣē |
cakṣuṣē sarvalōkānāṁ vēṅkaṭēśāya maṅgalam || 2 ||
śrīvēṅkaṭādriśr̥ṅgāgra maṅgalābharaṇāṅghrayē |
maṅgalānāṁ nivāsāya vēṅkaṭēśāya maṅgalam || 3 || [śrīnivāsāya]
sarvāvayavasaundaryasampadā sarvacētasām |
sadā sammōhanāyāstu vēṅkaṭēśāya maṅgalam || 4 ||
nityāya niravadyāya satyānandacidātmanē |
sarvāntarātmanē śrīmadvēṅkaṭēśāya maṅgalam || 5 ||
svatassarvavidē sarvaśaktayē sarvaśēṣiṇē |
sulabhāya suśīlāya vēṅkaṭēśāya maṅgalam || 6 ||
parasmai brahmaṇē pūrṇakāmāya paramātmanē |
prayuñjē paratattvāya vēṅkaṭēśāya maṅgalam || 7 ||
ākālatattvamaśrāntamātmanāmanupaśyatām |
atr̥ptyamr̥tarūpāya vēṅkaṭēśāya maṅgalam || 8 ||
prāyassvacaraṇau puṁsāṁ śaraṇyatvēna pāṇinā |
kr̥payā:’:’diśatē śrīmadvēṅkaṭēśāya maṅgalam || 9 ||
dayāmr̥tataraṅgiṇyāstaraṅgairiva śītalaiḥ |
apāṅgaiḥ siñcatē viśvaṁ vēṅkaṭēśāya maṅgalam || 10 ||
sragbhūṣāmbarahētīnāṁ suṣamāvahamūrtayē |
sarvārtiśamanāyāstu vēṅkaṭēśāya maṅgalam || 11 ||
śrīvaikuṇṭhaviraktāya svāmipuṣkariṇītaṭē |
ramayā ramamāṇāya vēṅkaṭēśāya maṅgalam || 12 ||
śrīmatsundarajāmātr̥munimānasavāsinē |
sarvalōkanivāsāya śrīnivāsāya maṅgalam || 13 ||
maṅgalāśāsanaparairmadācāryapurōgamaiḥ |
sarvaiśca pūrvairācāryaiḥ satkr̥tāyāstu maṅgalam || 14 ||
iti śrī vēṅkaṭēśa maṅgalāśāsanam |
See more śrī vēṅkaṭēśvara stōtrāṇi for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
